જોરદાર અપડેટ / હવે કોઈ તમારું WhatsApp ખોલશે તો પણ વાંચવા નહીં મળે મેસેજ, જાણો કઈ રીતે લૉક કરી શકાશે ચેટ?

• વોટ્સએપે તેના યુઝર્સ માટે એક નવું પ્રાઈવસી ફીચર લોન્ચ કર્યું
• યુઝર એકવાર ચેટ લોક કરી દે તો ઇનબોક્સમાં પણ ચેટ નહીં દેખાઈ 
• ચેટ જોવા માટે પાસવર્ડ અથવા ફિંગરપ્રિન્ટનો ઉપયોગ કરવો પડશે

WhatsApp તેના કરોડો યુઝર્સને બેસ્ટ ચેટિંગ એક્સપિરિયન્સ આપવા માટે નવી સુવિધાઓ લાવતું રહે છે અને આ સાથે જ આ ઇન્સ્ટન્ટ ચેટિંગ પ્લેટફોર્મ તેના યુઝર્સની સેફટી અને સિક્યોરીટી પર પણ સંપૂર્ણ ધ્યાન રાખે છે. એમ જ વોટ્સએપે તેના યુઝર્સ માટે એક નવું પ્રાઈવસી ફીચર લોન્ચ કર્યું છે, જેમાં યુઝર્સ કોઈપણ ચેટને સરળતાથી લોક કરી શકશે. જો યુઝર એકવાર ચેટ લોક કરી દે તો તેને ઇનબોક્સમાં પણ આ ચેટ સાથે સંબંધિત મેસેજ દેખાશે નહીં અને આ સાથે જ લૉક કરેલા મેસેજનું કન્ટેન્ટ પણ નોટિફિકેશનમાં દેખાશે નહીં. એટલે કે જો યુઝર ચેટ લોકના કન્ટેન્ટ  જોવા માંગે છે, તો તેણે પાસવર્ડ અથવા ફિંગરપ્રિન્ટનો ઉપયોગ કરવો પડશે.

જણાવી દઈએ કે વ્હોટ્સએપે એક બ્લોગ પોસ્ટમાં જણાવ્યું છે કે અમે તમારા મેસેજને ખાનગી અને સુરક્ષિત રાખવા માટે કામ કરી રહ્યા છીએ. આજે અમે તમારા માટે એક નવું ફીચર લાવવા માટે ઉત્સાહિત છીએ જે તમને તમારી ચેટ્સને તમે સિક્યોરીટીના એક અલગ સ્તર પાછળ સુરક્ષિત કરી શકો છો. 

ચેટ લોક કેવી રીતે કામ કરશે?
વોટ્સએપે કહ્યું કે ચેટને લૉક કરવાથી તે થ્રેડ ઇનબૉક્સમાંથી બહાર નીકળી જશે ત્યારબાદ WhatsApp તેને તમારા ફોલ્ડર્સની પાછળ છુપાવશે. ફક્ત તમે જ તમારા પાસવર્ડ અથવા ફિંગરપ્રિન્ટની મદદથી આ ચેટ જોઈ શકો છો. એકવાર તમે ચેટને લોક કરી લો તે પછી, તેની સંબંધિત કન્ટેન્ટ નોટિફિકેશનમાં બતાવવામાં આવશે નહીં.

વોટ્સએપે કહ્યું કે જ્યારે પણ તમે તમારો ફોન તમારા પરિવારના સભ્યો અથવા મિત્રોને આપો છો, ત્યારે આ ફીચર તમારા માટે ખૂબ જ ઉપયોગી થશે. આવા સમયે, આ ફીચર તમારી ખાનગી ચેટ્સને છુપાવવા માટે ખૂબ જ અસરકારક સાબિત થશે, જેને તમે અન્ય કોઈની સાથે શેર કરવા માંગતા નથી. 

ચેટ લોકનો ઉપયોગ કેવી રીતે કરવો?
વોટ્સએપે કહ્યું કે ચેટને લોક કરવા માટે તમારે તેના નામ પર ટેપ કરવું પડશે અને ચેટ લોકનો વિકલ્પ પસંદ કરવો પડશે. આ પછી આ ચેટ તમારા ઇનબોક્સમાંથી ગાયબ થઈ જશે. જો તમે આ ચેટ ફરીથી જોવા માંગતા હો, તો તમારે તમારા ઇનબોક્સને નીચે ખેંચીને તમારો પાસવર્ડ અથવા ફિંગરપ્રિન્ટ દાખલ કરવાની જરૂર પડશે.