કોરોના / કોરોનાની બીજી લહેર માટે જવાબદાર વેરિયન્ટમાં આવ્યો એવો બદલાવ કે વૈજ્ઞાનિકો પણ થઈ ગયા આશ્ચર્યચકિત

• કોરોના વાયરસના નવા વેરિયન્ટમાં મળેલ સબ ટાઈપ ભારતમાં ઝડપથી ફેલાઈ રહ્યો છે 
• સૌ પ્રથમ મેક્સિકોમાં આ વેરિયન્ટ મળ્યો હતો 
• મેક્સિકો સિવાય દુનિયાના ઘણા બધા દેશોમાં હતો આ વેરિયન્ટ

કોરોના વાયરસના નવા વેરિયન્ટમાં મળેલ સબ ટાઈપ ભારતમાં ઝડપથી ફેલાઈ રહ્યો છે 
ભારતમાં કોરોનાનો નવી વેરિયન્ટ B.1.1.222 ઝડપથી ફેલાઈ રહ્યો છે અને તે ઘણું ચિંતાજનક છે. તેના પાછળ T478K મ્યુટેશન જવાબદાર છે અને તેના પર હાલ દુનિયાની ઘણી બધી લેબોરેટરી કામ કરી રહી છે. ચિંતાનું કારણ એ છે કે T478K મ્યુટેશન વિશે હજી કોઈને વધુ જાણકારી નથી. પણ વિચારવા જેવી બાબત એ છે કે આ T478K મ્યુટેશન B.1.617ના બીજા કોઈ સબ ટાઈપમાં જોવા નથી મળ્યો

સૌ પ્રથમ મેક્સિકોમાં આ વેરિયન્ટ મળ્યો હતો 
રિસર્ચ અનુસાર ઝડપથી ફેલાઈ રહેલા આ મેક્સીકન વેરિયન્ટમાં T478K મ્યુટેશન છે. માનવામાં આવે છે કે આ વેરિયન્ટને લીધે સંક્રમણ ફેલાઈ રહ્યું છે. એક્સપર્ટ અનુરાગ અગ્રવાલે આ વાતની ખાતરી કરીને કહ્યું કે T478K મ્યુટેશન પર વધુ રિસર્ચ ચાલી રહ્યું છે. તેમણે ગયા અઠવાડિયે કહ્યું કે B.1.617.1 માં E482Q મ્યુટેશન ન્યૂટ્રલઇઝેશન રિડક્શન વધુ હતું જે  સેલ વધારવામાં મદદ કરે છે. પણ હાલમાં આ મ્યુટેશન તેમાં દેખાઈ નથી રહ્યું પણ એક T478K મ્યુટેશન તેમાં જોવા મળ્યું છે. પણ તેના વિશે હજી વધારે ખ્યાલ કોઈને નથી. જયાં સુધી બરાબર ખાતરી ના થાય ત્યાં સુધી અમે કોઈ તારણ પર ન આવીએ. 

મેક્સિકો સિવાય દુનિયાના ઘણા બધા દેશોમાં હતો આ વેરિયન્ટ 
અગ્રવાલે કેમ્બ્રિજ યુનિવર્સિટીના રવીન્દ્ર ગુપ્તા સાથે મળીને B.1.617ના એન્ટિબોડી સામે ઘણા રિસર્ચ કર્યા છે. અને એક રિપોર્ટ અનુસાર ઓકટોબર 2020 થી આ સંક્રમણ ફેલવવાનું શરૂ થયું છે. જેને સૌથી વધુ સંક્રમણ કરનાર વાયરસ તરીકે ઓળખ્યો છે. તેમણે કહ્યું છે કે આ સંક્રમણ પર ચિંતા કરવી એ સ્વાભાવિક છે. મેક્સિકો સિવાય મ્યુટેશન અમેરિકા, જર્મની, સ્વીડન અને સ્વિટઝરલેન્ડમાં જોવા મળેલ છે.