કાર્યક્રમ / શપથ ગ્રહણમાં પહોંચ્યા ભારતના કેન્દ્રીય મંત્રી, માલદીવના રાષ્ટ્રપતિ બોલ્યા- તમારા સૈનિક પાછા લઈ જાઓ

• માલદીવના રાષ્ટ્રપતિના શપથ ગ્રહણમાં પહોંચ્યા મંત્રી કિરન રીજિજૂ
• 'ભારત સરકારને માલદીવથી તેમના સૈનિક કર્મીઓ પાછા લેવા અનુરોધ'
• 'ભારત માલદીવના લોકોને તેમની ઈચ્છાનો સન્માન કરશે'

માલદીવના નવા રાષ્ટ્રપતિએ શપથ લેવાના એક દિવસ અગાઉ ભારતને તેના સૈનિકો પાછા બોલાવવા માટે કહ્યું છે. માલદીવના આ અધિકારીક અનુરોધને રાષ્ટ્રપતિ કાર્યાલય દ્વારા શનિવારે એક પ્રેસનોટ પણ બહાર પાડવામાં આવી હતી. માલદીવએ કેન્દ્રીય મંત્રી કિરણ રિજિજૂને ભારતીય સૈનિક પાછા લેવા માટે અનુરોધ કર્યો છે. તમને જણાવી દઈએ કે, પડોસ પ્રથમ નીતિને રેખાંકિત કરતા કેન્દ્રીય મંત્રી કિરન રિજિજૂએ શુક્રવારે માલદીવના નવા રાષ્ટ્રપતિ પદ માટે મોહમ્મદ મુઈજ્જૂના શપથ ગ્રહણ સમારોહમાં ભારતનું પ્રતિનિધિત્વ કર્યું હતું.

Minister of Earth Sciences of India pays courtesy call on the President https://t.co/lzo9nbGSyh pic.twitter.com/GVqKbLE3TG

— The President's Office (@presidencymv) November 16, 2023

'ભારત માલદીવના લોકોને તેમની ઈચ્છાનો સન્માન કરશે'
આ દરમિયાન તેમણે મુઈજ્જૂની મુલાકાત કરી હતી. આ બાદ માલદીવના રાષ્ટ્રપતિની અધિકારીક વેબસાઈટ પર એક પ્રેસનોટ રિલિઝ કરવામાં આવી હતી. જેમાં ફક્ત બે લાઈન લખેલી હતી. જેમાં  માલદીવમાંથી ભારતીય સૈનિકોને નીકળવાની વાત કરવામાં આવી હતી. જે હટાવ્યા બાદ એક લાંબી લચક પ્રેસનોટ રિલિઝ કરવામાં આવી હતી. જેમાં કહ્યું છે કે, બેઠકમાં રાષ્ટ્રપતિ મુઈજ્જૂએ ઔપચારિક રીતે ભારત સરકારને માલદીવથી તેમના સૈનિક કર્મીઓ પાછા લેવા માટે કહેવામાં આવ્યું છે. રાષ્ટ્રપતિએ કહ્યું કે, સપ્ટેમ્બરમાં થયેલી ચૂંટણીમાં માલદીવના લોકોએ તેમને ભારતને અનુરોધ કરવા માટે મજબૂત જનાદેશ આપ્યો છે તેમજ ઉમ્મીદ પણ વ્યક્ત કરી છે કે, ભારત માલદીવના લોકોને તેમની ઈચ્છાનો સન્માન કરશે.

રાષ્ટ્રપતિએ શું લખ્યું ?
વધુમાં જણાવ્યું કે, મંત્રી કિરન રીજિજૂની સાથે ચર્ચા કરતા રાષ્ટ્રપતિ ડો. મુઈજ્જૂએ ઈમરજન્સી ચિકિત્સા પ્રદાનમાં માટે બે હેલીકોપ્ટરોની મહત્વપૂર્ણ ભૂમિકા સ્વીકાર કરી છે. માલદીવ, હિન્દ મહાસાગરમાં સ્થિત એક દ્રીપીય દેશ છે. નવા રાષ્ટ્રપતિએ તુરંત કહ્યું કે, માલદીવની વિદેશી નીતિને રિસેટ કરી તેમની સરકારના પ્રથમ 100 દિવસમાંની વિવિધ પ્રાથમિક્તા પૈકીની એક છે. જો કે, આ બધાની વચ્ચે ભારતનો કોઈ નિવેદન સામે આવ્યો નથી.