આસ્થા / કારતકી પૂર્ણિમાના દિવસે ભૂલથી પણ ન કરતાં આ કામ, જીવનમાં આવશે દુખોનો પહાડ, મીઠું સૌથી પહેલું

• 27 નવેમ્બરમા રોજ કારતકી પૂર્ણિમા
• કારતક માસમાં ભગવાન વિષ્ણુની પૂજા કરવામાં આવે છે
• આ શુભ દિવસે તમામ દેવી દેવતાઓને પ્રસન્ન કરવામાં આવે છે

કારતક માસમાં ભગવાન વિષ્ણુની પૂજા કરવામાં આવે છે. કારતક માસની પૂર્ણિમાના દિવસે કારતકી પૂર્ણિમા ઊજવવામાં આવે છે. આ વર્ષે 27 નવેમ્બરમા રોજ કારતકી પૂર્ણિમા છે. ભગવાન શિવે આ દિવસે ત્રિપુરાસર નામના રાક્ષસનો વધ કર્યો હતો. આ કારણોસર આ દિવસને ત્રિપુરી પૂર્ણિમા પણ કહેવામાં આવે છે. 

માનવામાં આવે છે કે, કારતકી પૂર્ણિમાના દિવસે ભગવાન વિષ્ણુના મત્સ્ય અવતારનો જન્મ થયો હતો. આ દિવસે ગંગા સ્નાન કરવાની પરંપરા છે, જેથી આખા વર્ષ દરમિયાન ફળ મળે છે. કારતકી પૂર્ણિમાને દેવ દિવાળી પણ કહેવામાં આવે છે. આ શુભ દિવસે તમામ દેવી દેવતાઓને પ્રસન્ન કરવામાં આવે છે. આ દિવસે હવન, દાન, ગંગા, સ્નાન અને ઉપાસનાનું વિશેષ મહત્ત્વ છે. 

કારતકી પૂર્ણિમાના દિવસે આ કામ કરો

• કારતકી પૂર્ણિમાના દિવસે સ્વચ્છતાનું ખાસ ધ્યાન રાખવામાં આવે છે. આ દિવસે ઘરને સાફ રાખવું અને ઘરમાં ગંદકી ના રાખવી.
• આ દિવસે આખા ઘરને ફૂલો અને માળાથી સજાવો અને ઘરના મુખ્ય દ્વાર પર સ્વસ્તિક ચિહ્ન લગાવો.
• કારતકી પૂર્ણિમાના દિવસે ભગવાન વિષ્ણુ અને લક્ષ્મી માતાની પૂજા કરવામાં આવે છે.
• આ ખાસ દિવસે ચોખા, ખાંડ અને દૂધનું દાન કરવામાં આવે છે. નદીમાં ચોખા, ખાંડ અને દૂધ પ્રવાહિત કરવું તે પણ શુભ માનવામાં આવે છે.
• આ દિવસે, ચંદ્રના દર્શન કર્યા પછી, વ્યક્તિએ દીપદાન કરવું જોઈએ.

કારતકી પૂર્ણિમાના દિવસે આ ભૂલ ના કરવી

• કારતકી  પૂર્ણિમાના દિવસે ભૂલથી પણ માંસ, દારૂ, ઈંડા અને ડુંગળી લસણ તથા અન્ય તામસિક ભોજનનું સેવન ના કરવું. 
• આ દિવસે ઘરમાં કોઈપણ પ્રકારનો ઝઘડો ના કરવો, જે અશુભ માનવામાં આવે છે.
• આ દિવસે દ્વાર પર આવનાર કોઈપણ ભિક્ષુક કે ગરીબ વ્યક્તિને ભોજન કરાવ્યા વગર કે પાણી પીવડાવ્યા વિના જવા ના દેવા.
• કારતકી પૂર્ણિમાના દિવસે કોઈ વ્યક્તિ પ્રત્યે નફરત ના રાખવી અને કોઈનું અપમાન ના કરવું.
• કારતકી પૂર્ણિમાના દિવસે ભૂલથી પણ તુલસીના પાન ના તોડવા જોઈએ.
• કારતકી પૂર્ણિમાના દિવસે મીઠાનું સેવન ના કરવું જોઈએ.