કોવિડ 19 / મહારાષ્ટ્રમાં કોરોના હવે નિયંત્રણ 'બહાર', મોતના આંકડા 300ને પાર

• કોરોનાને લઈને મહારાષ્ટ્રમાં ચિંતા વધી 
• રાજ્યમાં લાગૂ કરાયું છે મિની લોકડાઉન 
• ઘણા પ્રતિબંધો લાગૂ કરી દેવામાં આવ્યા છે

મુંબઈ સહિત આખા મહારાષ્ટ્રમાં હાલમાં મિની લોકડાઉન જેવી પરિસ્થિતિ ચાલી રહી છે, અને અહીંની પરિસ્થિતિ ઘણી ચિંતાંજનક થઈ ગઈ છે, જો કે આ વખતે પહેલાના જેવી કડકાઇ નથી રાખવામાં આવઇ, જો કે તો પણ ઘણા પ્રતિબંધો લાગૂ કરી દેવામાં આવ્યા છે. 

મુંબઈમાં કોરોનાના 8270 નવા કેસ 

મહત્વનું છે કે આજે પણ મહારાષ્ટ્રમાં 61,695 કોરોનાના કેસ સામે આવ્યા હતા, અને 349 લોકોના મોત નીપજયાં હતા. હાલના આંકડા પ્રમાણે અત્યાર સુધીમાં 5,87,478 લોકો હોમ કવોરંટીન છે , જ્યારે કે 27,273 લોકો સરકારી કવોરંટીનમાં છે. હાલમાં મહારાષ્ટ્રમા 6,20,060 જેટલા એક્ટિવ કેસ બન્યા છે,  એકલા મુંબઈમાં જ 8270 નવા કેસ આવ્યા હતા અને 49 લોકોના મોત થયા હતા. 

શું છે મુંબઈના હાલ ?

મુંબઇમાં કોરોનાના લીધે પરિસ્થિતિ વણસતા અહીની જસલોક હોસ્પિટલને કોરોના હોસ્પિટલ બનાવી દેવાઈ છે અને આની સિવાય બીએમસીએ ટ્રાઈડેન્ટ હોટેલ અને બીકેસીને પણ કોરોનાના ઉપયોગ માટે તૈયાર કરી છે. જે દર્દીઓ ઓછા ગંભીર છે, તેમને અહીં શિફ્ટ કરવામાં આવશે, એટલે કે જેને આઇસીયુ અથવા ઓક્સિજનની જરૂર નથી, તે અહીં શિફ્ટ થઈ શકે છે. 

મુંબઈના ડબ્બાવાળા પરેશાન 

મુંબઈના પ્રખ્યાત ડબ્બાવાલા ફરીથી આર્થિક સંકટની સામે ઝઝૂમી રહ્યા છે, એવામાં તેમણે રાજ્ય સરકારની પાસેથી મદદ માંગી છે, તેમના પ્રવક્તા વિષ્ણુ કલડોકેનું કહેવું છે કે કુલ 5000 જેટલા ડબ્બાવાલામાંથી હાલમાં માત્ર 400-500  જ અત્યાર સુધીમાં કામ કરી રહ્યા હતા અને નવા પ્રતિબંધો આવઇ જવાના લીધે હવે માત્ર 200-250 લોકોજ કામ કરી રહ્યા છે. એવામાં અમે રાજ્ય સરકારને અપીલ કરી રહ્યા છીએ કે અમને આર્થિક મદદ કરવામાં આવે. 

મિની લોકડાઉન લાગૂ છે 

મહત્વનું છે કે મુખ્યમંત્રી ઉદ્ધવ ઠાકરેએ હાલમાં જ પ્રદેશમાં મિની લોકડાઉન જેવા પ્રતિબંધો વાળી નવી ગાઈડલાઇન લાગૂ કરી છે, આ પ્રતિબંધો બુધવારે રાત્રે 8થી લાગૂ થઈ ગયા છે. મહત્વનું છે કે આમાં બજારો સહિતનું ઘણું બધુ બંધ છે, પણ જો કોઈ ઇમરજન્સી છે, તો લોકો બહાર નીકળી શકે છે અને તેમને રોકવામાં નહીં આવે. મુંબઈની હોસ્પિટલોમાં ઑકિસજનની અછત છે, જેના લીધે પ્રદેશ સરકાર દ્વારા કેન્દ્ર પાસેથી મદદ માંગવામાં આવી હતી. સુરતથી પણ ઓક્સિજનની સપ્લાય કરવાના અહેવાલ હતા.