હેપ્પી બર્થ ડે / મુકેશ અંબાણી છે ખાવાના શોખીન, સૌથી વધારે ભાવે છે આ સાવ સસ્તી ડિશ, ભાવ 100 રૂપિયાથી ઓછા

દેશના સૌથી અમીર વ્યક્તિ મુકેશ અંબાણીને લોકો તેમની લક્ઝરીયસ લાઈફને કારણે પણ જાણે છે. જેમાં તેમનું એન્ટીલિયા મકાન હોય કે પછી તેમની કારનું કલેક્શન. પરંતુ ઓછા લોકોને ખબર હશે કે તેમને જમવામાં એકદમ સાદુ ભોજન પસંદ છે. તેમની પસંદની ડીશ સાઉથ ઈન્ડિયન છે. જે એકદમ સસ્તી છે.

લોકોને એવુ લાગશે કે મુકેશ અંબાણીને જે ડીશ પસંદ છે તે ખૂબ મોંઘી હશે. પરંતુ એવુ નથી. મુકેશ અંબાણીને જે સાઉથ ઈન્ડિયન ડીશ પસંદ છે તે 100 રૂપિયા કરતા પણ સસ્તી છે. મુકેશ અંબાણીએ એક ઈન્ટર્વ્યૂમાં આ અંગે જણાવ્યુ હતુ કે, મુંબઈમાં આવેલ કાફે મૈસુરનું સાઉથ ઈન્ડિયન ખાવાનું ખૂબ ગમે છે. કાફે મૈસુરની ઈડલી સંભાર મુકેશ અંબાણીને ખૂબ પસંદ છે.

કાફૈ મૈસુરમાં જે ઈડલીની આઈટમો મળે છે તેની કિંમતની વાત કરીયે તો આ કાફેના મેનુ મુજબ ઓનર્સ ફેવરીટ ઈડલી(2પીસ)ની કીંમત 60 રુપિયા, ઈડલી ફ્રાય(2પીસ) 80 રુપિયા, રસમ ઈડલી, ઈડલી ગડબડ, દહી ઈડલીની કીંમત 90 રુપિયા છે.

2 ઈડલી અને એક સાંભરમાં 260 કેલરી હોય છે, 46 ગ્રામ કાર્બ, 12 ગ્રામ ફાયબર, 11 ગ્રામ પ્રોટીન, 6 ગ્રામ ફેટ હોય છે. ઈડલી બાફેલી હોય છે. તેમાં તેલ નથી હોતુ. ઈડલીમાં ફેટનું પ્રમાણ ઓછુ હોય છે. ઈડલી ચોખા અને ડાળમાંથી બને છે. જે આંતરડા માટે ખૂબ ફાયદાકારક હોય છે. તેનાથી સારા બેક્ટેરિયાની સંખ્યા વધે છે.

નારિયેળની ચટણી અને સંભારની સાથે ઈડલી સંપૂર્ણ ડીશ બને છે. જેમાં કાર્બોહાઈડ્રેટ, ફાયબર, ફેટ અને પ્રોટીન પુરતા પ્રમાણમાં હોય છે. 

વધુ વાંચોઃ આજે 67 વર્ષના થયા દેશના દિગ્ગજ બિઝનેસમેન મુકેશ અંબાણી, જાણો કેવી રીતે બની રિલાયન્સ નંબર 1 કંપની

ઈડલી ઈન્ડોનેશિયાથી ભારત આવ્યાનું માનવામાં આવે છે. ઈ.સ.800-1200માં ઈડલી ભારત આવી હોય તેવુ ફુડ ઈતિહાસકારોનું માનવું છે. ઈન્ડોનેશિયાની ફેમસ ડીશ કેડલી, ઈડલી જેવી જ લાગે છે. જેને મધર ઓફ ઈડલી પણ કહેવાય છે. પરંતુ શિવકોટી આચાર્યની ઈ.સ. 920માં છપાયેલી બુક "વડ્ડરાધને" મુજબ ઈડલીની ઉત્પત્તિ કર્ણાટકમાં થઈ હતી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો