Astro Tips / સવારમાં ઉઠતાવેંત સૌ પ્રથમ કરો આ 4 કાર્ય, મળશે તમામ ક્ષેત્રમાં સફળતા, સાથે વધશે સુખ-શાંતિ અને સમૃદ્ધિ

• નવા કામની શરૂઆત સવારે ઉઠીને કરવી જોઈએ
• સવારનો સમય ઊર્જાથી ભરપૂર હોય છે
• સકારાત્મકતા આવે છે નકારાત્મક ઊર્જા દૂર થાય છે

તમે અનેક વાર વડીલના મોઢે સાંભળ્યું હશે કે, સવારે ઉઠીને નવા કામની શરૂઆત કરવાથી લાભ થાય છે. સવારનો સમય ઊર્જાથી ભરપૂર હોય છે અને સકારાત્મકતા આવે છે. જો તમે પણ સફળતા, પ્રગતિ, ધન, વૈભવ અને સમૃદ્ધિ મેળવવા માંગો છો, તો આ કામ જરૂરથી કરવું જોઈએ. જે અંગે અહીંયા જાણકારી આપવામાં આવી છે. 

સવારે ઉઠીને સૌથી પહેલા આ કામ કરો
જ્યોતિષ શાસ્ત્ર અનુસાર સવારે ઉઠીને સૌથી પહેલા બંને હાથની હથેળીઓ જોવી જોઈએ. માનવામાં આવે છે કે, બે હાથની હથેળીમાં લક્ષ્મી માતાનો વાસ હોય છે. આ પ્રકારે કરવાથી લક્ષ્મી માતા પ્રસન્ન થાય છે અને આશીર્વાદ પ્રદાન કરે છે. 

સ્નાન કર્યા પછી છંટકાવ કરો
જ્યોતિષ શાસ્ત્ર અનુસાર સ્નાન કર્યા પછી આખા ઘરમાં ગંગાજળ છાંટવું જોઈએ. તમે હળદર પણ છાંટી શકો છો, જેથી ઘરમાં સુખ સમૃદ્ધિ આવે છે. નકારાત્મક ઊર્જા દૂર થાય છે અને સકારાત્મક ઊર્જાનો સંચાર થાય છે. 

નાહ્યા પછી આ કામ કરો
જ્યોતિષ શાસ્ત્ર અનુસાર બ્રહ્મ મુહૂર્તમાં ઉઠીને સ્નાન કર્યા પછી સ્વચ્છ કપડાં પહેરો. ત્યારપછી ઈષ્ટ દેવતાની પૂજા કરો. દેવી દેવતાની પૂજા કરવા માટે સવારના સમયને સર્વોત્તમ માનવામાં આવે છે. આ પ્રકારે કરવાથી સુખ, સમૃદ્ધિ અને ધન તથા વૈભવની પ્રાપ્તિ થાય છે. 

દેવી દેવતાને પ્રસન્ન કરવાના ઉપાય
જ્યોતિષ શાસ્ત્ર અનુસાર સવારે ઉઠીને સ્નાન કર્યા પછી ગાય માતાની પૂજા અને તેમને રોટલી ખવડાવવાથી તમામ દેવી દેવતા પ્રસન્ન થાય છે. ગાય માતાની સેવા કરવાથી લક્ષ્મી માતાના આશીર્વાદ પ્રાપ્ત થાય છે અને તેમની વિશેષ કૃપા રહે છે.