રોજગાર મેળો / 2 હજારથી વધુ જગ્યા અને વાર્ષિક 3.5 લાખ સુધીનું પેકેજ, નોકરીની રાહ જોતા ઉમેદવારો માટે ગુડ ન્યુઝ

• અમદાવાદમાં એકસાથે ત્રણ રોજગાર મેળાનું આયોજન
• ધો. 9, 10 અને 12 પાસથી લઇને ગ્રેજ્યુએટ, ITI, 
• ડિપ્લોમા, BE પાસ ઉમેદવારો માટે નોકરીની શાનદાર તક

અમદાવાદમાં એકસાથે ત્રણ રોજગાર મેળાનું આયોજન કરવામાં આવ્યું છે. વાત જાણે એમ છે કે, અસારવાની રોજગાર કચેરીમાં માર્ચ મહિનામાં ત્રણ રોજગાર મેળાનું આયોજન કરાશે. માહિતી મુજબ રોજગાર મેળામાં આશરે 2 હજારથી વધુ જગ્યા માટે ઉમેદવારોની પસંદગી કરવામાં આવી શકે છે. આ સાથે ભરતી મેળામાં પસંદગી પામનારા ઉમેદવારોને વાર્ષિક રૂ.1 લાખથી રૂ.3.5 લાખ સુધીનું જોબ પેકેજ ઓફર કરવામાં આવી શકે છે. 

અસારવાની રોજગાર કચેરીમાં આગામી માર્ચ મહિનામાં ત્રણ રોજગાર મેળાનું આયોજન થશે. આ જોબ ફેર અંતર્ગત વિવિધ 10થી વધુ સેક્ટરની કંપનીઓ ઇન્ટરવ્યૂના માધ્યમથી ઉમેદવારોની ફાઇનલ પસંદગી કરશે. ઉમેદવારો પાસપોર્ટ સાઇઝના ફોટો અને બાયોડેટા સાથે રોજગાર મેળામાં ભાગ લઈ શકશે.

કોણ-કોણ જોડાઈ શકે રોજગાર મેળામાં? 
અસારવાની રોજગાર કચેરીમાં યોજાનાર આ રોજગાર મેળામાં સર્વિસ, રિટેલ, મેન્યુફેક્ચરિંગ, ફાર્મા સહિતના વિવિધ સેક્ટરની કંપનીઓ જોડાશે. આ મેળામાં ધો. 9, 10, 12 પાસ, ગ્રેજયુએટ, આઈટીઆઈ, ડિપ્લોમા, બીઈ જેવી શૈક્ષણિક લાયકાત ધરાવતા ઉમેદવારોના શૈક્ષણિક દસ્તાવેજોની ચકાસણી કરી ઇન્ટરવ્યૂ પ્રક્રિયા હાથ ધરાશે. ભરતી મેળામાં પસંદગી પામનારા ઉમેદવારોને વાર્ષિક રૂ.1 લાખથી રૂ.3.5 લાખ સુધીનું જોબ પેકેજ ઓફર કરવામાં આવી શકે છે.