- માઈગ્રેન ખૂબ જ સામાન્ય ન્યૂરોલોજિકલ સમસ્યા
- હાર્ટ એટેક અને સ્ટ્રોક જેવી ગંભીર બિમારી થઈ શકે છે
- સામાન્ય માથાના દુખાવા કરતા માઈગ્રેનમાં વધુ દુખાવો થાય છે
માઈગ્રેન ખૂબ જ સામાન્ય ન્યૂરોલોજિકલ સમસ્યા છે. માઈગ્રેનની સમસ્યામાં ખૂબ જ ભારે દુખાવો થાય છે અને હાર્ટબીટ વધી જાય છે, ઉબકા ઉલ્ટી થાય છે. ઉપરાંત અવાજ અને પ્રકાશને કારણે સંવેદનશીલતાનો અનુભવ થાય છે. સામાન્ય માથાના દુખાવા કરતા માઈગ્રેનમાં વધુ દુખાવો થાય છે. આ બાબત પર ખૂબ જ ગંભીરતાથી ધ્યાન આપવાની જરૂર હોય છે. કેટલીક પરિસ્થિતિમાં સાઈકોસોમેટિક ડિસઓર્ડરને કારણે પણ થતી સમસ્યા થઈ શકે છે. સંશોધન પરથી જાણવા મળ્યું છે કે, માઈગ્રેન એક એવી સમસ્યા છે, જેના કારણે હાર્ટ એટેક અને સ્ટ્રોક જેવી ગંભીર બિમારી થઈ શકે છે. આ કારણોસર આ બિમારીનો સમય રહેતા ઈલાજ કરાવવો જોઈએ.
માઈગ્રેનને કારણે થતી સમસ્યા
ભારતમાં દર વર્ષે 1.85 લાખથી વધુ લોકો સ્ટ્રોકનો શિકાર બને છે. સંશોધન પરથી જાણવા મળ્યું છે કે, માઈગ્રેનથી પીડિત લોકોને સ્ટ્રોકનું વધુ જોખમ હોય છે. માઈગ્રેન અને ઈસ્કેમિક સ્ટ્રોક એકબીજા સાથે કેવી રીતે સંકળાયેલા છે, તે બાબતે સ્ટડીમાં સ્પષ્ટતા કરવામાં આવી છે. આ બંને બિમારી રક્તવાહિકાઓની આપૂર્તિ સાથે સંબંધિત સમસ્યા છે. માઈગ્રેનને કારણે ઈન્ફ્રક્શન, સ્ટ્રોક અને હાર્ટ એટેકનું જોખમ પણ વધી શકે છે.
હ્રદય રોગ અને સ્ટ્રોકનું જોખમ વધી શકે છે
સ્ટડી પરથી જાણવા મળ્યું છે કે, માઈગ્રેનથી પીડિત વ્યક્તિઓને હ્રદય સંબંધિત સમસ્યા જેમ કે, હાર્ટ એટેક અથવા હાર્ટની ગતિ સંબંધિત સમસ્યા જેમ કે, એટ્રિયલ ફાઈબ્રિલેશનનું જોખમ બમણુ થઈ જાય છે. આ બિમારીનો યોગ્ય સમયે ઈલાજ કરવામાં ના આવે તો ઈસ્કેમિક સ્ટ્રોક થઈ શકે છે. માઈગ્રેનની સમસ્યા હોય તો ઈલાજ માટે આરોગ્ય નિષ્ણાંતોની સલાહ જરૂર લેવી જોઈએ.
માઈગ્રેન અને તેનું જોખમ
ક્રોનિક માઈગ્રેનને કારણે જીવન ગુણવત્તા પર નકારાત્મક અસર થઈ શકે છે. માઈગ્રેનની સમસ્યા હોય તો માનસિક આરોગ્ય તથા ઊંઘની સમસ્યાનું જોખમ વધી જાય છે.
માઈગ્રેન ટ્રિગર થવાથી કેવી રીતે બચી શકાય?
- માઈગ્રેનની કેટલીક પરિસ્થિતિમાં કાર્ડિયોવસ્ક્યુલર સમસ્યાનું જોખમ રહે છે. માઈગ્રેનને મેનેજ કરવા માટે કેટલાક ઉપાય કરી શકાય છે, તે માટે અહીંયા જાણકારી આપવામાં આવી છે.
- માથાનો દુખાવો થતો હોય તો તેને ટ્રિગર કરતી સમસ્યા વિશે જાણો અને તેનાથી બચવા માટે ઉપાય કરો.
- આરોગ્યપ્રદ આહારનું સેવન કરો અને યોગ્ય સમયે ભોજન કરી જ લેવું
- કેફીનની માત્રા વધે તો માઈગ્રેનનું જોખમ વધી શકે છે. આ કારણોસર ઓછી ચા-કોફીનું માત્રામાં સેવન કરવું જોઈએ.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાંત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
