વિદેશ / 'તમારા સૈનિકો હટાવો' શપથ લેતાં જ માલદીવના પ્રેસિડન્ટે ભારતને દેખાડી આંખ, કેન્દ્રીય મંત્રીને કહ્યું

• ડોક્ટર મોહમ્મદ મુઈજ્જુએ લીધા માલદીવના પ્રેસિડન્ટ પદે શપથ
• શપથ બાદ તરત ભારતને કહ્યું
• તમારા સૈનિકો માલદીવમાંથી પાછા ખેંચો

શપથ લીધાના એક દિવસ બાદ માલદીવના નવા રાષ્ટ્રપતિ ડોક્ટર મોહમ્મદ મુઈજ્જુએ ભારતને આંખ દેખાડી છે. તેમણે ભારતને કહ્યું છે અમારા દેશમાંથી તમારા સૈનિકો ખસેડી લો. 
માલદીવની આ સત્તાવાર વિનંતીને રાષ્ટ્રપતિ કાર્યાલય દ્વારા શનિવારે એક પ્રેસ રિલીઝ દ્વારા જાહેર કરવામાં આવી હતી. માલદીવે કેન્દ્રીય પ્રધાન કિરેન રિજિજુને વિનંતી કરી છે કે તેઓ ભારતીય સૈનિકોને પાછા ખેંચે. ભારતની 'પડોશી પ્રથમ નીતિ'ને રેખાંકિત કરતા, કેન્દ્રીય પ્રધાન કિરેન રિજિજુએ શુક્રવારે માલદીવના નવા રાષ્ટ્રપતિ તરીકે મોહમ્મદ મુઇજ્જુના શપથ ગ્રહણ સમારોહમાં માલદીવનું પ્રતિનિધિત્વ કર્યું હતું.

Privileged to call on President H.E. Dr. Mohamed Muizzu.
Conveyed greetings from Hon’ble PM @NarendraModi and reiterated India’s commitment to further strengthen the substantive bilateral cooperation and robust people-to-people ties. pic.twitter.com/nFa95QD9ES

— Kiren Rijiju (@KirenRijiju) November 18, 2023

બે લાઈનમાં કહેવાયું, તમારા સૈનિકો હટાવો 
રિજીજુની મુલાકાત બાદ માલદીવના રાષ્ટ્રપતિની સત્તાવાર વેબસાઇટ પર એક અખબારી યાદી અપલોડ કરવામાં આવી હતી. આ પહેલા તેમાં માત્ર બે લાઈન જ લખવામાં આવી હતી, જેમાં માલદીવથી ભારતીય સૈનિકોને બહાર કાઢવાનો ઉલ્લેખ હતો. બાદમાં તેને દૂર કરવામાં આવી હતી અને એક મોટી પ્રેસ રિલીઝ અપલોડ કરવામાં આવી હતી. તેમાં ભારતીય સૈનિકોનો ઉલ્લેખ પણ છે. તેમાં કહેવામાં આવ્યું છે કે, "આ બેઠકમાં રાષ્ટ્રપતિ મુઈઝુએ ભારત સરકારને ઔપચારિક રીતે માલદીવમાંથી પોતાના સૈન્ય કર્મચારીઓને પાછા બોલાવવાની વિનંતી કરી હતી.

ભારત સૈનિકો પાછા બોલાવે એટલે માલદીવના લોકોએ જનાદેશ આપ્યો- પ્રેસિડન્ટ 
રાષ્ટ્રપતિએ કહ્યું કે સપ્ટેમ્બરમાં યોજાયેલી રાષ્ટ્રપતિની ચૂંટણીમાં, માલદીવના લોકોએ તેમને ભારતને વિનંતી કરવા માટે મજબૂત જનાદેશ આપ્યો હતો અને આશા વ્યક્ત કરી હતી કે ભારત માલદીવના લોકોની લોકશાહી ઇચ્છાનું સન્માન કરશે. મંત્રી કિરેન રિજિજુ સાથે આ મામલે ચર્ચા કરતી વખતે, રાષ્ટ્રપતિ ડો.મુઇજ્જુએ પણ અનેક ઇમરજન્સી તબીબી સ્થળાંતર પ્રદાન કરવામાં બંને હેલિકોપ્ટરની મહત્વપૂર્ણ ભૂમિકાનો સ્વીકાર કર્યો છે. નવા રાષ્ટ્રપતિએ કહ્યું હતું કે માલદીવની વિદેશ નીતિને ફરીથી સ્થાપિત કરવી તેમની સરકારના પ્રથમ 100 દિવસોમાં તેમની પ્રાથમિકતાઓમાંની એક હશે. માલદીવના રાષ્ટ્રપતિએ રિજિજુ સાથેની તેમની બેઠકમાં ભારતીય સૈનિકોની કથિત હાજરીનો મુદ્દો ઉઠાવ્યો હતો. જોકે ભારત તરફથી આના પર કોઈ નિવેદન જાહેર કરવામાં આવ્યું નથી.