હેલ્થ ટીપ્સ / મિક્સ સિઝનમાં ખાસ સાચવજો! મલેરિયા જેવા રોગો બની શકે છે ખતરો, આટલી વાતોનું રાખો ધ્યાન

• મેલેરિયા થયા બાદ ભૂલથી પણ આ વસ્તુઓનુ સેવન ન કરશો
• ઝડપી તાવની સાથે બીજા ઘણા લક્ષણો જોવા મળે છે
• મેલેરિયા થયા બાદ પૌષ્ટિક ભોજનનુ કરો સેવન

જાણો મેલેરિયા કઈ રીતે ફેલાય છે?

મેલેરિયા થતા દર્દીની ખાસ કાળજી રાખવી પડે છે. કારણકે આ જીવલેણ પણ હોઇ શકે છે. તો આવો જાણીએ આ દરમ્યાન કયા પ્રકારનુ ડાયટ લેવુ જોઈએ અને કઈ વસ્તુઓનુ સેવન ના કરવુ જોઈએ. મેલેરિયા એક સંક્રમિત રોગ છે, જે એનોફિલીન મચ્છરો દ્વારા ફેલાય છે. મેલેરિયાથી પીડિત દર્દીઓના બ્લડ પ્લેટલેટ્સ ઘણા ઓછા થાય છે, જેનાથી નબળાઈ, તાવ અને સ્નાયુઓમાં દુ:ખાવો થાય છે. સમયસર સારવાર ના મળતા આ બિમારી જીવલેણ પણ થઇ શકે છે. જે દેશોમાં વરસાદ વધારે પડે છે ત્યાં મેલેરિયા થવો સામાન્ય વાત છે. મેયો ક્લિનિક મુજબ દર વર્ષે લગભગ 290 મિલિયન લોકો મેલેરિયાથી સંક્રમિત થાય છે અને 4,00,000થી વધુ લોકો આ બિમારીથી મરી જાય છે. એવામાં આવો જાણીએ મેલેરિયાના લક્ષણો કેવા હોય છે અને કેવા પ્રકારની ડાયટથી તેનાથી રિકવર થઇ શકાય છે. 

મેલેરિયાના લક્ષણ 

મેલેરિયાના લક્ષણોમાં તાવ, ઠંડી લાગવી, બેચેનીનો અહેસાસ, માથાનો દુ:ખાવો, ઉબકા અને ઉલ્ટી, ડાયેરિયા, પેટમાં દુ:ખાવો, સ્નાયુઓ અને સાંધામાં દુ:ખાવો, થાક, શ્વાસ ઝડપથી લેવો અને હાર્ટ બીટ વધવી, કફ વગેરે મહેસૂસ થાય છે.

મેલેરિયા થયા બાદ શું ખાશો અને શું નહીં?

પૌષ્ટિક ભોજન કરો 

જ્યારે કોઈ વ્યક્તિને મેલેરિયા થાય છે તો શરીરને કેલેરી અને પૌષ્ટિક ચીજ વસ્તુઓની જરૂરીયાત ઘણી વધારે હોય છે. એવામાં આ દરમ્યાન દર્દીને હાઈ કેલેરીવાળા ડાયટનુ સેવન કરવુ જોઈએ. તમે આ દરમ્યાન ચોખાના બદલે ઘઉં અને બાજરીનુ સેવન કરી શકો છો. ચોખા સરળતાથી પચી જાય છે, જેનાથી એનર્જી ખૂબ ઝડપથી રિલીઝ થાય છે. મેલેરિયાના દર્દીઓ માટે ફ્રેશ ફ્રૂટ્સ અને શાકભાજીઓ વધુ ફાયદાકારક સાબિત થાય છે. અમુક અભ્યાસ મુજબ, વિટામિન A અને વિટામિન Cથી ભરપૂર ફળ અને શાકભાજીઓ જેવા કે ગાજર, પપૈયુ, દ્રાક્ષ, બેરી, નારંગી જેવી વસ્તુઓ મેલેરિયાના દર્દીઓની ઈમ્યુનિટીને બૂસ્ટ કરવામાં મદદ કરે છે.

સીડ્સ અનેે નટ્સનુ કરો સેવન

જ્યારે તમને મેલેરિયા થાય છે તો તમારે તમારા ડાયટમાં વધારે ફાઈટોન્યુટ્રીએન્ટ્સને સામેલ કરવાની જરૂર હોય છે, જે સંક્રમણને કારણે થતા એન્ટીઑક્સિડેન્ટ સ્ટ્રેસ સામે લડવામાં મદદ કરે છે. નટ અને બીજ ફાઈટોન્યુટ્રીએન્ટ્સની સાથે-સાથે હેલ્ધી ફેટ અને પ્રોટીનના પાવરહાઉસ છે. એવામાં સીડ્સ અને નટ્સ એક સારુ ઓપ્શન સાબિત થઇ શકે છે. 

આ વસ્તુઓનુ ના કરશો સેવન

મેલેરિયા થયા બાદ હાઈ ફાઈબર ફૂડ્સ જેમ કે લીલી પાંદડાવાળી શાકભાજી, મોટા છાલવાળા ફ્રૂટ્સ અને આખા અનાજનુ સેવન કરવાથી બચો. આ ઉપરાંત ફ્રાઈડ, મેદો અને વધુ મીઠી વસ્તુઓનુ સેવન ના કરવુ જોઈએ. આ દરમ્યાન વધારે ગરમ અને મસાલાવાળો આહાર ના ખાવો જોઈએ. કારણકે તેનાથી પેટમાં મુશ્કેલી થાય છે.