Ganesh Chaturthi 2023 / ચોકલેટ, માવા અને કેસર... ગણેશ ચતુર્થી આ 5 અલગ અલગ ફ્લેવરમાં બનાવી શકો છો મોદક: જાણી લો રેસીપી

• ઉકાદિચે મોદક જેટલા ટેસ્ટી અને હેલ્ધી છે
• ગણેશ ચતુર્થીએ ચોકલેટ મોદક સાથે બાપ્પાના ભોગને નવો સ્વાદ આપો
• બનાવવામાં ખૂબ જ સરળ છે આ પાંચ મોદક 

Ganesh chaturthi special Modak: ગણપતિના આગમનને લઈને ખાસ તૈયારીઓ શરૂ થઈ ગઈ છે. ગણરાજને રીઝવવા ઘરને સજાવવાથી લઈને વિવિધ પ્રકારની વાનગીઓ બનાવવાની તૈયારીઓ જોરશોરથી ચાલી રહી છે. અને જેમ કે આપણે સૌ જાણીએ છીએ કે, વિઘ્નહર્તાનો આનંદ તેમના મનપસંદ મોદક વિના પૂર્ણ થઈ શકે નહીં. જો કે, દરેક વખતે એક જ પ્રકારના મોદક બનાવવો ખૂબ કંટાળાજનક હોઈ શકે છે. જો તમે આ ગણેશ ચતુર્થીએ કંઈક ખાસ બનાવવા માંગો છો, તો તમે આ 5 પ્રકારના મોદક ટ્રાય કરી શકો છો.

ઉકાદિચે મોદાક
ઉકાદિચેનો અર્થ સ્ટીમ થાય છે. આ મોદક જેટલા ટેસ્ટી છે એટલા જ હેલ્ધી પણ છે. તેને બનાવવા માટે તમારે ડ્રાય ફ્રૂટ્સ, નારિયેળ, ગોળ, ચોખાનો લોટ અને ઘી જોઈએ. ચોખાના લોટ અને ડ્રાયફ્રૂટ્સ, નારિયેળ અને ગોળમાંથી સ્ટફિંગ અને 10-15 મિનિટ વરાળથી બહારનું આવરણ બનાવો અને તમારા ઉકાદિચે મોદક તૈયાર છે.

ચોકલેટ મોદક
આ ગણેશ ચતુર્થીએ તમે ચોકલેટ મોદક સાથે બાપ્પાના ભોગને નવો સ્વાદ આપી શકો છો. ચોકલેટ મોદક બનાવવા માટે તમારે ડાયજેસ્ટિવ બિસ્કીટ, ચોકો ચિપ્સ, દૂધ, કન્ડેન્સ્ડ મિલ્ક અને ડ્રાય ફ્રુટ્સની જરૂર પડશે. ચોકો ચિપ્સ, દૂધ, કન્ડેન્સ્ડ મિલ્ક ગરમ કરો. પછી તેમાં ડાયજેસ્ટિવ બિસ્કિટનો ભૂકો અને નટ્સ ઉમેરો અને તમારા મોદક તૈયાર છે.

કેસર મોદક
અમૃત મોદક તરીકે ઓળખાતા આ મોદકના સ્વાદની કોઈ સરખામણી નથી. તેને બનાવવા માટે તમારે માવા, કેસર, ખાંડ અને દૂધની જરૂર પડશે. દૂધમાં કેસર મિક્સ કરો. એક પેનમાં માવા અને ખાંડ ગરમ કરો. ખાંડ ઓગળી જાય પછી તેમાં કેસરનું દૂધ ઉમેરો. જ્યારે મિશ્રણ ઘટ્ટ થવા લાગે ત્યારે તેને ગેસ પરથી ઉતારી લો અને તમારા મોદક તૈયાર છે.

માવા મોદક 
આ મોદક બનાવવો ખૂબ જ સરળ છે. આ માટે તમારે માવો, ખાંડ, નારિયેળ અને ડ્રાયફ્રૂટ્સ જોઈએ. સ્ટફિંગ બનાવવા માટે નારિયેળને છીણી લો અને ડ્રાયફ્રૂટ્સને પીસીને મિક્સ કરો. આ પછી, કવરિંગ બનાવવા માટે, ખાંડ અને માવાને એક પેનમાં 5-10 મિનિટ માટે ગરમ કરો. તેને ઠંડુ કરો, તેમાં સ્ટફિંગ ભરો અને મોદક તૈયાર છે.

તલના મોદક
તલના મોદક બનાવવા માટે તમારે ફક્ત ચાર વસ્તુઓની જરૂર છે - તલ, ગોળ, ઘી અને દૂધ. તલને સૂકવીને પીસી લો. એક પેનમાં ઘી અને ગોળ ગરમ કરો. જ્યારે ગોળ ઓગળવા લાગે ત્યારે તેમાં તલ ઉમેરો અને ગેસ બંધ કરી દો અને તલના મોદક તૈયાર છે.