BIG NEWS / મહાઠગ કિરણ પટેલ 15 એપ્રિલ સુધી પોલીસ રિમાન્ડ પર, PMOના નકલી અધિકારીની ખુલશે ક્રાઈમ કૂંડળી

• અમદાવાદમાં મહાઠગ કિરણ પટેલના રિમાન્ડ મંજૂર
• કોર્ટે કિરણ પટેલના 7 દિવસના રિમાન્ડ કર્યા મંજૂર
• બંગલો પચાવવાના કેસમાં કિરણ પટેલની થઈ છે ધરપકડ
• અમદાવાદ ક્રાઈમ બ્રાંચે જમ્મુ કશ્મીરમાંથી મેળવ્યો છે કબજો

અમદાવાદમાં મહાઠગ કિરણ પટેલને લઈ વધુ એક મોટા સમાચાર સામે આવ્યા છે. વાત જાણે એમ છે કે, આજે અમદાવાદની મેટ્રો કોર્ટે મહાઠગ કિરણ પટેલના 7 દિવસના રિમાન્ડ મંજૂર કર્યા છે. બંગલો પચાવવાના કેસમાં કિરણ પટેલની ધરપકડ થઈ છે. મહત્વનું છે કે, અમદાવાદ ક્રાઈમ બ્રાંચે જમ્મુ કશ્મીરમાંથી કિરણ પટેલનો કબજો મેળવ્યો હતો. 

મહાઠગ કિરણ પટેલને ટ્રાન્સફર વોરંટના આધારે જમ્મુ-કાશ્મીરથી અમદાવાદ લાવવામાં આવ્યો છે. અમદાવાદમાં ક્રાઈમ બ્રાન્ચની ટીમ કિરણ પટેલની પૂછપરછ કરી રહી છે. ત્યારે આ મામલે મોટા ખુલાસા થયા છે. મહાઠગ કિરણ પટેલ છેલ્લા 6 મહિનામાં 4 વખત કાશ્મીર ગયો હતો. કિરણ પટેલે અમિત પંડ્યા, જય સીતાપરાની કાશ્મીરના અધિકારીઓ સાથે બેઠક કરાવી હતી. કિરણ પટેલ વર્ષ 2022માં પ્રથમ વખત કાશ્મીર ગયો હતો, જે બાદ તે વર્ષ 2023માં 3 વખત કાશ્મીર ગયો હતો. મહાઠગે ફેબ્રુઆરીમાં 2 વખત અને માર્ચ મહિનામાં એક વખત કાશ્મીરની મુલાકાત લીધી હતી. 

અમદાવાદ: મેટ્રો કોર્ટે મહાઠગ કિરણ પટેલના 7 દિવસના રિમાન્ડ કર્યા મંજૂર, બંગલો પચાવવાના કેસમાં કિરણ પટેલની થઈ છે ધરપકડ#gujarat #Ahmedabad #vtvgujarati

— VTV Gujarati News and Beyond (@VtvGujarati) April 8, 2023

ભાજપના પૂર્વ મંત્રીના ભાઈનો બંગલો પચાવ્યો ? 
જમ્મુથી ટ્રાન્સફર વોરંટના આધારે કસ્ટડી મેળવ્યા બાદ હવે ક્રાઈમ બ્રાન્ચની ટીમ કિરણ પટેલને લઈને અમદાવાદ પહોંચી હતી. વિગતો મુજબ અમદાવાદ શહેરના સિંધુ ભવન રોડ પર સ્થિત ભાજપના પૂર્વ મંત્રીના ભાઈનો બંગલો પચાવી પાડવાનો પ્રયાસ કરવાના કેસમાં ક્રાઇમ બ્રાન્ચે શ્રીનગરથી મહાઠગ કિરણ પટેલની ટ્રાન્સફર વોરંટના આધારે કસ્ટડી મેળવી છે. મહત્વનું છે કે, કિરણ પટેલની પત્ની માલિની પણ ધરપકડ થઈ ચૂકી છે. મહત્વનું છે કે, મહાઠગ કિરણ પટેલે સિંધુ ભવન રોડ પર આવેલા જગદીશ ચાવડાના બંગલાને રિનોવેશન કરવાના બહાને પચાવી પાડવાનો પ્રયાસ કર્યો હતો. આ મામલે કિરણ પટેલ અને પત્ની માલિની વિરૂદ્વ ગુનો નોધાયો હતો.