Astrology / આવી રહી છે મહાશિવરાત્રી: મહાદેવને પ્રસન્ન કરવા માટે તમારી રાશિ અનુસાર જાણો ખાસ ઉપાય

આ વર્ષે 8 માર્ચના રોજ મહાશિવરાત્રી છે. મહાશિવરાત્રીને સૌથી મહત્ત્વપૂર્ણ તહેવાર માનવામાં આવે છે. આ દિવસે ભગવાન શિવની સાથે પાર્વતી માતાની પણ વિધિ અનુસાર પૂજા કરવામાં આવે છે. પૌરાણિક કથા અનુસાર મહાશિવરાત્રીના દિવસે ભગવાન શિવ અને પાર્વતી માતાના વિવાહ થયા હતા. આ દિવસે ભગવાન શિવ દિવ્ય જ્યોતિર્લિંગ તરીકે પ્રગટ થયા હતા. દર વર્ષે ફાગણ માસની કૃષ્ણ પક્ષની ચૌદશે મહાશિવરાત્રી ઊજવવામાં આવે છે. આ દિવસે ભગવાન શિવને પ્રસન્ન કરવા માટે કેટલાક ખાસ ઉપાય કરવામાં આવે છે. મહાશિવરાત્રીના દિવસે મહાદેવને કેવી રીતે પ્રસન્ન કરવા તે અંગે અહીંયા જણાવવામાં આવ્યું છે. 

મહાશિવરાત્રી ઉપાય
મેષ- આ રાશિના જાતકોએ મહાશિવરાત્રીના દિવસે શિવલિંગ પર ગંગાજળ અને ગાયના દૂધથી અભિષેક કરવો. મધ અને મીઠા ભાતનો ભોગ ધરાવવો. માનવામાં આવે છે કે, આ ઉપાય કરવાથી ભગવાન શિવ પ્રસન્ન થાય છે. 

મિથુન- મહાશિવરાત્રીના દિવસે મિથુન રાશિના જાતકોએ ભગવાન શિવને પ્રસન્ન કરવા માટે દહીં અને દૂધથી અભિષેક કરવો. માનવામાં આવે છે કે, આ પ્રકારે કરવાથી આર્થિક સમસ્યા દૂર થાય છે. ઘરમાં નાણાંકીય સમસ્યા ઊભી થતી નથી. 

કર્ક- વૈદિક જ્યોતિષ અનુસાર કર્ક રાશિના જાતકોએ મહાશિવરાત્રીના દિવસે શિવલિંગ પર દૂધથી અભિષેક કરવો. સફેદ ચંદન, સફેદ કપડાં, સફેદ ફૂલ, ખીર અથવા સફેદ મિઠાઈનો ભોગ ધરાવવો. માનવામાં આવે છે કે, આ પ્રકારે કરવાથી ભગવાન શિવની અપાર કૃપા વરસે છે. 

કન્યા- આ રાશિના જાતકોએ મહાશિવરાત્રીના દિવસે ભગવાન શિવને પ્રસન્ન કરવા માટે શિવલિંગ પર જળાભિષેક કરવો. શિવલિંગ પર મધની સાથે બિલીપત્ર અર્પણ કરવું. માનવામાં આવે છે કે, આ પ્રકારે કરવાથી ભગવાન શિવના આશીર્વાદ પ્રાપ્ત થાય છે. 

વધુ વાંચો: આ વખતે આ રાશિના જાતકો ખાસ બચીને રહે, કારણ ચંદ્રગ્રહણ, સાથે બની રહ્યો છે અશુભ યોગ

કુંભ- મહાશિવરાત્રીના દિવસે કુંભ રાશિના જાતકોએ ભગવાન શિવને ખુશ કરવા માટે મધ અને બોરનો પ્રસાદ ચઢાવવો. માનવામાં આવે છે કે, આ પ્રકારે કરવાથી તમામ મનોકામના પૂર્ણ થાય છે અને ભગવાન શિવના અપાર આશીર્વાદ મળે છે. 

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો