રેપ / મહારાષ્ટ્રમાં ‘નિર્ભયા’ જેવી ઘટના, ચાલતી બસમાં યુવતી સાથે દુષ્કર્મ

• યુવતીનું મેડિકલ કરાવ્યા બાદ ઘરે મોકલી આપી
• પોલીસની ટીમ આરોપી ક્લીનરની ધરપકડ કરવા માટે નાગપુર રવાના
• બસમાં નીચે ફેંકવાની ધમકી આપી 2 વાર દુષ્કર્મગુજાર્યો

પીડિત યુવતીએ આ સંબંધમાં પુણેના રાજનગાંવ પોલીસ સ્ટેશનમાં ફરિયાદ નોંધાવી છે. પૂણે પોલીસે ત્યાં ઝીરો એફઆઈઆર નોંધી તેને ઘટના સ્થળવાળા જનપદ વાશિમમાં માલેગાવમાં પોલીસને મોકલી આપી છે. હવે ત્યાંની પોલીસ આ મામલામાં કાર્યવાહી કરી રહી છે.

બસમાં નીચે ફેંકવાની ધમકી આપી 2 વાર બળાત્કાર ગુજાર્યો

24 વર્ષની પીડિતાએ પોલીસને જણાવ્યું કે આ એક પ્રાઈવેટ સ્લીપર કોચ બસથી પ્રવાસ કરી રહી હતી. બસ નાગપુરથી પુણે જઈ રહી હતી. આ દરમિયાન બસના ક્લીનરે તેને 5 નંબરની સીટથી ઉઠાડી 15 નંબરની સીટ પર બેસવાનું કહ્યું હતું. જ્યાં યુવતી સીફ્ટ થઈ ગઈ તો તેની પાસે પહોંચીને તેને ચાલતી બસમાં નીચે ફેંકવાની ધમકી આપી 2 વાર દુષ્કર્મ ગુજાર્યો હતો.

પોલીસની ટીમ આરોપી ક્લીનરની ધરપકડ કરવા માટે નાગપુર રવાના

પોલીસે યુવતીની ફરિયાદ પર એફઆઈઆર દાખલ કરી કાર્યવાહી શરુ કરી દીધી છે. આ અંતર્ગત માલેગાંવ પોલીસે તેને બસને પૂણેથી કબ્જે કરી લીધી છે. જેમાં ઘટનાને અંજામ આપવામાં આવ્યો હતો. હવે પોલીસની ટીમ આરોપી ક્લીનરની ધરપકડ કરવા માટે નાગપુર રવાના થઈ છે.

યુવતીનું મેડિકલ કરાવ્યા બાદ ઘરે મોકલી આપી

માલેગાંવના પોલીસ અધિકારી પુષ્પલતા વાધે જાણકારી આપતા જણાવ્યું કે પીડિતા ગોંદિયા વિસ્તારની રહેવાસી છે. તે પૂણે કારેગાંમા રહેલી એક ખાનગી કંપનીમાં કામ કરે છે. પોલીસ આ મામલાની તપાસ ઝડપથી કરી રહીછે. યુવતીનું મેડિકલ કરાવ્યા બાદ ઘરે મોકલી આપી છે.