Lungs Exercise / આ 5 રીતે ફેફસાને રાખો એકદમ ફિટ, કોરોના વાયરસ જેવી બીમારીઓ સામે મળશે રક્ષણ

• કોરોનાના કેસમાં વધારો.
• ઋતુગત વાયરલના કારણે ફેફસા પર અસર.
• આ નુસ્ખા અપનાવવાથી ફેફસા થશે મજબૂત.

 ભારતમાં સતત કોરોના વધી રહ્યો છે. હાલમાં કોરોનાનો નવો વેરિએન્ટ XBB 1.16 ખૂબ જ તેજીથી ફેલાઈ રહ્યો છે. આ વેરિએન્ટ ઝડપથી ફેલાઈ રહ્યો છે, પરંતુ તેમાં વધુ જોખમ રહેલું નથી. ઉપરાંત H3N2 વાયરસ પણ વાયરલ થાય છે. આ ઋતુગત વાયરલના કારણે ફેફસા પર અસર થાય છે, જેના કારણે તેની કાર્યક્ષમતા ઘટી જાય છે. અહીંયા કેટલાક નુસ્ખા આપવામાં આવ્યા છે, જેની મદદથી તમારા ફેંફસા તંદુરસ્ત રહી શકે છે. 

ડીપ બ્રીથ કસરત કરો
ફેફસાને તંદુરસ્ત રાખવા માટે ડીપ બ્રીથ સૌથી બેસ્ટ કસરત છે. જેમાં 1થી 10 સુધીની ગણતરી કરતા જ્યાં સુધી ફેફસા ભરાઈ ના જાય ત્યાં સુધી શ્વાસ લો. આ પ્રકારે 1 થી 10 સુધીની ગણતરી કરતા જ્યાં સુધી ફેફસા ખાલી ના થાય ત્યાં સુધી શ્વાસ બહાર કાઢો. દરરોજ 15થી 30 મિનિટ સુધી આ પ્રકારે કરો. 

ધૂમ્રપાન ના કરો (No Smoking) 
ધૂમ્રપાનના કારણે ફેંફસા પર ખૂબ જ ખરાબ અસર થાય છે. વધુ માત્રામાં ધૂમ્રપાન કરવામાં આવે તો ફેફસામાં ધબ્બા પડી જાય છે. બ્રોંકાઈટિસ અને અસ્થમેટીકની સમસ્યા થાય છે. 

કપાલભાતિ કરો
ફેફસા માટે અનુલોમ વિલોમ અને કપાલભાતિને સારી કસરત માનવામાં આવે છે. અનુલોમ વિલોમ ડીપ બ્રિથિંગ જેવી એક કસરત છે, આ કારણોસર યોગ ગુરુની દેખરેખમાં અનુલોમ વિલોમ કરવું જોઈએ. કપાલભાતિ કરવા માટે પેટમાં શ્વાસ ભરીને ધીરે ધીરે છોડવામાં આવે છે, આ કસરત પણ યોગ ગુરુની દેખરેખમાં કરવી જોઈએ.

સવારે ઝડપથી ચાલો
ફિટ રહેવા કસરત કરવી જોઈએ. સવારે ઝડપથી ચાલવાથી આરોગ્યને ફાયદો થઈ શકે છે. શ્વસનતંત્રની માંસપેશીઓ મજબૂત થાય છે અને ફેફસા યોગ્ય પ્રકારે કાર્ય કરે છે. 

પ્રદૂષણથી દૂર રહો
આજના સમયમાં પ્રદૂષણ એક ગંભીર સમસ્યા છે. મુંબઈ, દિલ્હી, નોઈડા, ગાઝિયાબાદ જેવા શહેરોમાં પ્રદૂષણ વધી રહ્યું છે. પરાલી પ્રદૂષણને કારણે ફેફસા નબળા પડી જાય છે. શહેરમાં લોકોને શ્વાસ લેવામાં મુશ્કેલી થઈ રહી છે. ફેફસા સુરક્ષિત રહે તે માટે પ્રદૂષણયુક્ત ક્ષેત્રોથી દૂર રહો.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)