Lockdown / કોરોના સંકટ : મહારાષ્ટ્ર બાદ દેશના આ રાજ્યે પણ 31 મે સુધી લંબાવ્યું લૉકડાઉન

• દક્ષિણ ભારતના રાજ્ય તમિલનાડુએ પણ લૉકડાઉનને 31 મે સુધી આગળ વધાર્યું
• તમિલનાડુમાં બીજા રાજ્યોની તુલનામાં કોરોના વાયરસના વધારે દર્દીઓ મળ્યા છે

આ પહેલા મહારાષ્ટ્ર અને તમિલનાડુએ લૉકડાઉનને 31 મે સુધી ચાલુ રાખવાનું એલાન કર્યું છે. તમિલનાડુમાં બીજા રાજ્યોની તુલનામાં કોરોના વાયરસના વધારે દર્દીઓ મળ્યા છે. અહીં કોરોના દર્દીઓની સંખ્યા 10 હજારને પાર કરી ગઇ છે. સ્વાસ્થ્ય મંત્રાલયના તાજા આંકડાઓ મુજબ તમિલનાડુમાં હાલ કોરોના વાયરસના કુલ સંક્રમણના કેસ 10,585 છે. અહીં 3538 દર્દીઓ સારવાર બાદ સાજા થયા છે, જ્યારે 74 લોકોના મોત થયા છે. 

તમિલનાડુ સરકારે રાજ્યના 25 જિલ્લાઓને વિશેષ રાહત આપી છે. આ જિલ્લાઓમાં લૉકડાઉન વધારવાની સાથે રાજ્ય સરકારે લોકોને અલગ-અલગ પ્રકારની રાહત આપી છે. હવે એક જ જિલ્લાની અંદર બસોથી આવવા-જવા માટે ઇ-પાસની જરૂર પડશે નહીં. સરકારે લોકોને અપીલ કરી છે કે માત્ર કામ માટે જ ટ્રાન્સપોર્ટનો ઉપયોગ કરે, જેથી સંક્રમણ ઓછામાં ઓછુ થાય. 

આ ઉપરાંત તેમા પ્રાઇવેટ બસોમાં માત્ર 20 લોકો જઇ શકે છે, જ્યારે મોટી વેનમાં 7 લોકોને જવાની મંજૂરી હશે. જ્યારે ઇનોવા જેવી કારમાં 3 લોકો અને નાની કારમાં 2 લોકો જ મુસાફરી કરી શકશે. જ્યારે સરકાર અનુસાર મનરેગા પ્રોજેક્ટમાં 100 ટકા ક્ષમતાની સાથે કામ કરી શકાશે. 

જ્યારે સોશિયલ ડિસ્ટેન્સિંગનું પાલન કરવું પડશે તથા માસ્ક ફરજિયાતપણે પહેરવું પડશે. જ્યારે સરકારે ચેન્નઇ, કાંચીપુરમ, વિલ્લૂપુરમ જેવા કોરોન પ્રભાવિત જિલ્લાઓમાં કોઇ રાહત આપી નથી.