હત્યા / પાઈપથી પતાવી દીધો : દહેગામમાં કર્મચારીએ 15 ફટકા મારીને ફેક્ટરી માલિકનું ઢીમ ઢાળી દીધું

• પાઈપના ફટકા મારીને ફેક્ટરીના માલિકની કરી હત્યા 
• ફેક્ટરીના કર્મચારીએજ આપ્યો હત્યાને અંજામ 
• હત્યા પાછળનું કારણ હજું અકબંધ 

રાજ્યમાં વધી રહેલા હત્યાના બનાવો એક ચિંતાનો વિષય બન્યો છે. ત્યારે વધુંમાં ફરી ગાંધીનગરમાં એક હત્યાનો બનાવ સામે આવ્યો છે. ગાંધીનગર દેહગામ GIDCમાં આવેલ એક ફેક્ટરીના માલિકની ક્રુર રીતે હત્યા કરવામાં આવી છે. જેમા હત્યાને અંજામ ફેક્ટરીનાજ એક કર્મચારીએ આપ્યો છે. 

પાઈપના ફટકાઓ મારીને કરી હત્યા 

હત્યારા કર્મચારીનું નામ અખિલેશ હોવાનું સામે આવ્યું છે. તેણે તેના માલિકના માથાના ભાગે પાઈપ મારીને હત્યાને અંજામ આપ્યો છે. જોકે તેણે હત્યાને અંજામ શા માટે આફ્યો છે તે કારણ હજું અકબંધ છે. આ મામલે પોલીસને જ્યારે જાણ થઈ ત્યારે પોલીસ પણ તુરંત સ્થળ પર પહોચી હતી. પરંતુ ત્યા સુધીમાં ફેક્ટરીનો માલીકનું મૃત્યું થઈ ગયેલું.

હત્યા કરીને આરોપી ફરાર 

આરોપીએ ફેક્ટરીના માલિકના માથાના ભાગે 10 થી 15 જેટલા પાઈપના ફટકા માર્યા હતા. જેના કારણે તેનું ઘટના સ્થળેજ મોત નિપજ્યું. જોકે હત્યાને અંજામ આપ્યા બાદ કર્મચારી અખિલેશ ફરાર થઈ ગયો છે. 

સીસીટીવીના આધારે પોલીસે આરંભી તપાસ 

સમગ્ર મામલે પોલીસે સીસીટીવીના આધારે તપાસ આરંભી છે. પોલીસને જે સીસીટીવી મળ્યા છે. તેમા હત્યાના બધાજ દ્રશ્યો કેદ થયા છે. સીસીટીવીમાં એવું સ્પષ્ટ પણે જોઈ શકાય છે કે કર્મચારી પાછળથી આવીને તેના માલિકના માથાના ભાગે પાઈપના ફટકાઓ મારે છે. જેના કારણે તેનું મોત થયું છે. 

હત્યાનું કારણ હજુ અકબંધ 

ઉલ્લેખનીય છે કે કર્મચારીએ હત્યા શા માટે કરી છે તે કારણ હજુ પણ અકબંધ છે. સમગ્ર મામલે પોલીસે આરોપીની શોધખોળ આરંભી છે. પરંતુ ધોળા દિવસે GIDC ફેક્ટરીમાં બનેલા આ હત્યાના બનાવને લઈને આસપાસના વિસ્તારમાં ચકચાર મચી જવા પામી છે.