ભાંડો ફૂટ્યો / નેગેટીવ પબ્લિસીટી ન કરવા માટે બોલીવૂડનો આ ખાન લે છે 25 લાખ રૂપિયા, ઑડિયો વાયરલ

• બોલીવૂડનો આ ખાન થયો એક્સપોઝ
• ઑડીયો થઇ રહ્યો છે વાયરલ 
• મિકા સિંહથી લઇ સલમાન સાથે લઇ ચૂક્યો છે પંગો 

સેલેબ્સ સાથે લીધો પંગો 
પહેલા જ સલમાન ખાન, મિકા સિંહ, રણવીર સિંહ, વિદ્યા બાદલ, કંગના રણૌત અને રણબીર કપૂર સાથે પંગો લીધા બાદ કમાલનો એક વીડિયો વાયરલ થઇ રહ્યો છે. જેમાં તે 25 લાખ રૂપિયાની ડિમાન્ડ કરતો જોવા મળી રહ્યો છે. આ ઓડીયો રેકોર્ડિંગ ખુબ વાયરલ થઇ રહ્યુ છે જેમાં કમાલ એક પ્રોડ્યુસર સાથે વાત કરી રહ્યો છે. 

રોહીત ચૌધરી નામના પ્રોડ્યુસરે આ ઓડીયોને પોતાના ટ્વિટર અકાઉન્ટ પર શૅર કર્યો છે. આ ઓડીયો દ્વારા તે લોકોને કમાલનો અસલી ચહેરો બતાવવા માગે છે. રોહીતે દાવો કર્યો છે કે કમાલ બહુ મોટો બ્લેકમેલર છે. તે નેગેટિવ પબ્લિસીટી ન કરવાના 25 લાખ રૂપિયા લે છે. 

 

Hello Friends, today I am sharing an audio recording as a revelation in front of you. In which I am talking to the biggest blackmailer of the Indian film industry who asks for money for not doing negative publicity of the film. #KRKBlackMailer #KRKKutta #RohitChoudhary pic.twitter.com/lzJIpTabTc

— ROHIT CHOUDHARY (@1rohitchoudhary) July 2, 2021

થોડા સમય પહેલા સલમાન ખાન અને તેની ફિલ્મ રાધે પર કમેન્ટ કરવા પર સલમાને તેના પર કાયદેસરની કાર્યવાહી કરી હતી પરંતુ તેનાથી પાઠ ન ભણ્યો અને હવે શાહરૂખ ખાન પર કમેન્ટ કરી છે. 

શાહરૂખ પર કરી કમેન્ટ 
KRKએ ટ્વિટ કરી કે, મને ખબર નથી પડતી કે શાહરૂખ ખાન સાથે સાઉથના ડિરેક્ટર Atlee કેમ ફિલ્મ કરી રહ્યાં છે. જેને હિન્દી સિનેમાના દર્શકો વિશે કંઇ જ ખબર નછી. શાહરૂખ ખાનની આ જ તકલીફ છે કે તે વાર્તાની જગ્યાએ મેકર્સ પર ભરોસો કરે છે. 

 

બાદમાં KRKએ લખ્યું કે, શાહરૂખ પણ બીજા સ્ટાર્સની જેમ ભૂલ કરી રહ્યો છે. તે પણ પરદા પર 56 વર્ષનો ઘરડો દેખાવા નથી માગતો, તે ક્યુટ બોયની ઇમેજ ધરાવવા ઇચ્છે છે. 

સલમાન સાથે લીધો હતો પંગો 

તમને જણાવી દઈએ કે, કેઆરકે એટલે કે કમાલ આર ખાને ટ્વિટ કરીને સલમાન ખાનની ફિલ્મની ખૂબ ટીકા કરી હતી. જે બાદ સલમાને કેઆરકે પર માનહાનિનો દાવો કર્યો છે અને નોટિસ ફટકારી. એ પછી કેઆરકે સલમાન વિરૂદ્ધ એક પછી એક ટ્વિટ કરીને પોતાનો ગુસ્સો ઠાલવી રહ્યો છે. ત્યારે હાલમાં ફરી તેણે એક વાંધાજનક ટ્વિટ કરી છે જે ખૂબ વાયરલ થઈ રહી છે. 

કેઆરકેએ પોતાની ટ્વિટમાં ભાઈજાનને રસ્તા પર લાવવાની વાત કહી છે. તેણે ટ્વિટ કરીને લખ્યું, સાંભળ્યું છે કે તેણે ઘણાં લોકોના કરિયર ખતમ કરી દીધા છે. જેણે પણ તેના વિરૂદ્ધ કંઈ કહ્યું છે, તેણે એ લોકોને બરબાદ કરી નાખ્યું. હવે હું તેનું કરિયર બરબાદ કરી નાંખીશ અને તેને રસ્તા પર લાવી દઈશ.

એ પછી વધુ એક ટ્વિટમાં કેઆરકેએ લખ્યું-મને બોલિવૂડમાંથી ઘણાં ફોન આવી રહ્યાં છે. ઘણાં લોકો ટ્વિટ કરીને સજાની માંગ પણ કરી રહ્યાં છે અને ઘણાં લોકોએ તો એવું પણ કહ્યું કે તમને મારી નાખીશું. તમારી ચિંતા બદલ આભાર. પણ હું એનાથી ડરતો નથી. હું સત્ય માટે લડતો રહીશ. જોકે, કેઆરકેની આવી ટ્વિટ્સ બાદ હજી સુધી સલમાન તરફથી કોઈ પ્રતિક્રિયા આવી નથી.