ધર્મ / દૈનિક પૂજાના આ 7 ઉપાય, જે ખોલી દેશે તમારી બંધ કિસ્મતના તાળા

• શું તમે મુશ્કેલીમાં ફસાઈ ગયા છો.
• આ પરિસ્થિતિમાંથી બહાર નીકળવા માટે અપનાવો આ ઉપાય. 
• આ ઉપાય અપનાવવાથી તમારું ભાગ્ય ચમકી જશે.

જીવનમાં સારા અને નરસા તમામ પ્રકારના દિવસો આવે છે. ઘણીવાર જીવનમાં મુશ્કેલીઓનો એવું વાવાઝોડું આવે છે કે, તેમાંથી ક્યારેય પણ બહાર નીકળી શકાતું નતી. શું તમે પણ દેવાના બોજ હેઠળ અથવા અન્ય મુશ્કેલીઓમાં ફસાઈ ગયા છો, અને પરિવારમાં કડવાશ આવી ગઈ છે. આ પરિસ્થિતિમાંથી બહાર નીકળવા માટે આ ઉપાય જરૂરથી અપનાવવા જોઈએ. 

• સૌભાગ્યની કામના કરનાર લોકોએ સૂર્યોદય પહેલા ઉઠી જવું જોઈએ અને ધરતી માતાને પ્રણામ કરીને જમીન પર પગ મુકવો જોઈએ. ત્યાર પછી વડીલને પ્રણામ કરીને તેમના આશીર્વાદ લેવા જોઈએ. 
• માનવામાં આવે છે કે, દરરજ પહેલી રોટલી ગાયને આપવામાં આવે, પક્ષીઓને ચણ તથા પાણી આપવામાં આવે તો તમામ દોષ દૂર થાય છે અને સૌભાગ્ય પ્રાપ્ત થાય છે. 
• કુંડળી દોષ દૂર કરવા માટે સોમવારે ચંદ્રમા માટે શિવલિંગ પર દૂધ ચઢાવો. મંગળ ગ્રહની શુભતા માટે મંગળવારે મગની દાળનું દાન કરો. બુધવારે ગણપતિની પૂજા કરો, ગુરુવારે તુલસી પૂજા અને પીળા ફળનું દાન કરો. શુક્રવારે સફેદ વસ્તુનું દાન અને પીપળાના ઝાડ પર સરસિયાનું તેલ ચઢાવો, રવિવારે સૂર્ય દેવતાને અર્ધ્ય અર્પણ કરો. 
• દેવું વધી ગયું હોય તો ધન ધાન્ય મેળવવા માટે મંગળવારે હપ્તો ચૂકવવો જોઈએ અને મંગળવારે ઋણમોચન મંગળ સ્તોત્રના પાઠ કરવા જોઈએ. 
• ઘરમાં વાસ્તુદોષ હોય તો તે સ્થાનને તોડવું મુશ્કેલ છે. આ કારણોસર તે સ્થળ પર તુલસીનો છોડ રાખીને તેની પૂજા કરવી જોઈએ, જેથી વાસ્તુદોષ દૂર થશે. 
• સુખ સૌભાગ્ય મેળવવા માંગો છો, તો ભિક્ષા માંગવા આવતા સાધુ સંત, ગરીબ વ્યક્તિનો અનાદર ના કરવો જોઈએ. ક્ષમતા અનુસાર ભોજન, અન્ન, જળ અને ધનનું દાન કરવું જોઈએ. 
• દેવી દેવતા અને ગ્રહની વિશેષ શુભતા મેળવવા માટે દરરોજ નિશ્ચિત સ્થળે બેસીને શ્રદ્ધાપૂર્વક સંબંધિત મંત્રનો જાપ કરવો જોઈએ. 

(DISCLAIMER: આ લેખમાં ધર્મને લગતી આ માહિતી માત્ર અલગ-અલગ મળતી માહિતીને આધારિત છે. નહીં કે, તમે તેને સત્ય જ માની લો. કારણ કે ધર્મ એ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. કોઈપણ પ્રકારની મુશ્કેલી સર્જાશે તો તે માટે VTV ગુજરાતી જવાબદાર નહીં રહે. આ લેખ માત્ર ન્યૂઝના હેતુસર પબ્લિશ કરવામાં આવ્યો છે.)