Tuesday, August 20, 2019
સબસ્ક્રાઈબ કરો VTVGujarati ન્યુઝ Whatsapp

સ્કીમ / SBIની આ સ્કીમમાં એક વખત જમા કરો રૂપિયા, પેન્શનની જેમ મળતા રહેશે પૈસા

SBIની આ સ્કીમમાં એક વખત જમા કરો રૂપિયા, પેન્શનની જેમ મળતા રહેશે પૈસા

દેશની સૌથી મોટી બેંક સ્ટેટ બેંક ઑફ ઇન્ડિયા પોતાના ગ્રાહકોને આકર્ષવા માટે સતત નવી નવી સ્કીન રજૂ કરતી રહે છે. જેમાંની એક સ્કીમ એન્યુઈટિમાં એકસાથે રોકાણ કરવાથી નિયમિત સમય માટે માસિક આવક મળતી રહે છે.

એન્યુઇટિ પેમેન્ટમાં ગ્રાહકની તરફથી જમા થયેલી રકમ પર વ્યાજ લગાવીને એક નક્કી કરેલા સમય પછી આવક મળવાની ચાલુ થાય છે. 

આ યોજનામાં ઓછામાં ઓછા 1000 રૂપિયાની માસિક એન્યૂઇટિ માટે રોકાણ કરી શકાય છે, જે 25 હજાર રૂપિયા છે. મહત્તમ રોકાણની કોઈ મર્યાદા નથી. એન્યૂઇટિ ડિપોઝિટ 36/60/84 અથવા 120 મહિનાના સમયગાળા માટે થઈ શકે છે. આ થાપણો પર વ્યાજ દર થાપણદાર દ્વારા પસંદ કરાયેલી ટર્મ ડિપોઝિટ પર લાગુ થશે. ધારો કે, જો તમે 5 વર્ષ માટે એન્યૂઇટિ ડિપોઝિટ કરાવવા માગતા હો તો 5 વર્ષની FD પર ચાલુ વ્યાજ દર આપવામાં આવશે.

ડિપોઝિટ કરનાર વ્યક્તિનાં મૃત્યુના કિસ્સામાં સમય કરતા પહેલાં જ ઉપાડ કરવાની મંજૂરી મળે છે. આ ઉપરાંત, એન્યૂઇટિમાં જમા રાશિ પર 75% સુધી લોન પણ લઈ શકાય છે. જો તમે લોનનો વિકલ્પ પસંદ કરો તો ભવિષ્યના એન્યૂઇટિનું પેમેન્ટ લોન અકાઉન્ટમાં ત્યાં સુધી જમા થતું રહેશે, જ્યાં સુધી સંપૂર્ણ લોનની રકમ પરત ન મળી જાય.

જો તમે 5 વર્ષ માટે 10 હજાર રૂપિયાની માસિક એન્યૂઇટિ ઈચ્છો તો 7%ના વ્યાજ દર અનુસાર તમારે એન્યૂઇટિ ડિપોઝિટમાં 5,07,965.93 રૂપિયા જમા કરવા પડશે.

એન્યૂઇટિ RDથી કેવી રીતે અલગ છે:

એન્યૂઇટિ ડિપોઝિટ RDથી અલગ છે. RDમાં જમાકર્તા દર મહિનાની એક નિશ્ચિત રાશિ જમા કરે છે અને મેચ્યોરિટી પર એક નિશ્ચિત રાશિ મળે છે. પરંતુ એન્યૂઇટિ ડિપોઝિટના મામલામાં ઉલ્ટુ હોય છે. જ્યાં જમાકર્તા એક સાથે એમાઉન્ટ જમા કરે છે અને પૂરા કાર્યકાળ માટે દર મહિને એક નક્કી એમાઉન્ટ મળે છે.

એન્યૂઇટિ FDથી કેમ અલગ છે:

FDના મામલામાં જમાકર્તા એક વિશેષ કાર્યકાળ માટે એકસાથે અમાઉન્ટ જમા કરાવે છે જેવા કે 1 વર્ષ, 2 વર્ષ, 5 વર્ષ અથવા તો 7 વર્ષ વગેરે. મેચ્યોટિરી પર વ્યાજ સહિત રાશિ એક સાથે મળે છે. 

વધુ જાણકારી માટે કરો અહીંયા ક્લિક 

જોવા જેવું વધુ જુઓ

બ્રેકિંગ ન્યૂઝ