તણાવ / ભારતના જાંબાઝોની મુલાકાતે પહોંચ્યાં કેન્દ્રીય મંત્રી, તવાંગમાં જાત તપાસ બાદ આપ્યાં સારા સમાચાર

• LAC પર થયેલ અથડામણ મુદે બોલ્યાં રિજિજૂ
• ટ્વિટ કર્યું કે, ભારતીય સેનાએ બહાદુરીથી લડત આપી
• રાજનાથસિંહે પણ સેનાની કરી પ્રશંસા

અરૂણાચલ પ્રદેશનાં તવાંગમાં ચીની સેનાની ઘુસણપીઠ બાદ હવે સ્થિતિ થોડી સામાન્ય થઇ છે. કેન્દ્રીય મંત્રી કિરેન રિજિજૂએ આ બાબત અંગે જાણકારી આપી છે. રિજિજૂએ જણાવ્યું કે જ્યાં ભારતીય સેનાની ચીની PLA આર્મીની સાથે અથડામણ થઇ હતી તે તવાંગનાં યાંગ્ત્સે ક્ષેત્ર હવે સંપૂર્ણરીતે સુરક્ષિત છે.  ચીની સૈનિકોએ 9 ડિસેમ્બરનાં તવાંગ સેક્ટરનાં યાંગ્ત્સે ક્ષેત્રમાં  LAC પર અતિક્રમણ કરી સ્થિતિને એકતરફી રીતે બદલવાનાં પ્રયાસો કર્યાં હતાં. ચીનનાં આ પ્રયાસનો ભારતીય સેનાએ દ્ઢતાથી સામનો કર્યો છે અને બંને પક્ષો વચ્ચે થયેલ અથડામણમાં ભારતીય પક્ષનાં કોઇપણ સૈનિકનું મૃત્યુ થયું નથી.

"Yangtse area in Tawang, Arunachal Pradesh is fully secured now due to adequate deployment of the brave jawans of Indian Army," tweets Union minister Kiren Rijiju. pic.twitter.com/Zq3IzjJVCm

— ANI (@ANI) December 17, 2022

ભારતીય સેનાએ બહાદુરીથી લડત આપી
ભારતીય સેનાએ બહાદુરીથી ચીની સૈનિકોને ભારતીય ક્ષેત્રમાં અતિક્રમણ કરવાથી રોક્યું અને તેમને તેમની ચોકી પર પાછા વળવા માટે મજબૂર કરી દીધુ હતું. કિરેન રિજિજૂએ ટ્વિટ કરતાં કહ્યું કે ભારતીય સેનાનાં બહાદુર જવાનોની પર્યાપ્ત તૈનાતીનાં લીધે અરૂણાચલ પ્રદેશનાં તવાંગમાં યાંગ્ત્સે ક્ષેત્ર હવે પૂરીરીતે સુરક્ષિત છે. રક્ષામંત્રી રાજનાથસિંહે કહ્યું કે ગલવાન ઘાટી સંઘર્ષ અને અરૂણાચલ પ્રદેશનાં તવાંગ સેક્ટરમાં થયેલ અથડામણ દરમિયાન ભારતીય સૈનિકોએ જે બહાદુરી અને સાહસનું પ્રદર્શન કરેલ છે તે ખરેખર પ્રશંસનીય છે અને તેના માટે તેમની જેટલી પણ પ્રશંસા કરવામાં આવે તે ઓછી છે.

Whether it is Galwan or Tawang, Indian forces have proved their bravery, says Rajnath Singh

Read @ANI Story | https://t.co/gtkTNaq8t9#rajnathsingh #GalwanValley #TawangClash #FICCI #FICCIAGM pic.twitter.com/h3pRP7yK2l

— ANI Digital (@ani_digital) December 17, 2022

રાજનાથસિંહે પણ કરી સેનાની પ્રશંસા
ભારતીય વેપાર અને ઉદ્યોદ મહાસંઘમાં પોતાના સંબોધનમાં રાજનાથે ચીન સાથેના વિવાદથી નિપટવાની સરકારની રણનીતિ પર શંકા કરવા માટે કોંગ્રેસનાં નેતા રાહુલ ગાંધી પર પરોક્ષરૂપે નિશાન સાધ્યું હતું. તેમણે કહ્યું કે ગલવાન હોય કે તવાંગ, સશસ્ત્ર બળોએ જે રીતે બહાદુરી અને વીરતાનું પ્રદર્શન કરેલ છે તેના માટે તેમની જેટલી પ્રશંસા કરવામાં આવે તેટલી ઓછી છે. રાજનાથસિંહે કહ્યું કે અમે વિપક્ષનાં કોઇપણ નેતાની ઇચ્છાઓ પર ક્યારેય સવાલો ઊઠાવ્યા નથી અમે કેવળ નીતિઓનાં આધાર પર જ દલીલો કરી છે. રાજનીતિ સત્ય પર આધારિત હોવી જોઇએ. લાંબા સમય સુધી અસત્યનાં આધાર પર રાજનીતિ ન કરી શકાય.

દુનિયામાં ભારતનું કદ વધ્યું છે- રાજનાથસિંહ
તેમણે કહ્યું કે સમાજને સાચા માર્ગ તરફ લઇ જવાની પ્રક્રિયાને રાજનીતિ કહેવામાં આવે છે. હંમેશા કોઇની પણ ઇચ્છાઓ પર શંકા કરવું તેનું કારણ મને સમજાતું નથી. તેમણે આગળ કહ્યું કે પ્રધાનમંત્રી નરેન્દ્ર મોદીનાં નેતૃત્વમાં વિશ્વ પટલ પર ભારતનું કદ ઘણું વિશાળ થયું છે. હવે ભારત વિશ્વ મંચ પર એજન્ડ સેટ કરવાની દિશામાં કામ કરી રહ્યો છે.