નિવેદન / કેજરીવાલનો જન્મદિવસ અને વાતો બદલાતી રહે છે, ક્યારે કોના ભક્ત બની જાય તેનો કોઈ અંદાજો નથી : હર્ષ સંઘવી

• અરવિંદ કેજરીવાલ પર ગૃહ રાજ્યમંત્રી હર્ષ સંઘવીનું નિવેદન
• કેજરીવાલનો જન્મદિવસ બદલાતો રહે છે: હર્ષ સંઘવી
• AAPના મંત્રી ધર્માંતરણનો મોટો કારસો રચે છે: સંઘવી

અમદાવાદમાં એક કાર્યક્રમમાં ગૃહ રાજ્યમંત્રી હર્ષ સંઘવીએ દિલ્હીના મુખ્યમંત્રી અરવિંદ કેજરીવાલ પર નિવેદન આપ્યું હતું. જેમાં તેમણે કેજરીવાલ પર આકરા પ્રહારો કર્યા હતા.   હર્ષ સંઘવીએ જણાવ્યું કે તેમનો જન્મ દરેક ચૂંટણીમાં બદલાઈ જતો હોય  છે. જેમાં કોઈ નવાઈની વાત નથી. ઉપરાંત ઉત્તરપ્રદેશની ચુંટણીમાં તેમની વાત અલગ હોય છે તો ઉતરાખંડ, દિલ્હી, પંજાબની ચૂંટણીમાં તેમની વાતો બદલાઇ જાય છે. જે  સૌ લોકો જાણે જ છે.

 

કેજરીવાલ ક્યારે કોના ભક્ત બની જાય તે નક્કી નથી : સંઘવી
વધુમાં હર્ષ સંઘવીએ જણાવ્યું કે AAPના મંત્રી સ્ટેજ પરથી ખુલ્લેઆમ ધર્માંતરણનો મોટો કારસો રચે છે છતાં પણ તેમના વિરુદ્ધ પગલાં લેવાને બદલે મુખ્યમંત્રી સપોર્ટ કરતા હોવાની વાતનો પણ હર્ષ સંઘવીએ ઉલ્લેખ કર્યો હતો. કરોડો લોકોની શ્રધ્ધા જેમના સાથે જોડાયેલી છે તેવા ભગવાન રામ પર તેમના મંત્રીઑ આડેધડ ટિપ્પણી આપી રહ્યા છે. કેજરીવાલ ક્યારે કોના ભક્ત બની જાય છે ? તે નક્કી નથી થતું નથી, તથા તેમના કોઈ માપદંડ પણ ન હોવાનું કહ્યું હતું. પરંતુ ગુજરાતના લોકો એમને ઓળખી ગયા છે તેમ જણાવી હર્ષ સંઘવીએ જનતાના વખાણ કર્યા હતા.

ગઇકાલે વડોદરામાં થયો હતો વિરોધ
ગઇકાલે આમ આદમી પાર્ટીના નેતા અને દિલ્હીના મુખ્યમંત્રી અરવિંદ કેજરીવાલ તથા પંજાબના મુખ્યમંત્રી ભગવંત માન વડોદરામાં રોડ શો યોજ્યો હતો.  રોડ શો પહેલા વડોદરાના એરપોર્ટ બહાર રોડ પર કેજરીવાલ ગો બેકનું લખાણ લખવામાં આવ્યું હતું. તો આદમી પાર્ટીના કાર્યકરોએ કેજરીવાલ વિરોધી પોસ્ટરો ફાડી નાખ્યા હતા.વધુમાં વડોદરામાં કેજરીવાલના રોડ-શોમાં કાળા વાવટા ફરક્યાં હતા. તો કયાક  રોડ શો માં મોદી...મોદી... ના નારા પણ લાગ્યા હોવાનું જાણવા મળી રહ્યું છે. આમ અરવિંદ કેજરીવાલના પોસ્ટર અને બેનર હટાવવા મુદ્દે આપ અને ભાજપના કાર્યકરો સામસામે આવી ગયા હતા અને ઘર્ષણ સજાર્યું હતું.​