બોલીવુડ એક્ટ્રેસ કંગના રનૌત હાલમાં પોતાની ફિલ્મ તેજસનાં પ્રમોશનમાં વ્યસ્ત છે. ફિલ્મનાં દ્વિતીય ટ્રેલરને લોકો તરફથી સારો પ્રતિસાદ મળ્યો છે.
Share
બોલીવુડ એક્ટ્રેસ કંગનાની ફિલ્મ આવી રહી છે
અપકમિંગ ફિલ્મ તેજસનાં પ્રમોશનમાં વ્યસ્ત છે કંગના
આજે ફિલ્મનું બીજું ટીઝર લોન્ચ કરવામાં આવ્યું છે
કંગના રનૌતની ફિલ્મ તેજસ રિલીઝ થવા જઈ રહી છે જેમાં તે લીડ રોલમાં દેખાશે. તે એરફોર્સ ઓફિસરનું પાત્ર ભજવી રહી છે. 2 દિવસમાં રિલીઝ થવા જઈ રહેલી આ ફિલ્મનું બીજું ટીઝર લૉન્ચ થયું છે. ટીઝરને લોકોનો ઘણો સારો પ્રતિસાદ મળતો દેખાઈ રહ્યો છે.
અયોધ્યા મંદિર પર અટેક
ટીઝરમાં એક્ટ્રેસ કંગના એક મોટા મિશન પર દેખાઈ રહી છે. અયોધ્યાનાં મોટા મંદિરમાં તેને અટેકની ઈનફોર્મેશન મળી છે જેમાં કંગનાએ અનેક પ્રકારનાં ચેલેન્જીસનો સામનો કરવો પડી રહ્યો છે. જો કે ટીઝરમાં રામમંદિરનો ઉલ્લેખ કરવામાં આવ્યો નથી. કંગના રનૌત આ મૂવીમાં એક્શન મોડમાં દેખાશે કારણકે ટીઝરમાં જોઈ શકાય છે કે તે આતંકીઓ સાથે હિંમતપૂર્વક લડી રહી છે.
એક્ટ્રેસે વીડિયો શેર કર્યો
એક્ટ્રેસ કંગનાએ આ વીડિયો શેર કરતાંની સાથે સોશિયલ મીડિયા પર લખ્યું કે,' આ નવો હિન્દુસ્તાન છે કે જ્યાં સુપરસોલ્જર્સ, તેજસ દુશ્મનો પર તાકાત સાથે વાર કરશે. 27 ઑક્ટોબરનાં તેજસ ફિલ્મ સિનેમાઘરોમાં જુઓ. ' આ ટીઝર પર ફેન્સની પણ પ્રતિક્રિયા આવી રહી છે. એક વ્યક્તિએ કમેન્ટમાં લખ્યું કે ભારતને છેડશો તો છોડશું નહીં.. તો અન્ય યૂઝરે લખ્યું કે બ્લોકબસ્ટર લોડિંગ.
