ઉત્તરાખંડ / ધસતા જોશીમઠમાં ઘર-દુકાનો- ભવનો તોડવાની વિરૂદ્ધ રહેવાશીઓ, ઉગ્ર વિરોધ, વળતરની માગ

• ધસતાં જોશીમઠને બચાવવા લોકો આગળ આવ્યાં
• પ્રશાસન પાસે યોગ્ય વળતરની કરી માગ
• પોલીસ સાથે ધક્કા-મુક્કી કરીને અભિયાન રોક્યું

ઉત્તરાખંડનાં જોશીમઠમાં કંપી રહેલી ધરતીને લીધે ઘરોમાં તિરાડો પડી ગઈ છે ત્યારે આ જર્જરીત ઈમારતોને તોડવાની કામગીરી આવતીકાલથી શરૂ કરવામાં આવશે. આ અભિયાન અંતર્ગત તેવી હોટેલ્સ, ઘરો અને ભવનોને તોડવામાં આવશે જેને અસુરક્ષિત ઘોષિત કરવામાં આવ્યું છે. આ અભિયાનની શરૂઆત 2 હોટલથી થશે. 

2 હોટલોને તોડવાથી થશે શરૂઆત
આ અભિયાનની શરૂઆત 2 હોટલથી થશે. સૌથી પહેલાં હોટલ મલારી ઈન અને માઉન્ટ વ્યૂને હટાવવામાં આવશે. આ બંને હોટલોમાં અનેક તિરાડો પડી ચૂકી છે અને બંને પાછળની તરફ નમી ગઈ છે. બુધવારે આ હોટલોને તોડવાનું કામ શરૂ કરવામાં આવશે. આ તોડકામને લઈને જોશીમઠમાં વિરોધ પ્રદર્શન થઈ રહ્યું છે અને સ્થાનીકો વળતરની માંગ પર અડગ છે.

હડતાલ પર બેઠા લોકો, કર્યો વિરોધ
જોશીમઠમાં પ્રશાસન આવતીકાલ બુધવારથી 2 હોટલોને ફગાવવાનું કામ શરૂ કરશે. આ અભિયાનની શરૂઆત થાય તે પહેલા જ ત્યાંના સ્થાનીય લોકો અને હોટલ સ્ટાફ રસ્તા પર ઊતર્યાં છે અને રોડ પર બેસીને પ્રદર્શન કરી રહ્યાં છે. આ વિરોધ પ્રદર્શનમાં અનેક મહિલાઓ જોવા મળી રહી છે. લોકોની માંગ છે કે હોટલને ત્યારે જ તોડવામાં આવશે જ્યારે તેમને યોગ્ય વળતર ચૂકવવામાં આવશે.

હોટલ તોડવાથી પહેલા રોડને કરાયું બ્લોક
જોશીમઠમાં હોટલોને તોડવાથી પહેલા અધિકારીઓએ રોડને બ્લોક કરી દીધેલ છે. તેથી તે રસ્તા પરથી વાહનોની અવરજવરને પણ રોકી દેવાયું છે. રસ્તા પર ટ્રાફિક જામની સ્થિતિ પણ ઊભી થઈ રહી છે. પ્રશાસનની તરફથી અનાઉન્સમેન્ટ કરવામાં આવ્યું છે કે હોટલોથી દૂર થઈ જવું. 

રક્ષા રાજ્યમંત્રી પહોંચ્યા જોશીમઠ
રક્ષા રાજ્યમંત્રી અજય ભટ્ટે આજે જોશીમઠની મુલાકાત કરી હતી. તેમણે આર્મી કેમ્પનું નિરીક્ષણ કર્યાં બાદ સુનીલ વોર્ડમાં અસરગ્રસ્ત લોકોની પણ મુલાકાત લીધી. તેમણે લોકોને વિશ્વાસ દેવડાવ્યો કે કેન્દ્ર અને રાજ્ય સરકાર આ પ્રાકૃતિક આપત્તિથી લોકોને નિકાળવાનું કામ કરી રહી છે. 

678 મકાનો થયાં છે અસરગ્રસ્ત
જોશીમઠમાં તપાસ બાદ 9 વોર્ડનાં 678 મકાનોમાં તિરાડો આવી છે. સુરક્ષાની નજરથી 2 હોટલને આપત્તિ પ્રબંધન અધિનિયમ અંતર્ગત બંધ કરી દેવાયા. 16 જગ્યાઓ પર કુલ 81 પરિવારોને જ વિસ્થાપિત કરવામાં આવ્યાં છે. જોશીમઠમાં સરકારનો દાવો છે કે અત્યાર સુધી 19 જગ્યાઓ પર 213 રૂમમાં 1191 લોકોને રહેવાની વ્યવસ્થા કરવામાં આવી છે.