OMG / નોકરીથી ખુશ નથી! દર 100 માંથી 88 લોકોને નવી નોકરીના અભરખા, રિસર્ચ રિપોર્ટમાં ફાંફે ચડાવે તેવો ખુલાસો, કારણ પણ નવું

• સમગ્ર વિશ્વમાં બેરોજગારી એક મોટી સમસ્યા
• પસંદગીની નોકરી મેળવવી ખૂબ જ મુશ્કેલ 
• દર 100માંથી 88 લોકો પોતાની નોકરીથી ખુશ નથી 

દુનિયામાં નોકરીઓની હાલત કોઈનાથી છુપી નથી. આવી સ્થિતિમાં તમારી પસંદગીની નોકરી મેળવવી ખૂબ જ મુશ્કેલ બની રહી છે. હજુ પણ લોકો પોતાની નોકરી છોડીને નવી નોકરીઓ શોધી રહ્યા છે. હાલમાં જ નોકરીને લઈને એક રિપોર્ટમાં એક ચોંકાવનારો ખુલાસો થયો છે. રિપોર્ટ અનુસાર, દર 100માંથી 88 લોકો પોતાની નોકરીથી ખુશ નથી અને નવી નોકરીની શોધમાં છે. આ 88 ટકા લોકોમાં 18 થી 24 વર્ષની વયના લોકોનો સમાવેશ થાય છે, જેઓ નવા વર્ષમાં તેમની નોકરી બદલવા માંગે છે. આવો તમને એ પણ જણાવીએ કે જોબને લઈને રિપોર્ટમાં શું ખુલાસો થયો છે.

રિપોર્ટમાં થયો ખુલાસો

ઓનલાઈન જોબ સર્ચિંગ પોર્ટલ LinkedIn એ 2023 માટે પોતાનો રિપોર્ટ જાહેર કર્યો છે જેમાં સામે આવ્યું છે કે દર 100માંથી 88 લોકો તેમની નોકરીથી ખુશ નથી અને નવા વર્ષમાં તેમની નોકરી બદલવા માંગે છે. 2021 ની તુલનામાં ભારતમાં ભરતીનું સ્તર છેલ્લા મહિનામાં એટલે કે ડિસેમ્બર 2022 માં 23% ઘટ્યું છે.

સંશોધનમાં બહાર આવ્યું 

30 નવેમ્બર 2022 થી 2 ડિસેમ્બર 2022 ની વચ્ચે 18 વર્ષ અને તેનાથી વધુ વયના 2 હજારથી વધુ કર્મચારીઓ પર સંશોધન દ્વારા બહાર આવ્યું છે કે લગભગ 88 ટકા યુવાનો જેમની ઉંમર 18 થી 24 વર્ષની વચ્ચે છે તેઓ તેમની નોકરી બદલવા માંગે છે. જ્યારે 45 થી 54 વર્ષની વચ્ચેના 64 ટકા લોકો નોકરી બદલવા માંગે છે. આનો અર્થ એ થયો કે વડીલો કરતાં યુવાનો આ વર્ષે નોકરી બદલવાનું વધુ વિચારી રહ્યા છે.

વધુ વાંચો : 'નોકરી જોઈતી હોય તો સેક્સ કરવું પડશે' સરકારી અધિકારીએ ફસાવી છોકરીઓ, સરઘસ કાઢીને ખુલ્લો પડાયો

નોકરી બદલવાનું કારણ

સર્વેમાં સામેલ લગભગ ત્રણ-ચતુર્થાંશ કર્મચારીઓએ નોકરી બદલવાનું ખૂબ જ આશ્ચર્યજનક કારણ આપ્યું છે. તેમણે કહ્યું કે વધતા ખર્ચ અને ઓછા પગારને કારણે કર્મચારીઓને નવી નોકરીઓ શોધવાની ફરજ પડે છે. સર્વેમાં પણ લગભગ 35% લોકો એવા છે જે વધુ પૈસાની શોધમાં છે. 33% લોકો એવા છે કે જેઓ એવી કંપનીમાં કામ કરવા માંગે છે જ્યાં તેમના અંગત અને વ્યાવસાયિક જીવન વચ્ચે સંતુલન હોય. લગભગ 32% લોકોએ કહ્યું કે તેઓને તેમની ક્ષમતાઓ પર વિશ્વાસ છે અને તેઓ વિચારે છે કે તેઓ સારા પગાર સાથે સારી નોકરી મેળવી શકે છે.