BIG NEWS / જેટ એરવેઝના સંસ્થાપક નરેશ ગોયલની EDએ કરી ધરપકડ, 538 કરોડના બેન્ક કૌભાંડનો છે આરોપ,જાણો વિગત

• જેટ એરવેઝના માલિક નરેશ ગોયલની ED દ્વારા ધરપકડ 
• મે મહિનામાં નોંધાયેલી CBIની FIR આધારિત કેસ છે
• 5 મેના રોજ ગોયલના નિવાસસ્થાન સીબીઆઈ દરોડા પાડ્યા હતા

જેટ એરવેઝના સ્થાપક નરેશ ગોયલની ED દ્વારા ધરપકડ કરવામાં આવી છે. તેમના પર 538 કરોડ રૂપિયાના બેંક કૌભાંડનો આરોપ છે. જેમને આવતીકાલે કોર્ટમાં રજૂ કરવામાં આવશે. અત્રે જણાવી દઈએ કે, તેમની ધરપકડ પહેલા પૂછપરછ કરવામાં આવી હતી.  નરેશ ગોયલને EDના અધિકારીઓએ શુક્રવારે સવારે પૂછપરછ માટે બોલાવ્યા હતા. જેઓ અગાઉ પણ બે વખત ED સમક્ષ હાજર થયા ન હતો. EDના અધિકારીઓ તેમને પૂછપરછ માટે લઈ ગયા હતા. ત્યારબાદ ત્યાંથી તેમને મુંબઈ લાવવામાં આવ્યો હતાં. પૂછપરછ બાદ તેમની ધરપકડ કરવામાં આવી છે.

CBIની FIR આધારિત કેસ
ગોયલ વિરુદ્ધ EDનો આ કેસ ચાલુ વર્ષે મે મહિનામાં નોંધાયેલી CBIની FIR પર આધારિત છે. સીબીઆઈના અધિકારીઓએ 5 મેના રોજ ગોયલના નિવાસસ્થાન અને તેમની ઓફિસ સહિત મુંબઈમાં સાત સ્થળોએ દરોડા પાડ્યા હતા. 

શું છે સમગ્ર મામલો
સીબીઆઈ એફઆઈઆરમાં જણાવ્યું છે કે, 23 નવેમ્બર 2022ના રોજ કેનેરા બેંકના અધિકારીઓએ જેટ એરવેઝના નરેશ ગોયલ, અનીતા ગોયલ, ગૌરાંગ આનંદ શેટ્ટી અને અજાણ્યા વ્યક્તિઓ વિરુદ્ધ છેતરપિંડી, ગુનાહિત કાવતરું અને વિશ્વાસઘાતના આરોપો લગાવ્યા હતા. જેના કારણે કેનેરા બેંકને 538.62 રૂપિયા ચૂકવવા પડ્યા હતા અને કરોડો રૂપિયાનું નુકસાન થયું હતું.