- ગાંધીનગરમાં કોંગ્રેસનો પ્રચંડ પ્રચાર
- જગદીશ ઠાકોરે ભાજપ પર કર્યા પ્રહાર
- "ભાજપનું સંકલ્પ પત્ર માત્ર શબ્દોનું શણગાર"
વિધાનસભા ચૂંટણીને આડે ગણતરીના દિવસો બાકી રહ્યા છે તેવામાં ગાંધીનગરના પેથાપુરમાં કોંગ્રેસની જનસભાનું આયોજન કરવામાં આવ્યું હતું. જેમાં કોંગ્રેસ પ્રદેશ અધ્યક્ષ જગદીશ ઠાકોર અને રાજ્યસભા સાંસદ શક્તિસિંહ ગોહીલ ઉપસ્થિતીમાં જનસભાનું આયોજન કરવામાં આવ્યું હતું. જગદીશ ઠાકોર જનસભામાં ભાજપનું સંકલ્પ પત્રને લઈ શાબ્દિક પ્રહારો કર્યા હતા. મોંઘવારી, મોરબી દૂર્ઘટના અને લઠ્ઠાકાંડ જેવા મુદ્દાઓને લઈ ભાજપ પર પ્રહાર કર્યા હતા સાથે જ કોંગ્રેસ ગુજરાતમાં 125 બેઠક મેળવીને જંગી જીત મેળવશે તેવો દાવો પણ કર્યા હતો.
જગદીશ ઠાકોરનું નિવેદન
કોંગ્રેસ પ્રદેશ પ્રમુખ જગદીશ ઠાકોરે ભાજપ પ્રહાર કરતા જણાવ્યું હતું કે, ભાજપનું સંકલ્પ પત્ર માત્ર શબ્દોનું શણગાર છે તેમણે કહ્યું કે, ભાજપ મોંઘવારી, મોરબી દૂર્ઘટના અને લઠ્ઠાકાંડ પર ચર્ચા કરતી નથી તેમણે જણાવ્યું કે, ભાજપમા જનારા કોંગ્રેસ વરરાજા છે જ્યારે ભાજપની કાર્યકરો માત્ર જાનૈયા છે. તેમણે દાવો કરતા કહ્યું કે, કોંગ્રેસ ગુજરાત મા 125 બેઠક મેળવીને જીતશે.
ઇન્દ્રનીલ રાજ્યગુરુના આક્ષેપ
રાજકોટ વિધાનસભા 68માં વિધાનસભાની ચૂંટણીનો માહોલ ચરમસીમાએ છે આજે ઇન્દ્રનીલ રાજ્યગુરુની જંગલેશ્વર વિસ્તારમાં જનસભા યોજાઈ હતી જેમાં રાજ્યસભાના સાંસદ અને સાયર ઇમરાન પ્રતાપગઢી હાજર રહ્યા હતા. ઇન્દ્રનીલ રાજ્યગુરુએ જણાવ્યું હતું કે હું આ વિસ્તારમાં 5 વર્ષ ધારાસભ્ય રહ્યો હતો , જંગલેશ્વર વિસ્તાર ને ખોટી રીતે બદનામ કરવા આવી રહ્યો છે, ભાજપના કાર્યકરોને દબાવી કામ લેવામાં આવી રહ્યા છે.
શક્તિસિંહ ગોહિલના ભાજપ પ્રહાર
શક્તિસિંહ ગોહિલે પ્રહાર કરતા કહ્યું કે, ભાજપ કહે છે કે, ગુજરાત મેં બનાવ્યું છે અંધભક્ત કહે છે કે મેં અને નરેન્દ્ર મોદીએ ગુજરાત બનાવ્યું છે. હકીકતમાં તો ગુજરાતની જનતા એમ કહે છે કે ભાજપવાળા ગુજરાતને ‘બનાવી’ ગયા. ભાજપે ગુજરાતને છેતર્યું છે અને કેવી રીતે બનાવ્યું છે તેને સાબિત કરવા માટે એક દાખલો અહી રજુ કરું છું. ભાજપ કહે છે કે અમે મફત વેક્સિનેશન આપ્યું અને વડાપ્રધાનમોદી તેમની દરેક સભાઓમાં વેક્સિનેશનની વાત કરી રહ્યાં છે. ગુજરાતની અંદર મફત વેક્સિનેશનના નામે ખુબ જ મોટું કૌભાંડ આચરવામાં આવ્યું છે તેમણે કહ્યું કે, ભરોસાની ભેંસના સ્લોગન માત્ર હોર્ડિંગ્સ ઉપર છે. ગુજરાતના લોકોએ સારો વહીવટ કરવા માટે જે ભેંસને ખુબ ઘાસ ખવડાવ્યું, માવજત કરી અને આ ભરોસાની ભેંસે પાડી આપવાના બદલે ભય, ભુખ અને ભ્રષ્ટાચારનો પાડો આપ્યો કે જેને ખેતીના કામમાં ન જોતરી શકાય, ના વેચી શકાય કે ના ગાડે જોડી શકાય.
