ઈન્ડિયન પ્રીમિયર લીગની 17મી સીઝન 22 માર્ચથી શરૂ થશે. ગઈ વખતે IPL ચેમ્પિયન રહેલી ચેન્નાઈ સુપરકિંગ્સ અને રોયલ ચેલેન્જર્સ બેંગ્લોરની વચ્ચે ટૂર્નામેન્ટની ઉદ્ધાટન મેચ ચેન્નાઈના એમએ ચિદંબરમ સ્ટેડિયમમાં રમાશે.
મુંબઈ ઈન્ડિયન્સ અને ચેન્નાઈ સુપરકિંગ્સ બન્ને માટે રમી ચુકેલા વિકેટકીપર બેટ્સમેન અંબાતી રાયડૂએ આગામી ટૂર્નામેન્ટ માટે પોતાનો મત આપ્યો છે. રાયડૂએ સીએસકે ટીમની સાથે 2023 ટ્રોફી જીત્યા બાદ IPLથી સન્યાંસ લીધો હતો. તેમણે મુંબઈ ઈન્ડિયન્સમાં કેપ્ટન્સીમાં થયેલા ફેરફારને લઈને પોતાનો મત આપ્યો છે.
હાર્દિક પંડ્યાને થશે મુશ્કેલી
મહત્વનું છે કે મુંબઈ ઈન્ડિયન્સે આગામી ટૂર્નામેન્ટ માટે રોહિત શર્માની જગ્યા પર હાર્દિક પંડ્યાને કપ્ટન્સી સોંપી છે. રાયડૂનું માનવું છે કે હાર્દિક પંડ્યા માટે મુંબઈ ઈન્ડિયન્સની કેપ્ટન્સી કરવી મુશ્કેલ થશે કારણ કે ગુજરાત ટાઈટન્સ અને પલટનનું વાતાવરણ અલગ છે રાયડૂનું માનવું છે કે હાર્દિક પંડ્યાએ એક વર્ષ મુંબઈ માટે રમવું જોઈતુ હતું અને પછી કેપ્ટન્સી કરવાની હતી. એવું એટલા માટે કારણ કે રોહિત હજુ પણ ભારતીય ટીમની કેપ્ટન્સી કરી રહ્યા છે.
વધુ વાંચો: ટેસ્ટ ક્રિકેટમાં ચાલી રહ્યો છે ભારતીય ટીમનો સુવર્ણ કાળ, આવ્યો 92 વર્ષની આતુરતાનો અંત, જાણો હાર-જીતનો રેકોર્ડ
શું કહ્યું અંબાતી રાયડૂએ?
અંબાતી રાયડૂએ કહ્યું "રોહિત શર્મા જો ઈચ્છે તો આવતા 5-6 વર્ષ સુધી આઈપીએલ રમી શકે છે. જો તે કેપ્ટન બનવા માંગતા હતા તો આખી દુનિયા તેમના માટે ખુલી છે. તે ઈચ્છતા તો ત્યાં કેપ્ટન્સી કરી શકતા હતા. હું ઈચ્છુ છું કે રોહિત શર્મા 2025માં ચેન્નાઈ સુપર કિંગ્સની કેપ્ટન્સી કરે. જો એમએસ ધોની સન્યાસ લે તો રોહિત શર્મા સીએસકેની કેપ્ટન્સી કરી શકે છે."
