ગજબ બેઈજ્જતી / શુભમન પણ ગજબ છે હોં ! પહેલા મુંબઈ ઈન્ડિયન્સને પ્લેઓફમાં પહોંચાડ્યું અને પછી તેણે જ કર્યું બહાર, હાર પછી લોકોએ લીધી બરોબરની મજા

• ગુજરાતે બીજા ક્વોલિફાયરમાં મુંબઈને 62 રનથી હરાવ્યું
• આ હાર સાથે મુંબઈની ટીમ ટૂર્નામેન્ટમાંથી બહાર થઈ ગઈ 
• મુંબઈની હાર બાદ આ ટીમને ઘણી ટ્રોલ કરવામાં આવી 
• હાર બાદ લોકો સોશિયલ મીડિયા પર મીમ્સ શેર કરી રહ્યા 

ડિફેન્ડિંગ ચેમ્પિયન ગુજરાત ટાઇટન્સે IPL 2023ના બીજા ક્વોલિફાયરમાં પાંચ વખતની ચેમ્પિયન મુંબઈ ઈન્ડિયન્સને 62 રનથી હરાવ્યું હતું. આ હાર સાથે મુંબઈની ટીમ ટૂર્નામેન્ટમાંથી બહાર થઈ ગઈ છે. હવે રવિવારે ખિતાબી મુકાબલામાં ગુજરાતનો મુકાબલો ચાર વખતની ચેમ્પિયન ચેન્નાઈ સુપર કિંગ્સ સામે થશે. મુંબઈની હાર બાદ આ ટીમને ઘણી ટ્રોલ કરવામાં આવી રહી છે. લોકો સોશિયલ મીડિયા પર મીમ્સ શેર કરી રહ્યા છે. શુભમન, સારા અને સચિન તેંડુલકર સાથે સંબંધિત મીમ્સ પણ ખૂબ વાયરલ થઈ રહી છે.ગુજરાતના શાનદાર પ્રદર્શનને કારણે મુંબઈની ટીમ પ્લેઓફમાં પહોંચી હતી. લીગ રાઉન્ડની છેલ્લી મેચમાં ગુજરાતે રોયલ ચેલેન્જર્સ બેંગ્લોરને હરાવ્યું હતું, ત્યારબાદ જ મુંબઈ ઈન્ડિયન્સ અંતિમ-ચારમાં જગ્યા બનાવવામાં સફળ રહી હતી. જો બેંગ્લોરની ટીમ એ મેચ જીતી ગઈ હોત તો મુંબઈ બહાર થઈ ગયું હોત. બેંગ્લોર સામેની મેચમાં પણ શુભમને સદી ફટકારીને વિરાટ કોહલીની સદીને નકામી બનાવી દીધી હતી. હવે ફેન્સ મુંબઈને એમ કહીને ટ્રોલ કરી રહ્યા છે કે પહેલા તેણે પ્લેઓફમાં સ્થાન મેળવ્યું અને પછી બહાર ફેંકાઈ ગયું.

મુંબઈ ઈન્ડિયન્સની હાર બાદ ટ્વિટર પર ઘણી રમુજી પ્રતિક્રિયાઓ આવી હતી. ચાલો જોઈએ સોશિયલ મીડિયા પર કોણે શું કહ્યું...

Then vs now. #MIvsGT pic.twitter.com/vizSBKhG28

— s (@sagrdp7) May 26, 2023

Scenes after today's #MIvsGT match. 🤣#ShubhmanGill and #SachinTendulkar meeting post #GTvsMI result.

Cr. LaughingColours pic.twitter.com/QZeUa0bccG

— Rohit Sindhu (@RohitSindhu13) May 27, 2023

Shubham Gill another best inning 🔥#MIvsGT pic.twitter.com/9gKrfdDSdP

— Introvert // 🙇🏻‍♂️🇮🇳 (@introvert_hu_ji) May 26, 2023

Man of his Words 🔥❤️#Shubhmangill #MIvsGT #IPL2023 #GTvsMI #gill pic.twitter.com/OAkqq4N8Zz

— Tanay (@tanay_chawda1) May 26, 2023

Let's All laugh Together for Our Rohit Sharma 😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂#MIvsGT #GTvsMI pic.twitter.com/u7SUimvHsb

— Roвιɴ Roвerт (@PeaceBrwVJ) May 26, 2023

ગુજરાત ટાઇટન્સે સતત બીજી સિઝનમાં સારૂં પ્રદર્શન કર્યું

મેચની વાત કરીએ તો હાર્દિક પંડ્યાની આગેવાની હેઠળની ગુજરાત ટાઇટન્સે સતત બીજી સિઝનમાં સારૂં પ્રદર્શન કર્યું છે. ડિફેન્ડિંગ ચેમ્પિયન ગુજરાતે પાંચ વખતની ચેમ્પિયન મુંબઈ ઈન્ડિયન્સને હરાવી ફાઇનલમાં પોતાનું સ્થાન નિશ્ચિત કર્યું છે. હાર્દિકની ટીમે છેલ્લી વખત રાજસ્થાન રોયલ્સને હરાવીને ટાઈટલ જીત્યું હતું. આ વખતે ફાઇનલમાં તેની સામે ચાર વખતની વિજેતા ચેન્નાઈ સુપર કિંગ્સ હશે. પ્રથમ બેટિંગ કરતા ગુજરાતે 20 ઓવરમાં ત્રણ વિકેટે 233 રન બનાવ્યા હતા. રિદ્ધિમાન સાહા 18 રન બનાવીને આઉટ થયો હતો. આ પછી શુભમન ગિલે સાઈ સુદર્શન સાથે 138 રનની ભાગીદારી કરી હતી. શુભમન 60 બોલમાં સાત ચોગ્ગા અને 10 છગ્ગાની મદદથી 129 રન બનાવીને આઉટ થયો હતો. સાઈ સુદર્શન 31 બોલમાં 43 રન બનાવીને નિવૃત્ત થયો હતો. કેપ્ટન હાર્દિક પંડ્યા 13 બોલમાં 28 રન અને રાશિદ ખાને પાંચ રન બનાવ્યા બાદ અણનમ રહ્યો હતો.

મુંબઈની ટીમ 18.2 ઓવરમાં 171 રન બનાવીને ઓલઆઉટ થઈ ગઈ

મુંબઈની ટીમ 18.2 ઓવરમાં 171 રન બનાવીને ઓલઆઉટ થઈ ગઈ હતી. રોહિત શર્મા 8 રન, નેહલ વાઢેરા 4 રન, કેમરોન ગ્રીન 30 રન, વિષ્ણુ વિનોદ 5 રન, ટિમ ડેવિડ 2 રન, ક્રિસ જોર્ડન 2 રન, પિયુષ ચાવલા ખાતું ખોલ્યા વગર અને કુમાર કાર્તિકેય 6 રન બનાવીને આઉટ થયા હતા. સૂર્યકુમાર યાદવે 38 બોલમાં સાત ચોગ્ગા અને બે છગ્ગાની મદદથી 61 રન બનાવ્યા હતા અને તિલક વર્મા 14 બોલમાં પાંચ ચોગ્ગા અને ત્રણ છગ્ગાની મદદથી 43 રન બનાવીને આઉટ થયો હતો. ગુજરાત તરફથી મોહિત શર્માએ પાંચ વિકેટ ઝડપી હતી. તે જ સમયે, મોહમ્મદ શમી અને રાશિદ ખાનને બે-બે વિકેટ મળી હતી. જોશુઆ લિટલને એક વિકેટ મળી હતી.