- IPL દરમિયાન ખેલાડીઓની સુરક્ષામાં ભંગનો એક નવો મામલો સામે આવ્યો
- IPLની ટીમ રોકાઈ હતી એ જ હોટલમાં ત્રણ હિસ્ટ્રીશીટરોએ પણ રૂમ બુક કરાવ્યા
- હાલ ત્રણ આરોપીઓની ધરપકડ કરવામાં આવી છે
IPL 2023 હાલમાં 12 અલગ-અલગ સ્થળોએ ચાલી રહી છે અને 21 એપ્રિલ સુધી દરેક 10 ટીમો વચ્ચે 29 મેચ રમાઈ છે અને આ દરમિયાન ખેલાડીઓની સુરક્ષામાં ભંગનો એક નવો મામલો સામે આવ્યો.
જણાવી દઈએ કે જે હોટલમાં IPL રમી રહેલી ટીમ રોકાઈ હતી એ જ હોટલમાં ત્રણ હિસ્ટ્રીશીટરોએ પણ રૂમ બુક કરાવ્યા હતા. એ સાથે જ ત્રણેય ત્યાં આરામથી રહેતા હતા પણ પોલીસે અંતે ત્રણેય આરોપીઓની અટકાયત કરી અને કાર્યવાહી હેઠળ ધરપકડ કરી છે.
વાત એમ છે કે ચંદીગઢની આઈટી પાર્ક પોલીસે આ કાર્યવાહી કરી છે અને ત્રણ આરોપીઓની ધરપકડ કરવામાં આવી છે. જણાવી દઈએ કે એ ટ્રાન સામે ફાયરિંગ અને અન્ય કેસ નોંધાયેલા છે. એટલે કે આઈપીએલ ટીમની હોટલમાંથી ત્રણેયની ધરપકડ ખૂબ જ ગંભીર બાબત છે.
નોંધનીય છે કે ગુરુવારે પંજાબ કિંગ્સ અને રોયલ ચેલેન્જર્સ બેંગ્લોર વચ્ચે મોહાલીમાં મેચ રમાઈ હતી અને આ મેચમાં RCBનો 24 રને મેચ જીતી હતી. જણાવી દઈએ કે મેચ માટે આરસીબીના વિરાટ કોહલી સહિત ઘણા ખેલાડીઓ આઈટી પાર્ક સ્થિત એક પ્રખ્યાત હોટલમાં રોકાયા હતા અને એ જ હોટલમાં એ ત્રણ હિસ્ટ્રીશીટર રોકાયા હતા. જ્યારે પોલીસ અધિકારીઓને આ વિશે ખબર પડી તો એમને તુરંત એક્શન લેતા લગભગ 10:30 વાગ્યાની આસપાસ, હિસ્ટ્રીશીટ કરનારાઓની અટકાયતી કાર્યવાહી હેઠળ ધરપકડ કરી હતી.
