મહામારી / કોવેક્સિન, કોવિશિલ્ડ કે સ્પુતનિક ? જાણો વિદેશયાત્રામાં કઈ વેક્સિન કેટલી મદદગાર ! ર !

• કોવેક્સિનને 10 થી ઓછા દેશોએ માન્યતા આપી
• તમામ મોટા દેશોએ કોવિશિલ્ડને માન્યતા આપી
• વિદેશ જનારા લોકોએ કોવિશિલ્ડ લેવી વધારે હિતાવહ 

કોવિશિલ્ડ સીરમ ઈન્સ્ટીટ્યુટ ઓફ ઈન્ડીયાની વેક્સિન છે પરંતુ ઓક્સફોર્ડ યુનિવર્સિટી અને દવા કંપની એસ્ટ્રાજેનેકાએ તેની વિકસીત કરી છે. જ્યારે કોવેક્સિન સંપૂર્ણ રીતે ભારતીય કંપની ભારત બાયોટેક દ્વારા દેશમાં જ બનેલી છે. 

કોવેક્સિન સમગ્ર ભારતમાં મોટાપાયે લગાડવામાં આવી રહી છે. 10 થી ઓછા દેશોએ તેને સત્તાવાર માન્યતા આપી છે. જે મુખ્ય દેશોમાં ભારતીયો જાય છે ત્યાં  કોવેક્સિને નહીં પણ કોવિશિલ્ડને માન્યતા મળી નથી. તેથી વિદેશ જનાર ભારતીયો માટે કોવિશિલ્ડ વધારે ફાયદાકારક રહે છે.

કોવેક્સિને ઈરાન, નેપાળ, ફિલિપાઈન્સ, મેક્સિકો, ગુએના, પરાગ્વે, ઝીમ્બાવ્વે, તથા મોરિશિયસે માન્યતા આપી છે. પરંતુ કોવિશિલ્ડને તો ઘણા મોટા દેશોએ માન્યતા આપી છે તેથી આ રસી લેવાથી કોઈ તકલીફ નહીં પડે. 

ભારત સહિત દુનિયાભરમાં એસ્ટ્રેજેનેકાની કોરોના વેક્સિન લેનાર કરોડો લોકો માટે સારી ખબર છે. એસ્ટ્રેજેનેકાની વેક્સિનનો બુસ્ટર ડોઝ બનીને તૈયાર થઈ છે.
ઓક્સફોર્ડ યુનિવર્સિટી દ્વારા બનાવાયેલા આ બુસ્ટર ડોઝે કોરોના વાયરસની સ્પાઈક પ્રોટીનની સામે અત્યંત મજબૂત એન્ટીબોડી પેદા કરી છે.મીડિયા રિપોર્ટ અનુસાર, બૂસ્ટર ડોઝ અંગે થયેલી એક સ્ટડીને ટાંકીને આ રિપોર્ટ પ્રસિદ્ધ કરાયો છે. આ સારી ખબર એવે સમયે આવી છે કે જ્યારે દુનિયા કોરોના વેરિયન્ટને પહોચી વળવા દર વર્ષે બૂસ્ટર ડોઝ લેવો પડી શકે છે.

ઓક્સફોર્ડનો બૂસ્ટર ડોઝ કોરોનાના તમામ વેરિયન્ટ પર અત્યંત અસરકારક

સ્ટડીમાં ઓક્સફોર્ડનો બૂસ્ટર ડોઝ કોરોના વાયરસના કોઈ પણ વેરિયન્ટ પર અત્યંત અસરકારક હોવાનું ફલિત થયું છે. એડિનોવાયરસનો ઉપયોગ એક કરતા વધારે વખત ન થઈ શકે તેવી ધારણા પણ ખોટી રડી છે. ઉલ્લેખનીય છે સત્તાવાર રીતે આ સ્ટડી પ્રસિદ્ધ થઈ નથી પરંતુ મીડિયા રિપોર્ટમા સૂત્રોને ટાંકીને આ સ્ટડીનો રિપોર્ટ મેળવાયો છે. આ વેક્સિનમાં ટેકનોલોજીનો ઉપયોગ કરીને એડિનોવાયરસના પરિવર્તિત સંસ્કરણનો ઉપયોગ કરાયો છે.

વેક્સિનની અસર ઓછી થઈ શકે છે- વૈજ્ઞાનિકોને આશંકા
આ દરમિયાન કેટલાક વૈજ્ઞાનિકોએ એવી પણ શંકા વ્યક્ત કરી છે કે જો કોરોના વેરિયન્ટને પહોંચી વળવા દરેક વર્ષે અનિવાર્ય રીતે બૂસ્ટર ડોઝ લગાડાયો તો તેનાથી વેક્સિનની અસર ઓછી થઈ શકે છે. 

દુનિયાભરમાં હવે બૂસ્ટર ડોઝ ખરીદવાની હોડ શરુ થઈ

દુનિયાભરમાં હવે બૂસ્ટર ડોઝ ખરીદવાની હોડ શરુ થઈ છે. યુરોપીય સંઘે ફાઈઝરની સાથે અબજો ડોઝ ખરીદવાનો કરાર કર્યો છે. ઓક્સફોર્ડની વેક્સિન ભારતમાં કોવિશિલ્ડ નામથી ચાલી રહી છે અને હાલમાં કરોડો લોકો તેનો એક કે બે ડોઝ લઈ ચૂક્યા છે. જોકે લોહી જામી જવાની સમસ્યાને કારણે આ વેક્સિન આખી દુનિયામાં વિવાદમાં આવી છે.