'આત્મ'સન્માન / અમદાવાદમાં દૂધમાં સાકરની જેમ ભળી ગયેલા 11 પાકિસ્તાની નાગરિકને ભારતીય નાગરિકતા

• પાકિસ્તાની નાગરિકોને નાગરિકતા પત્ર 
• અમદાવાદ કલેકટરે આપ્યા નાગરિકતા પત્ર 
• કચ્છમાં 89 પાકિસ્તાનીઓને આપી ચુકી છે નાગરિકતા 

છેલ્લા ચાર વર્ષમાં કચ્છમાં કેટલાક બાંગ્લાદેશી /પાકિસ્તાનીઓને ભારતીય નાગરિકતા અપાયા બાદ,હવે અમદાવાદમાં પણ 11 જેટલા પાકિસ્તાની હિન્દુઓને જિલ્લા કલેકટર સંદીપ સાંગલેએ નાગરિકતા પત્ર એનાયત કર્યા છે.જયારે નવા 9 જેટલા પાકિસ્તાની હિન્દુઓના નાગરિકતા માટેના અરજી પત્રક સ્વીકારી આગામી સમયમાં તેઓને પણ નાગરિકતા આપવા કવાયદ હાથ ધરાશે.

  ઝડપી પ્રક્રિયા સાથે નાગરિક સન્માન 

અમદાવાદ જિલ્લા સમાહર્તા કચેરીએ અત્યાર સુધીમાં 868 નાગરિકોને ભારતીય નાગરિકતા આપી છે. કેન્દ્ર સરકાર અને રાજ્ય સરકારની ઈન્ટેલીજન્સ બ્યુરો સર્વિસની ચકાસણી સહિતની તમામ પ્રકિયા-દસ્તાવેજોની ખરાઈ બાદ જ નાગરિકતા એનાયત થતી હોય છે. હજુ પણ 9 જેટલા નાગરિકોની અરજી નાગરીકાતા મેળવવા માટે આવી છે.તેનો પણ ઝડપથી નિકાલ થાય તેવી સંભાવનાઓ છે.  છેલ્લા સાત વર્ષથી કોઇ પણ એક જ સ્થળે રહેતા વિદેશી નાગરિકો, લઘુમતીઓને, બંધારણીય પ્રક્રિયા અનુસરીને નાગરિકતા પત્ર આપવામાં આવતો હોવાથી,આ સંદર્ભે અમદાવાદ જિલ્લા કલેકટર કચેરીમાં સમગ્ર પ્રક્રિયા હાથ ધરવામાં આવી છે 

કચ્છમાં મળી ચૂકી છે નાગરિકતા 

ત્રણ વર્ષ પૂર્વે કચ્છમાં 89 નાગરિકોને ભારતીય નાગરિકત્વ મળ્યું હતું.મૂળ પાકિસ્તાની પણ વર્ષોથી હિજરત કરીને આવ્યા બાદ કચ્છમાં વસવાટ કરતા આ પાકિસ્તાનીઓને નાગરિકતા પત્ર અપાયા હતા. 2016 માં 17 નાગરીકો, 2017માં 26 નાગરીકો અને 2018 માં ૪૬ નાગરિકોને નાગરિકતા અપાઈ હતી. આ પાકિસ્તાની નાગરિકોએ 2019ની લોકસભા ચૂટણીમાં પોતાના મતાધિકારનો ઉપયોગ પણ કર્યો હતો. 

A special camp was organized at the Collectorate in which 11 Citizenship Letters and 9 Acceptance Letters were issued to eligible migrants@PMOIndia @HMOIndia @CMOGuj @HMofficeGujarat @pkumarias @ahmedabad_info pic.twitter.com/mOIy0zq4oV

— Ahmedabad Collector (@CollectorAhd) October 16, 2021