ધમકી / ભારતે કરેલા એપ્સ પર પ્રતિબંધ મામલે ચીનની આવી મોટી ધમકી, કહ્યું મોટું નુકસાન...

ચીનના સમાચાર પત્રકે 2017ના ડોકલામ વિવાદનો ઉલ્લેખ કરતાં લખ્યું છે કે છેલ્લા ઘણા વર્ષો દરમિયાન ક્યારેક-ક્યારેક ચીન-ભારત સરહદ પર કેટલાંક વિવાદ થયા છે. પરંતુ વેપાર યુદ્ધ બંને દેશો માટે અસમાન્ય હશે. 2017ના ડોકલામ વિવાદ દરમિયાન, ભારતનું આર્થિક નુકસાન સિમિત રહ્યું હતું કારણ કે સંકટ પછી દ્વિપક્ષીય વેપાર જલ્દી શરૂ થઇ ગયું હતું. 

ગ્લોબલ ટાઇમ્સે લખ્યું છે કે તેનાથી ઇનકાર ન કરી શકાય કે ચીનની કંપનીઓને એપ્સ બેન થવાથી નુકસાન થશે, પરંતુ જો બીજી રીતે જોઇએ તો એ સ્પષ્ટ છે કે ભારત એ સ્થિતિમાં નથી કે તે ચીનની મોટી ઇકોનોમીને નુકસાન પહોંચી શકે. 

ચીનના સમાચાર પત્રકે લખ્યું કે સરહદ પર થયેલી ઝડપ બાદ ચીન, ભારત સરકારે સાથે શાંતિના પ્રયાસ કરી રહ્યું હતું કારણ કે દ્વિપક્ષીય આર્થિક અને વ્યાપિરક સમજુતીને સુરક્ષિત રાખી શકાય. જેને લઇને બંને દેશોને લાભ થયો હોત. પરંતુ હવે એવુ લાગે છે કે મોદી સરકાર ભારતીયોની વચ્ચે વધતા રાષ્ટ્રવાદને રોકવામાં નિષ્ફળ રહી છે. 

ગ્લોબલ ટાઇમ્સે કહ્યું કે મોદી સરકારે દેશમાં વધતા રાષ્ટ્રવાદના દબાણના કારણે એપ્સ પર પ્રતિબંધ લગાવનો નિર્ણય લીધો છે. સમાચારપત્રકના જણાવ્યાં મુજબ સરહદ પર જેવી હિંસક અથડામણ થઇ તેવી ઘટના બંને દેશોએ પહેલા જોઇ નહોતી. પરંતુ ભારત સરકારે ચીનના રોકાણકારોનો ભરોસો તોડ્યો છે. જો ભારત સરકાર દેશની રાષ્ટ્રવાદી ભાવનાને આ રીતે વધારતી રહેશે તો ભારતને ડોકલામ સંકટથી પણ વધારે નુકસાન સહન કરવું પડશે.