જાહેરાત / ઉડાનઃ હવે ગુજરાતમાં ઉડશે સી પ્લેન, આ બે રૂટ પર કરી શકશો હવાઇ સફર

• સાબરમતી નદીથી નર્મદા ડેમ સુધી ઉડશે સી પ્લેન
• સાબરમતી નદીધી શેત્રૂજ્ય ડેમ સુધી ઉડશે સી પ્લેન
• કેન્દ્રીય મંત્રી મનસુખ માંડવિયાની જાહેરાત

પ્રવાસીઓને એક નવું નજરાણું મળે અને પ્રવાસન ક્ષેત્રે રોજગારનો વધુ વિકાસ થાય માટે સરકાર દ્વારા સી પ્લેનનો પ્રોજેકટ હાથ ધરાયો છે. આ પ્રોજેક્ટ અંતર્ગત દેશના 16 ડેસ્ટિનેશન નક્કી કારાયા છે. જેમાં સાબરમતીથી સ્ટેચ્યૂ ઓફ યનિટી(નર્મદા) 200 કિલોમીટર અને સાબરમતીથી પાલીતાણા શેત્રૂજ્ય ડેમ સુધી સી પ્લેન ઉડાવવાનો પ્લાન છે. આ યોજના અંગે કેન્દ્રીયમંત્રી મનસુખ માંડવિયાએ માહિતી આપી હતી.

આ પ્રોજેક્ટ માટે સર્વેનું કામ પુરુ થઇ ગયુંઃ માંડવિયા

કેન્દ્રિય મંત્રી મનસુખ માંડવિયાએ જણાવ્યું હતું કે, સાબરમતી અને સરદાર સરોવર-સ્ટેચ્યુ ઓફ યુનિટી રૂટનો હાઇડ્રોગ્રાફિક સર્વે પૂર્ણ થઇ ગયો છે. આ બન્ને સાઈટ સાબરમતી રિવરફ્રન્ટ અને નર્મદા ડેમ સાઈટ પર જેટી બાંધવાનું કામ શરૂ કરવામા આવશે. આ માટે જેટીનું કામ ટૂંક સમયમાં હાથ ધરવામાં આવશે. સાબરમતીથી નર્મદા ડેમ સુધી સી પ્લેન ઉડાવવાની કામગીરી શરૂ કરી દેવાઇ છે.

સીપ્લેન પ્રોજેક્ટ અંતર્ગત દેશના કુલ 16 રૂટ નક્કી કરવામાં આવ્યા છે, જેમાં ગુજરાત રાજ્યમાં પહેલા તબક્કામાં સાબરમતી રિવરફ્રન્ટથી કેવડીયા સ્ટેચ્યુ ઓફ યુનિટી (200km) વચ્ચે અને બીજા તબક્કામાં સાબરમતી રિવરફ્રન્ટથી પાલિતાણા શેત્રુંજી ડેમ (250km) વચ્ચે સીપ્લેન શરૂ કરવામાં આવશે. pic.twitter.com/AmbBAeXkSm

— Mansukh Mandaviya (@mansukhmandviya) June 24, 2020