IND vs WI / સદી ફટકારીને યશસ્વી જયસ્વાલે સવારે 4:30 વાગ્યે પિતાને વિડિયો કોલ કરીને રડ્યો, પૂછ્યું- પપ્પા, તમે ખુશ છો?

• યશસ્વીએ ડેબ્યૂ મેચમાં 171 રનની ઐતિહાસિક ઇનિંગ રમી હતી
• જ્યારે તેણે સદી ફટકારી ત્યારે તેણે પહેલો કોલ તેના પિતાને કર્યો હતો
• ભારતીય બેટ્સમેન વીડિયો કોલ પર ખૂબ રડ્યો

ભારતીય ટીમ માટે ડેબ્યુ કરવું એ કોઈપણ ક્રિકેટર માટે એક મોટી ક્ષણ છે, આવું જ કંઈક ભારતીય ઓપનર યશસ્વી જયસ્વાલ સાથે થયું. એક સમયે મુંબઈના રસ્તા પર પાણીપુરી વેચનાર આ ખેલાડીએ વેસ્ટ ઈન્ડિઝ સામેની પ્રથમ ટેસ્ટમાં ડેબ્યૂ કર્યું હતું. ઘરેલુ ક્રિકેટમાં તેની સતત મહેનતનું આ પુરસ્કાર હતું. યશસ્વીએ આ તક પોતાના હાથમાંથી જવા ન દીધી અને પહેલી જ મેચમાં પોતાની છાપ છોડી દીધી. યશસ્વીએ ડેબ્યૂ મેચમાં 171 રનની ઐતિહાસિક ઇનિંગ રમી હતી.

A debut to remember for Yashasvi Jaiswal! 👍 👍

He bags the Player of the Match award for his brilliant batting perfomance in Dominica 👌 👌#TeamIndia | #WIvIND pic.twitter.com/BitP4oK1Gm

— BCCI (@BCCI) July 14, 2023

વેસ્ટ ઈન્ડિઝ સામેની ટેસ્ટ મેચના બીજા દિવસે જ્યારે તેણે સદી ફટકારી ત્યારે તેણે પહેલો કોલ તેના પિતાને કર્યો હતો.આ દરમિયાન આ ભારતીય બેટ્સમેન વીડિયો કોલ પર ખૂબ રડ્યો, જોકે તે માત્ર ખુશીના આંસુ હતા.પુત્રનું સપનું પૂરું થતું જોઈ પિતા પણ પોતાના આંસુ રોકી શક્યા ન હતા અને ભારતીય સમય મુજબ સવારે સાડા ચાર વાગ્યે પિતા-પુત્ર વિડીયો કોલ પર રડી પડ્યા હતા. જણાવી દઈએ કે આ વાત યશસ્વીના પિતા ભૂપેન્દ્રએ પોતે જ સંભળાવી હતી.

એક વાતચિત દરમિયાન યશસ્વી જયસ્વાલના પિતાએ કહ્યું કે, 'તેણે સદી ફટકાર્યા બાદ સવારે 4:30 વાગ્યે ફોન કર્યો, તે પોતાના આંસુ રોકી શક્યો નહીં. હું પણ રડ્યો. તે એકદમ ભાવનાત્મક ક્ષણ હતી.તે લાંબા સમય સુધી વાત કરી શક્યો નહીં કારણ કે તે થાકી ગયો હતો.તેણે મને ખાલી પૂછ્યું 'પાપા તમે ખુશ છો ને?'

Hard work pays off!
Great team performance to mark my 🇮🇳 debut and happy to have helped the team with some runs!
Thankful to everyone who’s contributed in my journey so far, but this is just the start 💪
.
.#WIvInd #TeamIndia #ITrustIBelieve pic.twitter.com/KVwlhcmqgf

— Yashasvi Jaiswal (@ybj_19) July 15, 2023

યશસ્વી જયસ્વાલે રમેલી આ ઇનિંગ વિદેશી ધરતી પર ડેબ્યૂ કરનાર કોઈપણ ભારતીય દ્વારા રમાયેલી સૌથી મોટી ઇનિંગ્સ છે. આ ઉપરાંત યશસ્વી ડેબ્યુ મેચમાં 150 રનનો આંકડો પાર કરનારો ત્રીજો ખેલાડી બન્યો હતો. તેના પહેલા આ કારનામું શિખર ધવન અને રોહિત શર્માએ 2013માં કર્યું હતું. યશસ્વીને તેની શાનદાર ઇનિંગ્સ માટે પ્લેયર ઓફ ધ મેચનો એવોર્ડ આપવામાં આવ્યો હતો.ડેબ્યૂ મેચમાં આ એવોર્ડ જીતનાર તે 8મો ભારતીય બન્યો હતો.