ક્રિકેટ / IND vs SA: સાઉથ આફ્રિકા સામેની ટેસ્ટ પહેલા ટીમ ઈન્ડિયામાં રનમશીનની એન્ટ્રી, ઋતુરાજ ગાયકવાડની લેશે જગ્યા

• સાઉથ આફ્રિકા સામે ટીમ ઇન્ડિયા બે મેચની ટેસ્ટ સીરીઝ રમશે 
• આ પહેલા ટીમ ઈન્ડિયાને લઈને મોટા સમાચાર સામે આવ્યા 
• ઋતુરાજ ગાયકવાડની જગ્યા પર આ ખેલાડીની ટીમમાં એન્ટ્રી

ટીમ ઇન્ડીયા હાલ સાઉથ આફ્રિકાના પ્રવાસ પર છે અને ત્યાં ટી-20 અને વનડે સીરીઝ રમી છે. હવે 26 ડીસેમ્બરથી બે મેચની ટેસ્ટ સીરીઝ રમવા જઈ રહી છે. એ પહેલા ટીમ ઈન્ડિયાને લઈને મોટા સમાચાર સામે આવ્યા છે. 

Abhimanyu Easwaran named as Ruturaj Gaikwad's replacement for the South Africa Test series. (RevSportz) pic.twitter.com/q9BAyH1LLS

— CricketGully (@thecricketgully) December 22, 2023

ટેસ્ટ મેચ માટે ટીમ ઇન્ડીયાના ઓપનર ઋતુરાજ ગાયકવાડ ગઈકાલે સ્વસ્થ ન થવાને કારણે ટીમમાંથી બહાર થયા હતા અને હવે તેની જગ્યા પર ડોમેસ્ટિક ક્રિકેટમાં શાનદાર પ્રદર્શન કરનાર અભિમન્યુ ઇશ્વરનની ટીમમાં એન્ટ્રી થઇ ગઈ છે. 

નોંધનીય છે કે બંગાળ માટે ડોમેસ્ટિક ક્રિકેટમાં ભાગ લેનાર અભિમન્યુએ અત્યાર સુધી ટીમ ઈન્ડિયા માટે કોઈ ઈન્ટરનેશનલ મેચ રમી નથી. જો કે અભિમન્યુ ઇશ્વરનને બે વખત ટીમ સ્કવોડમાં જગ્યા મળી છે. 

Abhimanyu Easwaran is set to replace Ruturaj Gaikwad in the South Africa Test series. [Sports Tak] pic.twitter.com/DFWJ9WbSqS

— Johns. (@CricCrazyJohns) December 22, 2023

ઋતુરાજ ગાયકવાડની જગ્યા પર અભિમન્યુ ઇશ્વરનને ટીમમાં જગ્યા મળી છે. જાણીતું છે કે 19 ડિસેમ્બરે પોર્ટ એલિઝાબેથમાં યજમાન ટીમ સામેની બીજી ODI દરમિયાન આંગળીમાં ઈજા થઈ હતી. બીસીસીઆઈએ ગુરુવારે ત્રીજી અને અંતિમ ઓડીઆઈની શરૂઆત પહેલા જણાવ્યું હતું કે, "બીજી વનડેમાં ફિલ્ડિંગ કરતી વખતે તેની આંગળીમાં થયેલી ઈજામાંથી તે સંપૂર્ણ રીતે સાજો થયો નથી. તે હજુ પણ બીસીસીઆઈની તબીબી ટીમની દેખરેખ હેઠળ છે." 

ગાયકવાડ સાઉથ આફ્રિકા સીરીજ્હમાંથી બહાર થનાર ત્રીજો ભારતીય ખેલાડી છે. તેની પહેલા મોહમ્મદ શમી પણ સંપૂર્ણ ફિટ ન હોવાને કારણે બહાર થયો તો ઈશાન કિશને અંગત કારણોસર પોતાનું નામ પાછું ખેંચી લીધું છે.