ક્રિકેટ / IND vs AFG : ભારતીય ટીમના બોલરોનો તરખાટ: 273નો મળ્યો આસાન ટાર્ગેટ, રોહિત-ઈશાનની ધમાકેદાર બેટિંગ શરૂ

• દિલ્હીમાં ચાલી રહી છે વર્લ્ડ કપ 23ની 9મી મેચ
• અફઘાનિસ્તાને ટીમ ઈન્ડિયાને જીત માટે 273 રનનો ટાર્ગેટ આપ્યો
• ભારતીય ટીમની બેટિંગ શરૂ

વર્લ્ડ કપ 2023: દિલ્હીનાં અરુણ જેટલી સ્ટેડિયમમાં ઈન્ડિયા vs અફઘાનિસ્તાનની મેચ ચાલી રહી છે. આ વર્લ્ડ કપ 2023ની 9મી મેચ છે. અફઘાનિસ્તાને ટૉસ જીતીને પહેલાં બેટિંગ કરવાનો નિર્ણય કર્યો હતો. જેમાં ટીમે 50 ઓવરમાં 272 રન બનાવ્યાં છે. હાલમાં ભારતીય ટીમને જીત માટે 273 રનનો ટાર્ગેટ મળ્યો છે. કેપ્ટન રોહિત શર્મા અને ઈશાન કિશન દ્વારા ક્રિઝ પર ભારતીય ટીમની બેટિંગની શરૂઆત થઈ ગઈ છે.

Jasprit Bumrah helps himself to his best @cricketworldcup figures with an exceptional display in Delhi 🏏#CWC23 #INDvAFG pic.twitter.com/kNrq871KWv

— ICC (@ICC) October 11, 2023

ભારતીય ટીમે 8 વિકેટો લીધી
અફઘાનિસ્તાન માટે કેપ્ટન હશમતુલ્લાહ શાહિદીએ સૌથી વધારે 80 રન સ્કોર કર્યાં છે. ભારતીય ટીમનાં ખેલાડી બુમરાહે 39 રન આપીને 4 વિકેટ પોતાના નામ કરી હતી જ્યારે હાર્દિક પંડ્યાએ 43 રન આપીને 2 વિકેટ લીધી હતી. શાર્દુલ ઠાકુર અને કુલદીપ યાદવે 1-1 વિકેટ લીધી.

આ રીતે લીધી વિકેટ
અફઘાનિસ્તાનનાં બેટ્સમેન ઈબ્રાહિમ જાદરાન અને રહમનુલ્લાહ ગુરબાઝે સારી શરૂઆત કરી પણ સાતમી ઓવરમાં જસપ્રીત બુમરાહે આ પાર્ટનરશીપ તોડી અને ઈબ્રાહિમને 22 રન પર પેવેલિયનનો રસ્તો દેખાડ્યો. હાર્દિક પંડ્યાએ રહમનુલ્લાહ ગુરબાજને આઉટ કર્યું. ગુરબાજે 28 બોલમાં 21 રન બનાવ્યાં હતાં. શાર્દુલ ઠાકુરે રહમતને LBW કર્યું. 

Innings Break!

4⃣ wickets for @Jaspritbumrah93
2⃣ wickets for vice-captain @hardikpandya7
1⃣ wicket each for @imkuldeep18 & @imShard

Target 🎯 for #TeamIndia - 273

Scorecard ▶️ https://t.co/f29c30au8u#CWC23 | #INDvAFG | #MeninBlue pic.twitter.com/8I5sFgrn6k

— BCCI (@BCCI) October 11, 2023

બુમરાહે મચાવી ધૂમ
કેપ્ટન હશમતુલ્લાહ અને અજમતુલ્લાની વચ્ચે સારી પાર્ટનરશીપ ચાલી. પણ અજમતુલ્લા 69 બોલ પર 62 રન બનાવીને આઉટ થયાં. હશમતુલ્લાને કુલદીપ યાદવે LBW આઉટ કર્યું. તેમણે 88 બોલમાં 80 રન બનાવ્યાં હતાં. મોહમ્મદ નબી 18 રન બનાવીને બુમરાહ દ્વારા આઉટ થયાં. નજીબઉલ્લાહ જદરાન 2 રન બનાવીને બુમરાહ દ્વારા આઉટ થયાં. 49મી ઓવરની પહેલી બોલમાં બુમરાહે રાશિદ ખાનને આઉટ કરાવ્યું. મુજીબ ઉર રહમાન 10 અને નવીન ઉલ હક 9 રન બનાવીને નાબાદ રહ્યાં.