હેલ્થ / વાત વાતમાં ગુસ્સો બહુ આવે છે? ખીજનો અકસીર ઈલાજ છે આ ફળો, ડાયટ સામેલ કરો 'હેપ્પી હોર્મોન્સ'

• શરીરમાં હેપ્પી હોર્મોન્સને પ્રોત્સાહન આપવા માંગતા હોય તો ડાર્ક ચોકલેટ ખૂબ જ સારો વિકલ્પ છે
• લીલા શાકભાજી પણ મૂડ સારો રાખવામાં મદદરૂપ છે.
• સફરજનને હૃદયના સ્વાસ્થ્ય માટે બેસ્ટ માનવામાં આવે છે

food in your diet to improve mood: મૂડ ફક્ત તમારા સ્વાસ્થ્યને જ અસર કરતું નથી પરંતુ તે તમારી આસપાસના લોકો પર પણ અસર કરે છે. ઉદાહરણ તરીકે, જો તમે ખુશખુશાલ છો તો ઓફિસ કે અંગત જીવનમાં બધા તમને પસંદ કરે છે જ્યારે લોકો ગુસ્સાવાળા, ઉદાસ કે ચીડાયેલા લોકોથી દૂર રહેવાનું પસંદ કરે છે. કેટલીકવાર કેટલીક સમસ્યાઓના કારણે તમારો મૂડ બગડી જાય છે, પરંતુ જ્યારે આ સમસ્યા ચાલુ રહે છે ત્યારે તેના પર ધ્યાન આપવું જરૂરી છે. મૂડ સારો રાખવા માટે પોતાના ડેલી રુટીન સુધારવાની સાથે અમુક એવા ફૂડ્સ છે જેને ડાયટમાં સામેલ કરવાથી ફાયદો થઇ શકે છે. 

ખરેખર, આપણો મૂડ પણ હોર્મોન્સ સાથે સંબંધિત છે. જ્યારે આપણે કોઈપણ મનપસંદ પ્રવૃત્તિ જેવા ગીતો સાંભળીએ છીએ, ત્યારે ડોપામાઈન હોર્મોન ઉત્પન્ન થાય છે, જે તમને તણાવમાંથી રાહત આપી શકે છે. અમુક ખોરાક ખાવાથી સેરોટોનિન વધે છે જે મનને શાંત રાખવામાં મદદરૂપ થાય છે. તો આવો જાણીએ ક્યા ફૂડ્સ તમારા મૂડને ફ્રેશ રાખી શકે છે.

ડાર્ક ચોકલેટ
જો તમે શરીરમાં હેપ્પી હોર્મોન્સને પ્રોત્સાહન આપવા માંગતા હોય તો ડાર્ક ચોકલેટ ખૂબ જ સારો વિકલ્પ છે. તેમાં એન્ટીઓક્સીડેન્ટ મળી આવે છે જે તમારા મૂડને સુધારવામાં મદદ કરે છે. જો કે, તેને મર્યાદિત માત્રામાં જ ખાવું જોઈએ.

નટ્સ અને સીડ્સ 
તમારી ડાયટમાં બદામ, મગફળી, અખરોટ, સૂર્યમુખીના બીજ, તલ, કોળાના બીજ જેવા બદામ અને બીજનો સમાવેશ કરો. આ સેરોટોનિનનું ઉત્પાદન વધારે છે, જે તમારા મૂડને સુધારવામાં મદદરૂપ છે. આ સિવાય નટ્સ અને સીડ્સના અન્ય ઘણા હેલ્થ બેનિફિટ્સ પણ છે.

પાલક
તમારા ડાયટમાં મેગ્નેશિયમ અને આયર્ન જેવા પોષક તત્વોથી ભરપૂર પાલકનો સમાવેશ કરો. કેટલીકવાર મેગ્નેશિયમની ઉણપ પણ ચિંતા અને તણાવ જેવી સમસ્યાઓનું કારણ બને છે. પાલક સેરોટોનિનના સ્તરને સુધારે છે, જે મૂડને સુધારે છે. આ સિવાય લીલા શાકભાજી પણ મૂડ સારો રાખવામાં મદદરૂપ છે.

સફરજન
સફરજનને હૃદયના સ્વાસ્થ્ય માટે બેસ્ટ માનવામાં આવે છે, આ ઉપરાંત તે તમારો મૂડ સારો રાખવામાં પણ મદદ કરે છે. માનસિક સ્વાસ્થ્ય જાળવવા માટે ડાયટમાં સફરજનને સામેલ કરો.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.