કાર્યવાહી / યુપીના જોલૌનમાં બે આરોપી એન્કાઉન્ટરમાં ઠાર ,કોન્સ્ટેબલને માર મારનારને મળ્યું મોત,એક પોલીસ ઇજાગ્રસ્ત

• ઉત્તર પ્રદેશના જાલૌન જિલ્લામા બે આરોપીઓનું એન્કાઉન્ટર
• ભેદજીત હત્યા કેસમાં ફરાર આરોપીઓને મળ્યું મોત
• અથડામણમાં એક પોલીસ કર્મી પણ ઘાયલ

ઉત્તર પ્રદેશના જાલૌન જિલ્લાના કોન્સ્ટેબલ ભેદજીત હત્યા કેસમાં ફરાર આરોપીઓ અને પોલીસની અથડામણ થઈ હતી. આ દરમિયાન પોલીસ એન્કાઉન્ટરમાં એક બદમાશનું મોત નીપજ્યું છે. જ્યારે એન્કાઉન્ટર દરમિયાન એક શખ્સને ગોળી વાગતા તે ગંભીર રીતે ઇજાગ્રસ્ત થયો હતો. જેને હોસ્પિટલ ખાતે ખસેડવામાં આવ્યો હતો. જ્યા તેણે હોસ્પિટલ બીછાને આખરી શ્વાસ ખેંચ્યા હતા. જેને લઈને તેનું પણ મૃત્યુ નીપજ્યું હતું. બીજી તરફ અથડામણમાં એક પોલીસ કર્મી પણ ઘાયલ થયા હોવાનું જાણવા મળી રહ્યું છે જેની હોસ્પિટલમાં સારવાર ચાલી રહી છે.

ઉચ્ચ પોલીસ અધિકારીઓ તાત્કાલિક ઘટનાસ્થળે દોડી ગયા

મહત્વનું છે કે ગત તા. 10 મેના રોજ ઉરઇ કોતવાલી પોલીસ મથકમાં કોન્સ્ટેબલ તરીકે ફરજ બજાવતા ભેદજીતની અજાણ્યા શખ્સો દ્વારા ગોળી મારી હત્યા નીપજવામાં આવી હતી. કોન્સ્ટેબલના મર્ડરને પગલે પોલીસ આલમમાં ખળભળાટ મચી ગયો હતો. જેથી જિલ્લાના એસપીથી લઈ ઉચ્ચ પોલીસ અધિકારીઓ તાત્કાલિક ઘટનાસ્થળે દોડી ગયા હતા અને બદમાશોને શોધવા કવાયત હાથ ધરી હતી.

આરોપીઓએ પોલીસ ટીમ પર ગોળીબાર કર્યો

હત્યા કેસમાં સંડાવેલા આરોપીઓને દબોચી લેવા પોલીસ પેટ્રોલિંગમા હતી.આ દરમિયાન પોલીસને બાતમી મળી હતી કે આ પ્રકરણના આરોપીઓ ઔદ્યોગિક વિસ્તારમાં સંતાયા છે. જેના આધારે પોલીસે ઘેરાબંધી કરી અને આરોપીઓને આત્મસમર્પણ કરવા કહ્યું હતું. પરંતુ આરોપીઓએ પોલીસ ટીમ પર ગોળીબાર કર્યો હતો. જેના જવાબમાં પોલીસે પણ ગોળીબાર કર્યો હતો. જે અથડામણમાં એક શખ્સને ગોળી વાગતાં તેનું ઘટનાસ્થળે જ મોત નીપજ્યું હતું જ્યારે અન્ય એકને ગંભીર ઇજા થવા પામી હતી. જેનું સારવાર દરમિયાન મોત નીપજ્યું છે. મૃતક બદમાશની કુલ્લુ નિવાસી રહિયા અને રમેશ નિવાસી સરસોખી તરીકે ઓળખ થઈ છે.

આ દરમિયાન એક પોલીસ ઇન્સ્પેક્ટરને પણ ગોળી વાગી હતી જેને લઈને તેને ગંભીરતા તાત્કાલિક સારવાર અર્થે ખસેડવામાં આવ્યા હતા પરંતુ બુલેટ પ્રુફ જેકેટ પહેરવાને કારણે અન્ય બે જવાનોના જીવ બચી ગયા હતા.