પોલ ખુલી / પહેલા જ વરસાદમાં ગુજરાતે તંત્રનું 'પાણી જોયું', અનેક વિસ્તારોમાં ઢીંચણસમાં પાણી, જુઓ તસવીરો

• રાજ્યમા કુલ 121 તાલુકામાં નોંધાયો વરસાદ
• ખેડાના મહેમદાવાદમાં 2 કલાકમાં 4.3 ઇંચ વરસાદ
• અમદાવાદમાં પણ વરસાદી માહોલ છવાતા ઠેર ઠેર પાણી ભરાયા

રાજ્યમાં સવારથી લઈ સાંજનાં 4 વાગ્યા સુધી 121 તાલુકામાં વરસાદ નોંધાયો છે.  જેમાં સૌથી વધુ વરસાદ ખેડા જીલ્લામાં નોંધાયો હતો. ત્યારે ખેડાનાં મહેમદાવાદમાં 4.3 ઈંચ વરસાદ નોંધાયો હતો. જ્ય નડીયાદમાં 4.3 ઈંચ વરસાદ નોંધાયો હતો. તેમજ વરસાડનાં ઉમરગામમાં 3.8 ઈંચ વરસાદ નોંધાયો હતો. તેમજ આણંદ, ગળતેશ્વર, વાસોમાં 1.7-1.7 ઈંચ વરસાદ નોંધાયો હતો. તેમજ ખેડા, ઉમરેઠ, કપરાડામાં 1.5 ઈંચ વરસાદ નોંધાયો હતો. જ્યારે ગાંધીધામ, વડોદરા, પારડીમાં 1.2 ઈંચ વરસાદ નોંધાયો છે. તેમજ ખંભાળીયા, પારડી, જેતપુર, કુતીયાણા, મેંદરડા, બોરસદ, માણાવદરમાં 1-1 ઈંચ વરસાદ પડ્યો છે. 

પંપિંગ મશીન બંધ હોવાથી કલાકો બાદ પણ અંડરપાસ બંધ 
નવસારીમાં જળબંબાકારની પરિસ્થિતિ સર્જાઈ છે. ત્યારે પાણી ભરાવવાને લઈ વિપક્ષનો સત્તાપક્ષ પર પ્રહાર કર્યો છે. નડિયાદ નગરપાલિકાનો પ્રિ-મોન્સુન પ્લાન નિષ્ફળ નીવડ્યો છે. પંપીંગ મશીન બંધ હોવાથી કલાકો બાદ પણ અંડરપાસ બંધ છે. લાઈટ ગયા બાદ જનરેટર પણ કાર્યરત નથી થયા. ત્યારે જનરેટર ચાલુ ન કરવાથી તમામ અંડરપાસ બંધ છે. ત્યાર કચરો સાફ નથી કરાયો તે કચરો પાઈપલાઈનમાં ઘુસ્યો છે. વિપક્ષ આ મામલે કરશે પ્રમુખ અને CEOને રજૂઆત. ત્યારે વિપક્ષનાં સભ્ય ગોકુલ શાહે સત્તાપક્ષ પર આક્ષેપ કર્યા છે. 

ખેડાના મહેમદાવાદમા 2 કલાકમા 4 ઈંચ જેટલો વરસાદ
ખેડાના મહેમદાવાદમા 2 કલાકમા 4 ઈંચ જેટલો વરસાદ વરસ્યો છે.  બપોરે 12થી 2 સુધીમાં રાજ્યના 56 તાલુકાઓમા વરસાદ વરસ્યો છે. ત્યારે ખેડાનાં નડીયાદમાં  2 લાકમા 3 ઈંચ વરસાદ. જ્યારે ખેડાના મહુધામા 2 કલાકમા 2 ઈંચ વરસાદ ખાબક્યો છે.  નડીયાદ અને મહેમદાવાદ તાલુકામાં 4-4 ઈંચ વરસાદ પડ્યો છે. 

વરસાદ વરસતા શહેરમાં અનેક વિસ્તારોમાં પાણી ભરાયા

અમદાવાદ શહેરમાં બપોરના સમયે ધોધમાર વરસાદ વરસતા શહેરમાં અનેક વિસ્તારોમાં પાણી ભરાયા છે.જેમાં શહેરના શિવરંજની, વેજલપુર, I I M રોડ અને પ્રહલાદ નગર, SG હાઈવે પર પાણી ભરાયા હતા. ભારે વરસાદને લઈ રોડ-રસ્તા પર પાણી ભરાતા રાહદારીઓ અને વાહન ચાલકોને ભારે હાલાકીનો સામને કરવો પડ્યો હતો.2 કલાકથી વધુ સમય સુધી વરસેલા ભારે વરસાદને લઈ શહેરના મુખ્ય માર્ગો પર પાણી ભરાયા હતા. આથી રાહદારીઓને પાણીમાં ચાલવાની અને વાહન ચાલકોને પસાર થવાની ફરજ પડીસ હતી. આ સાથે અનેક વાહનોમાં પાણી ભરાતા વાહનો બંધ પડવાના દ્રશ્યો જોવા મળ્યા હતા.

શિવરંજની વિસ્તારમાં ભરાયા પાણી
અમદાવાદ શહેરમાં ધોધમાર વરસાદનાં કારણે શહેરમાં અનેક જગ્યાએ પાણી ભરાયા હતા. ત્યારે શિવરંજની વિસ્તારમાં પાણી ભરાતા વાહન ચાલકોને ભારે હાલાકીનો સામનો કરવો પડ્યો હતો. 

 

ભારે વરસાદથી અમદાવાદના વેજલપુરમાં ભરાયા પાણી 
અમદાવાદમાં મેઘરાજાએ જોરદાર બેટિંગ કરી હતી. ભારે વરસાદથી અમદાવાદનાં વેજલપુરમાં પાણી ભરાયા હતા. ત્યારે દર વર્ષે વરસાદ પડતા જ વેજલપુરમાં પાણી ભરાઈ જાય છે. શહેરનાં અનેક વિસ્તારોમાં પાણી ભરાયા હતા. ત્યારે જાહેર રસ્તા પર પાણી ભરાતા વાહન ચાલકોને ભારે હાલાકી પડી હતી. 

પ્રથમ વરસાદમાં જ IIM રોડ પર ભરાયા પાણી 
અમદાવાદમાં પ્રથમ વરસાદમાં જ પાણી ભરાવાની સમસ્યા સર્જાઈ હતી. પ્રથમ વરસાદમાં જ IIM  રોડ પર પાણી ભરાયા હતા. પાણી ભરાતા વાહનો બંધ થવાની ઘટનાઓ પણ સામે આવી હતી. ત્યારે  પગપાળા સિનિયર સીટીઝનો અને પગપાળા જતા વૃદ્ધોને પાણીમાંથી પસાર થવું પડી રહ્યું છે. સમસ્યા સાથે પણ લોકો પ્રથમ વરસાદની મઝા માણી રહ્યા હતા. તો બીજી તરફ ગરમીથી રાહત મળી પણ પાણી ભરાઈ રહ્યા છે.