અનોખો સંદેશ / પિતાના અવસાન બાદ મરણોત્તર ક્રિયામાં વડોદરાના અધિકારી કર્યું એવું કે બોલી ઉઠશો નવા બીજ રોપ્યા, ચોમેર સરાહના

• સુરતમાં મરણ પ્રસંગને અપાયું અનોખું રૂપ 
• સ્નેહીજનોને પર્યાવરણ જાળવણીના સંદેશ આપ્યો
• સ્નેહીજનોને વૃક્ષોના છોડ, નાગલીના પાપડ આપ્યા

સુરત જિલ્લાના મહુવા તાલુકાના બારોળિયાં ફળિયામાં રહેતા અને હાલ વડોદરા જિલ્લામાં ફરજ બજાવતા એક અધિકારીએ પોતાના ઘરમાં બનેલ મરણ પ્રસંગને અનોખું રૂપ આપ્યું હતું. પોતાના પિતાનું  નિધન થતાં મરણોત્તર ક્રિયામાં  પધારેલા સૌ સ્નેહીજનોને પર્યાવરણ જાળવણીના સંદેશ સાથે વિવિધ પ્રકારના વૃક્ષોના છોડ આપી મિલેટ્સ મહોત્સવ અંતર્ગત નાગલીના પાપડ સહિતની કીટ વિતરણ કરી અનોખો સંદેશ પાઠવ્યો હતો.

જાગૃતિ સભર અભિગમ
સુરત જિલ્લાના આદિવાસી વિસ્તાર ગણાતા મહુવા પંથકના સરકારી અધિકારી કે જે પોતે ખેતીવાડી વિભાગમાં વડોદરા જિલ્લામાં ફરજ બજાવે છે પરંતુ તેમના પિતાનું  ગત 26મી જુનના રોજ નિધન થતા આજે તેમના વતન મહુવા નજીક આવેલ બારોળિયા ફળિયામાં મરણોત્તર ક્રિયા માટે બારમાંની  વિધિ રાખવામાં આવી હતી. જોકે આ મરણોત્તર વિધિમાં કૃષિ અધિકારીએ એવા જાગૃતિ સભર અભિગમો દર્શાવ્યા કે, જેનાથી સૌ કોઈ આશ્ચર્યચકિત થઈ ગયા હતાં

મિલેટ્સ કીટનું પણ વિતરણ કરવામાં આવ્યું 
ખાસ કરીને  આદિવાસી સમાજમાં કોઈપણ વ્યક્તિનું મૃત્યુ થાય ત્યારબાદ ઘણી બધી પ્રથાઓ જોડાયેલી હોય છે. જોકે આ મહેશભાઈ માધુભાઈ પટેલના પરિવારજનો આ તમામ પ્રથાઓને તિલાંજલિ  આપીને મરણોત્તર ક્રિયામાં પધારેલા સ્નેહીજનોને આંબાની કલમ, તુલસીના છોડ, તેમજ નાળિયેરીના રોપા વિતરણ કર્યા હતા. તેમજ આંતરરાષ્ટ્રીય મીલેટ્સ 2023 અંતર્ગત તમામને આ પરિવાર દ્વારા મિલેટ્સમાં આવતી વાનગીઓ પોસ્ટિક આહાર મળી રહે તેવું મિલેટ્સ કીટનું પણ વિતરણ કરવામાં આવ્યું હતું.

સામાજિક જાગૃતિ
સ્વર્ગવાસી માધુભાઈ મેઘાભાઈ પટેલના બારમાની વિધિ નિમિત્તે પરિવારજનો દ્વારા બારડીયા ફળિયામાં સ્મરણાર્થે કાર્યક્રમ રાખવામાં આવ્યો હતો. ખાસ કરીને આ તમામ વસ્તુઓની સાથે આ વિસ્તારને આદિવાસી વિસ્તાર પણ ગણાય છે. કેન્દ્ર સરકાર દ્વારા પ્રધાનમંત્રી કિસાન યોજના હેઠળ ખેડૂતોની જરૂરી ત્રુટીઓ નિવારીને તમામ આદિવાસી ખેડૂતોને આ લાભ સમયસર મેળવી શકે તે માટેની કામગીરી પણ આ 12માંની વિધિના સ્થળે જ કરી હતી. એક મરણ પ્રસંગને પણ સામાજિક જાગૃતિના રૂપમાં ફેરવી દીધો હતો.