દવા'દારૂ' / વડોદરામાં આયુર્વેદિક કફ સિરપમાં દવા નહીં પરંતુ એવી વસ્તુ નિકળી કે ચક્કર ખાઇ જશો

• વડોદરાનો ભેજાબાજનો અજીબ ગોરખ ધંધો 
• નકલી સેનેટાઇઝરમાં ઝડપાઈ જામીન પર છૂટ્યો 
• આર્યુર્વેદિક સીરપની આડમાં દારુ વેચતો  થયો 

વડોદારમાં યેનકેન પ્રકારેણ નાણા કમાવવા માટે નાગરિકોની આંખમાં ધૂળ ઝોન્ક્વાનો ભેજાબાજનો ધંધો જામીન પર છૂટ્યા બાદ પણ ચાલુ રહ્યો હોવાની ઘટના સામે આવી છે.કોરોનાકાળમાં નકલી સૅનેટાઇઝર બનાવી વેચાણ કરવાના વ્યવસાયનો પોલીસે પર્દાફાશ કર્યો, તો કોર્ટમાંથી જામીન પર છૂટી આયુર્વેદિક સિરપની આડમાં દારુ બનાવી આયુર્વેદીક દવાના નામે વેચાણ કરી લોકોના સવાસ્થ્ય સાથે ચેડાં કરવાનો વ્યવસાય શરૂ કર્યો હતો 

સાંકરદામાં ધમધમતી ફેક્ટરી 

વડોદરા નજીક આવેલ સાંકરદા ગામ પાસે દુર્ગા ઇન્ડસ્ટ્રિયલ એસ્ટેટમાં આયુર્વેદિક સિરપની આડમાં દારુ બનાવી આયુર્વેદીક દવાના નામે વેચાણ કરતી ફેક્ટરીનો શહેર પી.સી.બી. શાખાએ પર્દાફાશ કર્યો છે. આ કંપની કંકાસાવ નામની આયુર્વેદિક દવાની બોટલમાં આલ્કોહોલ વેચતી હોવાની વિગતો પોલીસ તપાસમાં બહાર આવી છે પોલીસે ફેકટરીમાંથી ઈથેનોલ તથા મશીનરી અને અન્ય સાધનો મળીને 1 કરોડ ઉપરાંતનો મુદ્દામાલ કબજે કરી કાર્યવાહી હાથ ધરી છે.

સીરપની આડમાં દારુ; FSL રીપોર્ટમાં ખુલાસો 

આયુર્વેદીક સિરપની બોટલ પોલીસે તપાસ અર્થે એફએસએલ માં મોકલતા  પ્રાથમિક રિપોર્ટમાં આયુર્વેદિક સિરપની બોટલ માં દારુ હોવાનો ચોંકવનારો ખુલાસો થયો હતો પોલીસ ને આ કંપની પરથી શંકાસ્પદ ગુલાબી અને સફેદ પાવડર પણ મળી આવ્યો હતો જે શંકાસ્પદ પાઉડર એફએસએલ માં તપાસ અર્થે મોકલવામાં આવ્યો છે અને પોલીસે કંપની ના સુપર વાઇઝર સહિત બે ઈસમો ની અટકાયત કરી તેમની પુછપરછ કરતા ચોંકવનારી માહિતી સામે આવી હતી 

મેડીકલ સ્ટોરમાં સપ્લાય 

આયુર્વેદિક સિરપની આડમાં દારુ બનાવી આયુર્વેદીક દવાના નામે વેચાણ કરવાનું કૌભાંડ કોરોના કાળ માં ગોરવા ખાતે ફેક્ટરીમાં ડુપ્લીકેટ સૅનેટાઇઝર બનાવના ગુનામાં ઝડપાયેલ અને એક મહિના પેહલા જ જામીન પર છૂટી ને બહાર આવેલ નીતિન કોટવાણી જ દારુ બનાવીને આયુર્વેદિક સિરપના નામે વેચવાનું શરુ કર્યું હતું અને રોજ ત્રણ થી ચાર ટેમ્પા ભરીને આયુર્વેદિક સિરપના નામે દારુ મેડિકલ સ્ટોરમાં મોકલતા હતા હાલ સમગ્ર કૌભાંડ ની તપાસ પીસીબી શાખા કરી રહી છે અને ફરાર નીતિન કોટવાણી ની શોધખોળ હાથ ધરી છે