Israel Hamas War / જંગના 39માં દિવસે હમાસની 'સંસદ' પર ઇઝરાયલનો કબજો, IDFએ ઝંડો લહેરાવ્યો

• ગાઝાના મોટાભાગના વિસ્તારોમાં ઈઝરાયલની સેનાનો કબ્જો
• ઈઝરાયલના સૈનિક ગાઝામાં હમાસની સંસદ સુધી પહોંચ્યા
• ઈઝરાયલની સેનાએ ફોટો શેર કર્યો

ઈઝરાયલે હમાસને ગાઝામાં જડબાતોડ જવાબ આપ્યો છે. ગાઝાના મોટાભાગના વિસ્તારોમાં ઈઝરાયલની સેનાએ કબ્જો કરી લીધો છે. ઈઝરાયલના સૈનિક ગાઝામાં હમાસની સંસદ સુધી પહોંચી ગયા છે. ઈઝરાયલની સેનાએ એક ફોટો શેર કર્યો છે. જેમાં ઈઝરાયલના સૈનિકે હમાસની સંસદમાં ઝંડો લહેરાવતા જોવા મળી રહ્યા છે. 

ઈઝરાયલની સેનાના જવાનો હમાસની સંસદમાં સ્પીકરની ખુરશી પર બેઠેલા જોવા મળી રહ્યા છે, જેમાં ઈઝરાયલનો ઝંડો લહેરાવી રહ્યા છે. ઈઝરાયલના રક્ષા મંત્રી યોવ ગૈલેંટે પરિસ્થિતિનો તાગ મેળવ્યો છે અને જણાવ્યું છે કે, ઈઝરાયલના સૈનિક પ્લાન અનુસાર કામ કરી રહ્યા છે અને સટીકતાથી હમાસનો ખાત્મો કરી રહ્યા છે. આ દરમિયાન વાયુ, સમુદ્રી અને ગ્રાઉંડ ફોર્સના સમન્વય સાથે મિશનને અંજામ આપી રહ્યા છે. 

હમાસે ગાઝા પર નિયંત્રણ ગુમાવ્યું- ઈઝરાયલ
ઈઝરાયલના સૈનિકોને રોકવા માટે હમાસ પાસે કોઈપણ પ્રકારની તાકાત નથી. IDF તમામ બાજુએથી આગળ વધી રહ્યા છે. હમાસે ગાઝા પરનું નિયંત્રણ ગુમાવ્યું છે, આતંકવાદી દક્ષિણ તરફ ભાગી રહ્યા છે. નાગરિકો હમાસના ઠેકાણાઓ પર લુંટને અંજામ આપી રહ્યા છે અને તેમને સરકાર પર કોઈ વિશ્વાસ નથી. 

ઈઝરાયલની સેનાએ જણાવ્યું છે કે, ‘IDFએ હમાસની 24 બટાલિયનમાંથી 10 બટાલિયનની અસરકારકતાને ઓછી કરી દીધી છે. IDF અનુસાર હમાસે 7 ઓક્ટોબરના રોજ ઈઝરાયલ પર હુમલો કર્યો હતો. હમાસે 30,000 સૈનિકો સાથે યુદ્ધ શરૂ કર્યું હતું. હમાસના સૈનિક 5 બ્રિગેડ અને 24 બટાલિયનમાં ફેલાયેલા હતા. તમામ બટાલિયનમાં 1000થી વધુ સૈનિક હતા.’

7 ઓક્ટોબરથી યુદ્ધ ચાલી રહ્યું છે
હમાસે 7 ઓક્ટોબરના રોજ ઈઝરાયલ પર હુમલો કર્યો હતો. જેમાં 1400 લોકોના મોત થયા હતા, તથા 240 લોકોને બંધક બનાવી લેવામાં આવ્યા હતા. ઈઝરાયલ સતત 5 સપ્તાહથી ગાઝા પટ્ટીમાં બોમ્બબારી કરી રહ્યું છે. છેલ્લા 15 દિવસથી ઈઝરાયલની સેના ગ્રાઉન્ડ ઓપરેશન ચલાવી રહી છે. ઈઝરાયલે હમાસના ઠેકાણા અને સુરંગને તબાહ કરી દીધા છે. જેમાં 11,000 લોકોના મૃત્યુ થયા હોવાનું સામે આવ્યું છે.