સ્વાસ્થ્ય / શ્વાસ લેવામાં તકલીફ, છાતીમાં દુખાવો... જેવાં લક્ષણો દેખાય તો તુરંત ચેતી જજો, હોઇ શકે છે આ ગંભીર બીમારી

• ફેફસાનું સંક્રમણ છે નિમોનિયા 
• નિયોનિયા એક ગંભીર અને ઘાતક બીમારી
• આવા લક્ષણો દેખાય તો ચેતી જજો

12 નવેમ્બરે આખી દુનિયામાં વર્લ્ડ નિમોનિયા ડે ઉજવવામાં આવે છે. તેને ઉજવવાનો હેતુ લોકોને નિમોનિયા બીમારીની ગંભીરતા પ્રત્યે જાગૃત કરવાનો છે. નિમોનિયા બીમારીમાં ફેફસા સંક્રમિત થઈ જાય છે. 

નિમોનિયા થવા પર શ્વાસનળીમાં તરળ પદાર્થ કે કફ ભરાઈ જાય છે જેના કારણે શ્વાસ લેવામાં મુશ્કેલીઓ આવે છે અને બીજી પણ ગણી સમસ્યાઓ જોવા મળે છે. આવો જાણીએ નિમોનિયા ડે પર સૌથી પહેલા આ બીમારી વિશે સાથે જ તેને થવા પર શરીરમાં કયા પ્રકારની સમસ્યાઓ જોવા મળે છે. 

શું છે નિમોનિયા? 
નિમોનિયા ફેફસાના સંક્રમણના કારણે થતી એક ગંભીર બીમારી છે. જેમાં ફેફસામાં પાણી ભરાઈ જાય છે અને તેમાં સોજો આવી જાય છે. આ બીમારી તમારા એક કે બે ફેફસાને પ્રભાવિત કરી શકે છે. નિયોનિયા બેક્ટેરિયા અને વાયરસના કારણે થાય છે નિયોમિયા થવા પર ફેફસામાં હાજર વાયુ થેલીમાં કફ કે હવા ભરાઈ જાય છે. સમય પર આ સમસ્યાનો ઉપચાર ન થવા પર દર્દીનું મોત પણ થઈ શકે છે. 

નિમોનિયાના લક્ષણ 
નિમોનિયાના લક્ષણ એવા હોય છે જેને ઘણી વખત આપણે મામૂલી સમજીને ઈગ્નોર કરીએ છીએ. અને આ સૌથી મોટી ભુલ છે. આવો જાણીએ કઈ સમસ્યાઓ લાંબા સમય સુધી રહે તો હોઈ શકે છે નિમોનિયા...

શ્વાસ લેવામાં મુશ્કેલી 
શ્વાસ લેવામાં મુશ્કેલી થવી નિમોનિયાના ગંભીર લક્ષણોમાંથી એક છે. 

ખાંસી આવવી 
સુકી ખાંસી અને ખાંસીમાં કફ નિમોનિયાના લક્ષણ હોઈ શકે છે. ઘણા વખત કફનો રંગ પીળો, લીલો હોઈ શકે છે અને અહીં સુધી કે કફમાં લોહી પણ આવી શકે છે. 

થાક અને કમજોરીનો અનુભવ 
જો તમને સતત થાક અને કમજોરી અનુભવાઈ રહી છે તો આ નિમોનિયાનું લક્ષણ હોઈ શકે છે. 

તાવ, પરસેવો આવવો અને ઠંડી લાગવી 
પરસેવાની સાથે તાવ આવવો અને ઠંડી લાગવી પણ નિમોનીયાના લક્ષણોમાં શામેલ છે. 

છાતીમાં દુખાવો 
શ્વાસ કે ઉંડો શ્વાસ લેવા પર છાતીમાં દુખાવો થાય તો તે નિમોનિયાના લક્ષણ હોઈ શકે છે. 

ઉલ્ટી કે ઝાડાની સમસ્યા 
સતત ઉલ્ટી કે ઝાડાની સમસ્યા પણ નિમોનિયાના લક્ષણોમાંથી એક છે.