આંદોલન / રાજસ્થાનમાં અનામતની માગ સાથે ગુર્જર સમાજનો આક્રોષ, સરકારને કહ્યું- રવિવાર સુધીમાં માંગ નહીં સ્વીકારે તો...

• અનામતની માંગ કરી રહ્યા છે ગુર્જર સમાજના લોકો
• રાજસ્થાનમાં રેલના પાટાઓ પર બેઠા આંદોલનકારી
• ગુર્જર આંદોલનના કારણે રેલ પરિવહનને અસર

સમગ્ર રાજસ્થાનમાં ચક્કાજામ કરવા માટે ગુર્જર નેતાઓએ આજે એટલે કે રવિવારે બેઠક બોલાવી. કર્નલ કિરોડીસિંહ બેંસલા ચક્કાજામ પર અંતિમ નિર્ણય લેશે. તેમની તૈયારી માટે તેમણે હિંડૌનથી લઇને દૌસા અને સિકંદરા સુધી બેઠક કરી છે. જેમાં ગુર્જર સમાજના લોકોએ કહ્યું કે, જો રવિવાર સાંજ સુધી સરકાર તરફથી કોઇ યોગ્ય પ્રસ્તાવ ન આવ્યો અથવા તો પછી કોઇ વાતચીત માટે ન આવ્યું તો કાલે એટલે કે સોમવાર સવારથી સમગ્ર રાજસ્થાનમાં દરેક જગ્યાઓ પર ચક્કાજામ કરી દેવામાં આવશે.

બૈંસલાએ કહ્યું કે, સરકાર અમને આંદોલન કરવા માટે મજબૂર કરી રહી છે. અમારી 6 માંગો છે, જો સરકાર તે માની લે છે તો અમે આંદોલન નથી કરવા માંગતા. તેમણે કહ્યું કે, બેવડી નીતિથી અંદાજિત 35 હજાર ગુર્જરોને નોકરી નથી મળી શકી.

જણાવી દઇએ કે બૈંસલાએ બંધ બારણે પંચ પટેલોની સાથે શનિવારે દિવસભરની મીટિંગની ખબર જેમ ફેલાઇ કે રાજસ્થાનમાં અનેક જગ્યાઓ પર ગુર્જરોએ કલાકો સુધી રોડ પર જામ કર્યો. જેના કારણે લોકો દિવસભર હેરાન થતા રહ્યા. બયાના અને સવાઈ માધોપુરમાં 10થી 12 કલાક સુધી રોડ પર જામ રહ્યો.

બૈંસલાના ઉગ્ર રૂપને જોતા સરકાર વાતચીત માટે તૈયાર થઇ

આ વચ્ચે માનવામાં આવી રહ્યું છે કે, બૈંસલાના ઉગ્ર રૂપને જોતા સરકાર વાતચીત માટે તૈયાર થઇ ગઇ છે. ગુર્જર અનામત સંઘર્ષ સમિતિના સંયોજક બૈંસલા સાથે વાતચીત માટે રમતગમત મંત્રી અશોક ચાંદનાને સરકાર ફરી વખત મોકલી શકે છે. જણાવી દઇએ કે, ગુર્જર આંદોલનના કારણે હજુ સુધી ભરતપુર, કરૌલી અને દૌસા જિલ્લામાં સામાન્ય જનજીવનને ખરાબ અસર પહોંચી છે.

રેલવેએ કેટલીક ટ્રેનોના રૂટ ડાયવર્ડ કર્યા

ગુર્જર આંદોલનના કારણે રેલવેએ કેટલીક ટ્રેનોના રૂટ ડાયવર્ડ કરી દીધા છે. ત્યારે, કેટલીક ગાડીઓને પણ રદ્દ કરી દેવામાં આવી છે. રાજસ્થાન રોડવેઝની બસો બંધ હોવાથી લોકોને ભારે મુશ્કેલીઓનો સામનો કરવો પડી રહ્યો છે. આ સિવાય ઇન્ટરનેટની સેવાઓ બંધ થવાથી જનજીવન પ્રભાવિત થયું છે.