મહેસાણા / ડૉક્ટર છે કે દાનવ! સારણ ગાંઠની જગ્યાએ બાળકના ગુપ્તાંગની ચામડીનું કરી નાખ્યું ઓપરેશન, કડીમાં ડૉ.કેતન ભટ્ટનો કાંડ

• મહેસાણાના કડીમાં ડૉક્ટરની ગંભીર બેદરકારી 
• સારણગાંઠની જગ્યાએ બાળકના ગુપ્તાંગની ચામડીનું ઓપરેશન કર્યું
• કડીમાં સોહમ હોસ્પિટલના ડૉ.કેતન ભટ્ટ સામે આરોપ 

મહેસાણામાંથી ડોક્ટરની બેદરકારીનો કિસ્સો સામે આવ્યો છે. જે ડોક્ટરને આપણે ભગવાન સમાન માનતા હોય છીએ એ જ ડોક્ટર દ્વારા કરવામાં આવેલી ઘોર બેદરકારીનો કિસ્સો સામે આવ્યો છે. મહેસાણાના એક ડોક્ટર દ્વારા સારણગાંઠની જગ્યાએ બાળકના ગુપ્તાગની ચામડીનું ઓપરેશન કરી નાખવામાં આવ્યું છે.. જેને લઈને મામલો ઉગ્ર બન્યો છે. મહેસાણાના કડીના આ ડોક્ટરની લાપરવાહીના કારણે આજે એક બાળકને હેરાનગતિનો સામનો કરવો પડી રહ્યો છે.

ડૉક્ટરની ભૂલના કારણે બાળકના પરિવારને ભારે હાલાકી

મળતી માહિતી અનુસાર કડીના ડો. કેતન ભટ્ટની સોહમ હોસ્પિટલમાં આ બનાવ બન્યો છે. જ્યાં 9 વર્ષના બાળકનુ સારણ ગાઠનું ઓપરેશન કરવાનું હતું તેના બદલે ડોક્ટેરે ગુપ્તાંગની ચામડીનું ઓપરેશન કરી નાખ્યું હતું. આજે આ ડોક્ટરની ભુલના કારણે બાળકને અને તેના પરિવારને રોવાનો વારો આવ્યો છે. કડીમાં રહેલા 9 વર્ષના બાળક પ્રિયાંશ પ્રજાપતિ સાથે આ ઘટના બની છે.આ ઘટનાને લઈને બાળકના પિતાએ પોલીસ સ્ટેશનમાં ફરીયાદની અરજી કરી છે. જો કે ડોક્ટર દ્વારા થયેલી આ ભુલને ડોક્ટરે ખુદ સ્વીકારી છે.

સમગ્ર મામલે બાળકના પિતાએ પોલીસ મથકે ફરિયાદ માટે કરી અરજી

સમગ્ર મામલે પોલીસ ફરિયાદ દાખલ કરવા માટે બાળકનો પરિવાર આજીજી કરી રહ્યું છે. ઘટનાને લઈને પરિવારના લોકોમાં ભારે રોષ જોવા મળી રહ્યો છે. પરિવારની બસ એક જ માંગ છે કે તેમને ન્યાય મળવો જોઈએ. કારણ કે એક ડોક્ટરની ભુલના કારણે બાળક અને તેના પરિવારને ભોગ બનવું પડી રહ્યું છે. હાલ તો પરિવારના લોકોની એક માંગ છે કે ડોક્ટર સામે કડકમાં કડક કાર્યવાહી કરવામાં આવે અને ન્યાય મળે.