અણઘડ આયોજન / સરકારે 160 કરોડના ખર્ચે પાઇપલાઇન નાંખી, પણ પાણી હજુ ન આવ્યું: ભાવનગરમાં ઉનાળા પહેલા ચિંતા વધી

• ભાવનગરમાં 160 કરોડના ખર્ચે નખાયેલી સૌની યોજનાની લાઇન શોભાના ગાઠિયા સમાન
• ટેસ્ટીંગ કરાયા બાદ આજ સુધી પાણી છોડવામાં નથી આવ્યું
• બોર તળાવની સપાટી 44 ફૂટમાંથી 30 ફૂટએ પહોંચી 

રાજ્ય સરકારની સૌની યોજના સૂકા વિસ્તારો માટે આશીર્વાદરૂપ સાબિત થઈ શકે તેમ છે પરંતુ આયોજનમા રહેલ અમુક તૃટીઓને પગલે તેમાં ધારી સફળતા મળતી નથી જેનું જીવતું જાગતું ઉદાહરણ ભાવનગરમાં સામે આવ્યું છે. અહીં ભાવનગરનું બોર તળાવ ભરવા માટે 160 કરોડના ખર્ચે વિકળિયાથી બોરતલાવ સુધી પાઇપ લાઇન નાખવામાં આવી જેનું ટેસ્ટીંગ કરાયા બાદ આજ સુધી પાણી છોડવામાં ન આવતા ખર્ચ પાણીમાં ગયો હોય તેવો ઘાટ સર્જાયો છે.

 
હવે શહેરને પીવાનું પાણી પૂરું પડતું બોર તળાવ જે ગત વર્ષે ઓવરફ્લો થયેલ તેની સપાટો હવે ઘટી રહી છે. આથી સૌની યોજના હેઠળ બોર તળાવ ભરવામાં આવે તો ઉનાળામાં પાણીની તંગી નિવારી શકાય તે છે.

પાણીની સપાટી 44 ફૂટમાંથી 30 ફૂટએ પહોંચી
ભાવનગર સહિત રાજ્યમાં પાણીની તંગી અનુભવતા શહેરો માટે સરકારે નર્મદાનું પાણી ઠાલવવા માટે સૌની યોજના અમલમા મૂકી છે ભાવનગરના બોર તળાવનો પણ તેમાં સમાવેશ થયો છે વિકળિયા થી બિરતલાવ સુધી લઈ નાખવામાં આવી છે જેનું ઉદભવ સ્થાન સીદસર નજીક છે જયાં બોર તળાવનો સ્ત્રોત વિસ્તાર છે.
હાલ સપાટી 44 ફૂટમાંથી 30 ફૂટએ પહોંચી છે. જેથી પાણીની તંગીના પણ ભણકારા વાગી રહ્યા છે.આવી સ્થિતી વચ્ચે સ્થાનિકનું કહેવું છે કે કરોડોના ખર્ચે નખાયેલી આ લાઇનમાંથી બોરતળાવ ભરવું જોઈએ. જેથી તેની આસપાસના વિસ્તારના પાણીના તળ પણ ઊંચા આવી શકે.  સૌની યોજનાનું જ્યા મુખ્ય વાલ્વ છે ત્યાં વૃક્ષો પણ ઊગી નિકળિયા છે તેની સફાઈ કરવા પણ માંગ ઉઠી છે.

દરરોજ 170 એમ એલ ડી પાણીનું વિતરણ 
મહત્વનું છે કે ભાવનગર મનપા દ્વારા આમ તો શહેરમાં એક પણ દિવસના કાપ વગર દરરોજ 170 એમ એલ ડી પાણી શહેરીજનોને વિતરણ કરવામાં આવે છે. પરંતુ શહેરમાં નગરજનોને ઉનાળામાં પાણીની તકલીફના પડે તે માટે આગોતરું આયોજન જરૂરી છે. 160 કરોડના ખર્ચે નખાયેલી સૌની યોજના ધૂળ ન ખાઈ અને સમયનત્તરે ખાલી થતા તળાવ ભરવું આવશક્ય બન્યું છે. બીજી બાજુ વોટર વર્ક્સ એન્જીનીયરનું કહેવું છે કે હાલ બોર તળાવ અને શેત્રુંજી ડેમમાંથી પાણી લાવીને લોકો અપાઈ છે તેની સામે કોઈ ફરિયાદ નથી આથી હાલ સૌની યીજનાનું પાણી બોર તળાવમાં ઠાલવવાની જરૂરત ન હોવાનો દાવો કર્યો હતો.