OMG / ચોકલેટમાંથી નિકળ્યું સોનું, ચોરોની મોડ્સ ઓપરેન્ડી જોઇને અધિકારીઓ પણ ચક્કર ખાઈ ગયા

• મુંબઈ એરપોર્ટ પર દાણચોરી ઝડપાઈ
• ચોકોલેટ ટોફી માં સંતાડવામાં આવ્યું સોનું
• 19 લાખ રૂપિયાનું સોનું થયું જપ્ત

આજકાલ ઘણા લોકો દાણચોરી માટે અવનવા રસ્તાઓ શોધતા હોય છે અને અપનાવતા હોય છે. લોકો દ્વારા સોના અને અન્ય કિંમતી ચીજવસ્તુઓની દાણચોરી દરરોજ થતી રહે છે અને તસ્કરો તેની દાણચોરી કરવાનું એટલું મન મૂકી દે છે કે ઘણી વખત કસ્ટમ વિભાગના અધિકારીઓ પણ આશ્ચર્યમાં મુકાઈ જાય છે. આવો જ એક કિસ્સો મુંબઈ એરપોર્ટ પરથી સામે આવ્યો હતો જ્યારે જેણે પણ તસ્કરોની કારીગરી જોઈ હતી તે જોતા જ રહી ગયા હતા. પરંતુ સદભાગ્યે એરપોર્ટ સત્તાવાળાઓની નજર તેના પર પડી અને આ બાબતનો ખુલાસો થયો.

લગભગ 19 લાખ રૂપિયાનું સોનું જપ્ત
હકીકતમાં આ ઘટના મુંબઈ એરપોર્ટ પર બની હતી. આનો એક વીડિયો પણ સોશિયલ મીડિયા પર સામે આવ્યો છે. મીડિયા રિપોર્ટ્સ અનુસાર, કસ્ટમ વિભાગે મુંબઈ એરપોર્ટ પર લગભગ 19 લાખ રૂપિયાનું સોનું મળી આવ્યું હતું. આ સમય દરમિયાન તસ્કરો ટોફી અને ચોકલેટના રેપરમાં છુપાવીને સોનું લઇ જઇ રહ્યા હતા. તેણે સોનું એટલી સાફ-સફાઈથી સંતાડ્યું હતું કે પહેલી વાર અહીં સોનું છુપાયેલું છે કે નહી તે પણ સમજમાં નહોતું આવ્યું.

(2/4) pic.twitter.com/sttKyPPlZj

— Mumbai Customs-III (@mumbaicus3) September 28, 2022

દુબઈથી મુંબઈ ફ્લાઈટ આવી હતી
માહિતી પ્રમાણે આ સોનું દુબઈથી લાવવામાં આવ્યું હતું. દુબઈથી મુંબઈ એરપોર્ટ જઈ રહેલી ફ્લાઈટમાંથી 24 કેરેટનું લગભગ 369.670 ગ્રામ સોનું મળી આવ્યું હતું. તેની કિંમત 19 લાખ રૂપિયાની આસપાસ જણાવવામાં આવી રહી છે. અધિકારીઓએ જણાવ્યું હતું કે સોનાના ટુકડામાં કાપવામાં આવ્યા હતા અને ચોકલેટ અને ટોફીના લેયર રેપરમાં લપેટવામાં આવ્યા હતા. એટલું જ નહીં, બેગમાં રાખેલા શર્ટની વચ્ચે જ સંતાડી દેવામાં આવી હતી. શંકાના આધારે કસ્ટમ વિભાગે બેગ ચેક કરતાં મામલો સામે આવ્યો હતો. આનો એક વીડિયો સોશિયલ મીડિયા પર ફરી રહ્યો છે. 27 સપ્ટેમ્બરે દુબઈથી આવેલા એક પેક્સની બેગના સ્કેનિંગ દરમિયાન મુંબઈ એરપોર્ટ પર તેને જપ્ત કરવામાં આવી હોવાના અહેવાલ પણ સામે આવ્યા હતા.