ગોલ્ડમાં ગડબડાટ / સોનાના ભાવમાં કેટલો ઘટાડો? અતિશય ઉપાડા બાદ નરમ, ભાવ વધવાનું સૌથી મોટું કારણ

છેલ્લા કેટલાક સમયથી સોના-ચાંદીના ભાવમાં સતત રેકોર્ડબ્રેક તેજી જોવા મળી રહી હતી. આજે સોનાના ભાવ 750 રૂપિયા ઘટીને 10,100 રૂપિયા પ્રતિ 10 ગ્રામ પર આવી ગયા છે. આજે સોનાની કિંમત ઘટીને 73 હજાર 330 રૂપિયા પ્રતિ દસ ગ્રામ પર આવી ગઈ છે. 22 કેરેટ સોનાની કિંમત વધીને 67,170 રૂપિયા થઈ ગઈ છે. 22 કેરેટ સોનાની કિંમતમાં લગભગ 930 રૂપિયાનો ઘટાડો થયો છે.

કેટલો ઘટાડો
24 કેરેટમાં 750 રૂપિયા અને 22 કેરેટમાં 930 રૂપિયાનો ઘટાડો થયો છે.

6 એપ્રિલે સોનાના ભાવમાં સૌથી વધુ વધારો
છેલ્લા 10 દિવસમાં 6 એપ્રિલે સોનાની કિંમતોમાં સૌથી મોટો ઉછાળો જોવા મળ્યો હતો. 6 એપ્રિલે 24 કેરેટ સોનાની કિંમતમાં 1310 રૂપિયાનો વધારો થયો હતો. 22 કેરેટ સોનાના ભાવમાં આશરે રૂ.1200નો ઉછાળો નોંધાયો હતો. આ સાથે જ ચાંદીની કિંમત વધીને 86 હજાર રૂપિયા પ્રતિ કિલો થઈ ગઈ છે.

સોનાના ભાવ અતિશય વધવાનું શું કારણ
હકીકતમાં જ્યારે પણ વિશ્વમાં યુદ્ધની સ્થિતિ સર્જાય છે ત્યારે ત્યારે હંમેશા સોનાના ભાવમાં વધારો જોવા મળે છે. 2003માં ઇરાક યુદ્ધ દરમિયાન પણ સોનાના ભાવમાં ઉછાળો જોવા મળ્યો હતો. હાલમાં રશિયા અને યુક્રેન તથા ઈઝરાયલ અને ઈરાન વચ્ચે યુદ્ધ જેવી સ્થિતિ ચાલી રહી છે તેને કારણે ભારતમાં છેલ્લા કેટલાક સમયથી સોનાના ભાવ વધતાં જોવા મળ્યાં હતા. 

આગામી વર્ષોમાં 1 લાખ થઈ શકે
સોના-ચાંદીના ભાવ આગામી થોડા વર્ષોમાં એક લાખને પાર પહોંચી શકે છે તેથી નિષ્ણાંતો હજુ પણ ખરીદી લેવાની સલાહ આપી રહ્યાં છે.